...

Қишлоқ хўжалигини ривожлантиришнинг 2020-2030 йилларга мўлжалланган Стратегияда аграр маҳсулотлар ҳажмини 2030 йилгача 20 млрд АҚШ долларигача етказиш назарда тутилган.

• Қишлоқ хўжалиги маҳсулотлари экспорти ҳажмини 10 йил ичида 10 баробаргача оширишни назарда тутувчи Стратегия лойиҳаси ишлаб чиқилди.

Ҳосилни суғурталаш механизмлари кучайтирилади

Стратегиянинг асосий аҳамиятга эга жиҳатларидан бири боғдорчиликнинг аниқ йўналтирилган тармоқларини ривожлантиришдир. Бунда агросаноат ишлаб чиқарувчиларнинг ривожланиши ва гуллаб-яшнашига ёрдам берадиган интеграциялашган қўшимча қиймат занжирларини яратишда кўмаклашиш энг муҳим жиҳатлардан бири сифатида саналмоқда. 

Экспорт ҳажмини 20 миллиард долларга етказиш мақсад қилинган

“Қўшимча қиймат занжирини ривожлантириш учун қулай муҳит яратиш ва қишлоқ хўжалиги маҳсулотлари экспорти ҳажмини 2018 йилдаги 2,3 дан 2030 йилгача 20 миллиард АҚШ долларига етказиш мақсад қилинган. Шунингдек, экспорт географиясини кенгайтириш билан бир қаторда, Стратегияда ҳосилни суғурта қилиш механизмларини кучайтириш назарда тутилган. Жумладан омбор сертификатларини жорий этиш, ЖСТнинг СФС Битимига мувофиқ миллий тизимни ислоҳ қилиш ва Халқаро Эпизоотик бюронинг халқаро стандартларига мувофиқ ҳайвонларнинг соғлиғини, карантин ва ўсимликларни ҳимоя қилиш Халқаро Конвенциясига  қўшилиш назарда тутилган”, дейди Қишлоқ хўжалиги вазири Жамшид Ходжаев.

Генетик модификацияланган экинлар(ГМО) учун лаборатория ташкил этилади

Шунингдек, пестицидларни рўйхатга олиш тизимини ва пестицидларнинг рухсат этилган максимал миқдорини такомиллаштириш режалаштирилган. Шунингдек агрологистик марказларнинг ягона тизимини ишга тушириш, ягона савдо тизимини (аукционлар ва биржалар) жорий этиш, генетик модификацияланган экинлар ва ўсимлик навларини (ГМО) синаш учун махсус лаборатория ташкил этиш ҳам режалаштирилган.

togri.uz

@AGROBLOGER