Qamchiq dovonida 2 ta YTH sodir bo‘ldi
>>>Kuni kecha, soat 19:45 da «Toshkent — O‘sh» xalqaro avtomobil yo‘lining 251-kilometrida yo‘l transport hodisasi yuz berdi. Bu haqda FVV xabar qildi.
Qayd etilishicha, mashina yukxonasiga oyna ortilgan “Isuzu” yo‘l chetidagi handaqqa tushib ketgan. Bu hodisa Toshkent tomon yo‘l olgan haydovchining mashina boshqaruvini yo‘qotishi tufayli sodir bo‘lgan. 3 daqiqadan so‘ng «Mercedes – Benz Sprinter» xuddi shu sababga ko‘ra, aynan o‘sha handaqqa tushib ketgan.
Qisqa vaqt ichida “Qamchiq” maxsus qidiruv, yong‘in-qutqaruv boshqarmasi xodimlari voqea joyiga yetib kelishdi va maxsus texnika yordamida har ikkala mashinani xavfsiz hududga olib chiqishdi.
Amaliy yordamga Ichki ishlar vazirligining Yo‘l-patrul xizmati xodimlari ham o‘z hissasini qo‘shishdi. Har ikkala haydovchiga ham YTHda tan jarohati yetmagan, deyiladi maʼlumotda.
✅https://t.me/OLTIARIQ_TV
👉@SOTUVDAGI_UY_JOYLAR