...
هتتجوز عليا؟
النهاردة كانت الزيارة الاخيرة من عند الدكتور المليون,وبرده مفيش امل مش هعرف اخلف روحنا علي بيت ام أنس احنا ساكنين في بيت عيلة
- عملتوا ايه ياأنس طمني
سكت شوية وبعدين رد عليها
-مفيش امل ياأمي
هي كمان سكتت ثواني
-يبقى تتجوز يابني
ساعتها شهقت من الخوف
-يتجوز؟
-اه يتجوز يا فريدة من حقه ,من حقه يشوف عيل لما يكبر يسنده وانا من حقي اشوف احفاد ليا منه ده البكري
بصيت في الارض وسكتت ماهي برده عندها حق حقه وهو الشرع حلل الجواز ليه
انس كان ساكت واخدني وطلعنا بيتنا
-هتتجوز عليا؟
كان اول سؤال يخرج مني من اول ما طلعنا
اتنهد بتعب
-فريدة انا نفسي ابقى اب نفسي اشوف عيالي بيكبروا حوليا قبل ماأموت من حقي
صرخ قلبي بحزن رافض يخرج الكلام
- وانا كمان نفسي ابقى أم انا ليل نهار رحمي بيصرخ بحاجته لطفل,وبيصرخ بيستنجد بربنا انا كمان نفسي
- فريدة انا بديك الحرية انك تفضلي معايا او لا وصدقيني مفيش اي حاجة هتتغير في معاملتنا
سكت مش عارفة قد ايه بس انا بحب أنس,بحبه اوي جوازه هيجرحني بس بعده هيهد روحي ويشوه قلبي
مردتش ارد عليه سيبته ودخلت أنام
عدى يومين وساعتها امه بدأت تدورله علي بنت,وطبعا بعد موافقت اني افضل وانه يتجوز مجنونة؟يمكن ويمكن محدش هيفهمني ويعلم انا عملت كده ليه
أنس كان بيتعامل معايا عادي مكنش حد فينا بيتكلم في الموضوع هو مش عايز يأذي مشاعري وأنا مش عايزةاتعب قلبي
ولقوا العروسة اللي كانو عايزنها كانت منفصلة قبل كده,وأنس قرر يقعدنا سوا علشان يكلمنا احنا الاتنين
-مريم ديه فريدة مراتي
ابتسمت لي ابتسامة من تحت درسها
-ازيك يا أبلة فريدة
-أبلة؟
-يوه هو حضرتك برده مش قد أنس وداخلة في الاربعين
عارفين الاستفزاز
لقيت نفسي بقف وبزعق فيها
- لا ابلة ديه تبقى خالتك عمتك مش انا
-اقعدي طيب مالك اتحمقتي كده ليه ده أنا بحترمك
- بس أنتم الاتنين
ولقيته مسك ايدي
-فريدة من فضلك اقعدي علشان خاطري
قعدت وفضلت اعد من واحد لمية في سري
- مريم اسمعيني كويس فريدة احترامها عندي من احترامي,هي ست الناس كلها متحاوليش تهينيها ابدا لان حقيقي هزعل وساعتها متلوميش الا نفسك
عارفين السعادة فيه الخير لسة راجل في معاملته وفي كلامه
-وانت يا فريدة مريم ضيفتك وانت ام الكرم كله وهتحسني معاملتها
هزيت براسي مع ابتسامة خفيفة عارف نقاط ضعفي وعارف اللي ليا واللي عليا ماأحبوش ازاي دول 15 سنة جواز هو استحمل كتير برده
من حقه وبعدين انا ماليش اهل ولا حد غيره
عدى فترة واتجوزوا
ملست على السرير ودموعي نازلة
- لاول مرة من 15 سنة احس بالبرد بياكل قلبي
عدى الليل بعذابه وانا ما نمتش ومعرفتش أنام
لقيت تليفوني بيرن كان أنس رديت بسرعة وبلهفة
- أنس
-صباح الخير وحشتيني عاملة ايه
حبست عياط عايز يطلع
-بخير بنفسك في الدنيا
-مانمتيش برده؟
فضحكت
-أنت عارف ميجليش نوم وانت مش هنا
سمعت تنهيدته الحزينة
-انا م
-متكملش يا انس خلاص فات العتاب انا هسيبك تنام وانام انا كمان مع السلامة
وقفلت المكالمة
الحياة في حكمها قاسية اوي,سابتني يتيمة من وانا صغيرة وحتى لما كبرت ولقيت انس رجعت تيتمني تاني
عدى شهرين وكل حاجة كانت ماشية على طبيعتها لحد ما عرفنا ان مريم حامل
فجأة كل حاجة اتغيرت بيقولوا ان اللي بيحب بيصغر في السن وبيرجع شاب,لكن لما انس سمع الخبر رجع طفل طفل صغير فرحان بلعبه الكتير اللي اهله جابوها علشانه
كان شايل مريم شيل وحتى امه
اكذب لو قولت مغرتش بالعكس نار نار بتقيد جوا قلبي,حتى الوحيد اللي حبيته في كل دنيتي حتة منه شايلاها واحدة غيري
"ربي ان مسني الضر وانت ارحم الراحميين يارب انت ارحم الراحمين"
في يوم كنت طالعة عند سلفتي وسمعتها هي وجوزها
-شوفت اهي المحروسة التانية هتجيب الواد وهيشارك عيالنا في حاجة ابوك
-يعني عايزاني اعمل ايه يعني ؟
-اه يا مراري منك هتسيب حق اولادك ياخدوه غيرك؟
-وانا في ايدي ايه يا نعمة؟
-لا في ايدنا كتير
-بتفكري في ايه؟
-هنسقطها..
شهقت بخضة وكتمت شقهتي بسرعة
-لا يانعمة ده ممكن حد يعرف وساعتها انا وانت والعيال
ساعتها فتحت تليفوني اسجلهم
-انا اعرف واحدة كويسة هتعملنا وصفة كويسة تسقطها ومحدش هيعرف هيبقى قضااء وقدر
-بس
-مبسش انا ما صدقت الست فريدة مبتخلفش ولو كانت بتخلف كنت عملت معاها كده فلوس عيالي محدش يشاركهم فيها
رجعت بسرعة من مكاني ونزلت شقتي
عمالة افكر اعمل ايه؟
صوت بيقولي متقوليش مالكيش دعوة وصوت تاني بيقولي هتسيبي طفل مالوش ذنب يموت الاصوا ت دخلت في بعض فنمت اه احسن حل اني انام
صحيت على صوت أنس جانبي
-فريدة اصحي يلا مش هتنزلي تشتري الحاجات اللي انت عايزاها؟
-هي الساعة كام؟
-خمسة يا حبيبتي,مالك يا فريدة شكلك تعبانة؟
-ها لا ابدا مجرد ارهاق
-خلاص مش لازم تنزلي النهاردة
رديت عليه بتوتر
-لا لا هنزل
وقومت وجهزت علشان انزل وانا نازلة
شوفت نعمة
-صباح الورد والسكر يا فوفة اي حبيبتي كده معتيش بتطلعي لي زعلانة منك
شوفت ابتسامتها وكلامها الودود سألت نفسي
ازاي فيه انسان يقدر يبين كل الحب والود ده وهو من جواه اسود ,ازاي فيه بني ادم قادر يبقى بوشين كده
-معلش يانعمة هطلعلك باذن الله
- الله طبعا هتطلعي انا عازمة العيلة كلها عندي بكره باذن الله هستناك يا فوفة
هزيت براسي ومشيت
وانا ماشية لقيت راجل كبير مش بيشوف قربت منه واديته فلوس
-لا يابنتي انا مش بشحت انا مستني بنتي
-ا انا اسفة اوي يا حاج سامحني
ابتسم لي بود
-شكلك تايهة يابنتي
-لا انا عارفة الطريق كويس
رجع ابتسم تاني
-امال مالك؟
ابتسمت بتعجب ولكن اتنهدت بحزن
-مش عارفة اعمل ايه في حاجة كبيرة ممكن تخسر ناس حاجات كتير
-وانت منهم؟
-لا
-يبقى استفتي قلبك
-يعني ايه؟
- يعني حكمي ضميرك يابنتي شوفي ضميرك بيقولك تعملي ايه
لقتيت دموعي بتنزل
-خايفة ياحاج انا عمالة اخسر كل حاجة مفيش حاجة كسبتها ابدا
ملامحه لانت اكتر وهز راسه
-يبقى بلاش تخسري قلبك كمان مهما كانت خسارة الانسان مفيش زي خسارة القلب وضميره والصوت اللي جواه وبيقوله يعمل الشئ الصح طول ما الصوت ده جوة قلبك اعرفي انك مخسرتهوش
-طب لو لو خسرته؟
-هتبقى مجرد مسخ قلبه بيحكمه السواد
رجعت البيت وانا مترددة ولسة الصوتين جوايا مبيرحوش
والصبح روحنا بيت نعمة وفضلت تحط لنا الاكل لحد ما جت عند مريم
-ديه الفتة اللي انت كان نفسك فيها
نظرة خبيثة عمري ما هنساها وساعتها عرفت انها هتنفذ خطتها
-تعبتي نفسك ليه بس يانعمة
-تعبك راحة يا ست الكل ده انت مرات الغالي
ومريم بصت لي وببسمة صفرا ابتسمت لي
ساعتها سمعت صوت بيقولي شوفتي متستهلش
وفجأة ظهر صوت الشيخ بيحاوط قلبي
"بلاش تخسري قلبك"
-اعوذ بالله من الشيطان الرجيم
واول ما مريم قامت تاكل روحت موقعة الطبق من قدمها
كلهم شهقوا من الخضة
-فريدة اللي انت بتعمليه ده؟
بصيت لأنس وقولتله
-مرات اخوك واخوك كانو عايزين يموتو الطفل جواها
-اييه اللي مراتك بتقولوا ده انس سكتها احسن
-فريدة اسكتي خالص
-انس صدقني والله انا هسمعكم
وفتحت التسجيل اللي سجلته
كلهم كانو مصدومين حتى مريم
لقيت فريد قام وفضل يضرب في اخوه
-انت تعمل فيا كده ده انا اخوك ليه ليه؟
والدته بعدته عنه بصعوبة
-تاخد مراتك ومااشووفش وشك تاني والعيال هتفضل معايا
وطى وفضل يبوس رجلها
-شيطان يا امي والله شيطان سامحيني
-قلبي وربي غضبانين عليك ليوم الدين مش عايزة اشوف وشك تاني
وانا خرجت وطلعت شقتي
كنت حاسة براحة عجيبة حسيت بسلام مدقتش طعمه من يوم جواز أنس
لقيت حد بيرن الجرس
-مريم؟ اتفضلي
قعدت وهي باصة في الارض وبعدين بصت لي وابتسمت
-انا انا مش عارفة اقولك ايه انا كنت قليلة ادب معاك اوي وكنت فاكراك غيرانة مني ومبتحبنيش بس أنت طلعتي ام الكرم كله على راي انس انا متشكرة اوي
ملست على شعرها
-انا اللي عايزة اشكرك انك هتجيبي ابن يملا قلب انس
-وابنك انت كمان مش هأمن على ابن لحد زي ما هأمنلك
ابتسمت لها ودخل عليا أنس
باس راسي وقالي بحزن
-انا لو هحمد ربنا على حاجة فهي وجودك ياست الكل سامحيني علشان زعقت لك
-حقك يا أنس حقك انا مش عايزة الا سعادتك
نظرته ليا كانت دافية وابتسامته انا مكنتش متخيلة ازاي فكرت لثانية اني اضيع البسمة ديه واقهره الحمد لله
بعدها بيومين حلمت بحلم غريب اوي
-فريدة
بصيت لصاحب الصوت كان الراجل العجوز
-انت؟
ابتسم لي بسعادة
- جايلك مرسال
-من مين؟
-مش تسألي هو ايه؟
-ايه؟
مد لي ايده بديك وحمامة
-الله دول ليا؟
-دول هدية انت كنت كريمة بس متنسيش ان كل كريم فيه أكرم منه
-انا مش فاهمة حاجة؟
ضحك تاني
-بكره تفهمي
واعلمي ديما ان اخر طريق الحق شجرة مثمرة اوعي تتنازلي وتبعدي عن الطريق
واعلمي ان ربنا كاتب رزقك من يوم ولادتك وخليك واثقة ان كل حاجة هتيجي في وقتها,يمكن تتأخر فيهألك انها مش هتيجي ولكن ساعتها ربنا بيكون شايلك خير كبير من اللي انت عايزاه
وان العوض الخسارة اللي بتخسريها بيجي ضعف اللي بتتمنيه
ومشى وسابني وانا صحيت من النوم جوايا شعور لذيذ
وبعد تسع شهور
ربنا رزقني بولد وبنت وانا متأكدة انهم ثمرة طاهرة من شجرة الحق وكل ماهو طاهر يأكل...