...
: ميكانيكي!!
_ماله يعني مهو بني ادم زينا
: طب مش موافقة
_ليه بس كدا يا مونا هو احنا لسه شوفناه
: يابنتي انا قولت اقولك مين متقدملك عشان تفكري و بصراحة ترفضي
_و ارفض ليه يا أمي مش يمكن ده احسن منهم
: احنا تعبنا انا و ابوكي عشان نعلمك و تحققي الي نفسك فيه و تتجوزي احسن جوازة
_ بصي يا ماما هو هايجي بكرا و نبقى نفكر
___________
_ صباح الخير يا مونا
: صباح النور يا حبيبتي ايه الي مصحيكي بدري
_ عشان اساعدك و نروق فَ نخلص بسرعة
: مش لازم اوي يعني هي هتتروق عادي
_ اشمعنا يعني
: سامحني يا رب بس مش عارفة ليه بعمل كدا بحس إنه عادي مش لازم نشقلبله الشقة ده ميكانيكي
_ يا حبيبتي دي مهنته و الحرفة بتاعته و كل المنطقة بتحلف بأخلاقه و من حقه إن يكون البيت نضيف احترامًا ليه
: يا رنا يا حبيبتي أنتِ دكتوره شاطرة و اتقدملك احسن من كدا ليه ده
_ انا مقولتش إني وافقت ولا بقول رفضت انا بس بقولك إنه يستحق عشان هو محترم زيه زي الي قبله
: طيب الي يريحك
_______________
_"مش عارفه ليه زعلت لما ماما قالت كدا هو يستحق و مينفعش نقلل من شأنه و غير كدا حاسة بشعور غريب شوية"
_ بابا هو انت ممكن تجبرني ارفض
__ عمري ما هجبرك على حاجة تريحك و أنتِ عايزاها
__ بس مش هكدب عليكي لو حسيت إنه ممكن يتعبك بسبب شغله او مش موفرلك الي تحتاجيه اكيد هرفض
_ ربنا يقدم الي في الخير يا حجيج
__ يلا ادخلي اجهزي
__________
"دخلت اجهز و لبست دريس و اهتميت اني يكون شكلي حلو ثواني هو انا فرحانة كدا ليه!!، حاولت اشوفه من ورا الستارة، ايه ده والله ما شوفنا رجالة قمامير قبل كدا والله ما شوفنا"
°بابا ندهلي عشان ادخل و طبعا سابونا شوية مع بعض
=للدرجادي تعبتي فيها
'كنت باصة في الأرض و بعدها بصتله'_ ليه يعني بتقول كدا
= بتبصي للسجادة اكتر مني يعني
'مش عارفة ليه عقلي كان سامع أكاد من فرط الجمال اذوب'
= أنا أحمد سليمان عندي ٢٦ سنة شغال ميكانيكي ابويا و امي توفاهم الله و جاركوا هنا يعني و اعرفك من زمان
_ من زمان ازاي يعني
= هقولك بس مش دلوقتي
°بابا دخل و شوية و قام مشي
"اخدت بالي من البوكيه و زوقه لطيف جدًا و أسلوبه و استايل لبسه، يادوب الحق اجهز قايمة المعازيم"
: تعالي يا رنا انا و ابوكي عايزين نتكلم معاكي
_ حاضر جايه
°طلعت اقعد معاهم
_ نعم يا بابا
__ ايه رأيك يا حبيبتي
: قولي يا رنا متكسفيش
_ هو محترم و أسلوبه حلو يعني و الرأي رأي حضرتك
__ انا كمان مرتاحله و كمان هو جاهز و مش شايف إنه ناقصه حاجة
: صلي استخارة يابنتي و ربنا يقدم الي فيه الخير
_ عن اذنكوا هدخل انام
: تصبحي على خير
_________
"صليت استخارة و ارتاحت و بابا بلغه بالموافقة بعد اسبوع و حددوا مع بعض ميعاد الخطوبة"
__ تعالي يا رنا
_ نعم يا بابا
__ اجهزي عشان ننزل نجيب الشبكة
_ حاضر
°كنت بجهز و شغلت اغنية
"في نصيب و بيتشال لينا مش حب كلام في اغاني فَا بنقفل بابنا علينا نستنا النص التاني"
_مساء الخير
= مساء الورد على قمر الحلوين
'بالله استحيت'
__ يلا يابني عشان نلحق
= اتفضلوا اركبوا
__ نركب فين
= عربيتي
'ماما همست في ودني' : كمان حرامي
_ و ليه مش شاريها يلا يا ماما
"روحنا محل الدهب فجأة كدا فجأة ابتسمت زي الهبلة"
= اختاري الي تحبيه
'ابتسمت'_ حاضر
'شاورت على خاتم معين و دبلة شكلهم لطيف و رقيق'
= اختاري تاني ميهمكيش
_ لا دول حلوين جدًا و رقيقين
= طب ايه رأيك في الانسيال ده
_ لطيف
= و السلسة دي
_ جميلة بردو
= هيبقوا اجمل بكتير عليكي
'ابتسمت و ايه الحلاوة و الطعامة دي اقسم بالله'
__ ألف مبروك يا عروستي
_ ربنا يبارك فيك يا بابا
: مبروك يابنتي ربنا يهنيكي
_ الله يبارك فيكي يا حبيبتي
°روحنا و هيصنا شوية و حقيقي كان دا الطف يوم
=صباح الخير يا جميل
"صحيت لقيت المسدچ" _ صباح النور
= عايز اخد رأيك في حاجة
_ ايه هي
'بعت صور ليه' =انهي طقم احلى
"الحركة دي بتخطف الواحد خطف و هو اصلا جميل ميكانيكي اصلاح سيارات ده ولا لإصلاح و جبر خواطر القلوب"
_ كلهم حلوين جدًا بجد
= ايوا انهي اجمل
_ ممكن ده
= تحبي نخرج انهارده نجيب فستان الخطوبة
_ تمام ماشي
= طب أنا جاي أستأذن عمي و ننزل
"مهو أحمد طلع حلو اهو اكيد كل ده كان اوشاعات، أستأذن بابا و بابا وافق و كان لابس الطقم الي قولتله عليه ياااه لما أحمد يكون احلى من الحياة"
_ انت مبتتخانقش معايا ليه
= ايه ده في ايه!!
_ لا أصل احنا مفيش خناق و تصالحني بقى و حبكشكنات
= اوعدك هتلاقي هيلامنات
_جدع يا ابو حميد
= حبيب ابو حميد
' هي الدنيا بردت كدا ليه'
"كنا بنختار الفستان و اكتشفت إني فعلا معنديش ذوق في اختياراتي إلا هو و فجأة كدا اللهم صلي على النبي كان بيقيس بدلة شكله فيها احسن من حياتي كلها"
=كدا خلصنا
_ اه كدا مفيش حاجة تاني
= تعالي نتمشى شوية
_ و ناكل درة
= و ايس كريم
_ رز بلبن
= هريسة
_ لوليتا
'ضحك' = لوليتا
"بالضحكة دي قلبي متشعلق"
= أنتِ وحيدة باباكي و مامتك
_ حصل
= عندك صحاب كتير
_ لا.. بصراحة كدا مع الوقت مبقتش يعني بحب اتكلم كتير و اتعلق بيهم و بعدين هم انشغلوا بحياتهم
= انفع صاحب
_ انت تبقى اقمر صديق
= اتمشيتي كتير تحبي نرجع
_ لا خالص الجو جميل و هادي
= أنا حابب اقولك حاجة
_ قول
= أنا بحبك من زمان و مش مصدق إني معاكي، كنت بشوفك كتير و أنتِ راجعة من الكلية بعكس ما روحتي تماما مبهدلة بس بتخطفيني و كنت دايما بتمناكي و اقول يا رب يقدرني و اخليكي أسعد واحدة عشان أنتِ تستاهلي لإنك إنسانة طيبة و حنينة شغلي و تعبي و كل حاجة بعملها كانت ليكي أنا بحبك جدًا بس ليه وافقتي و انا ميكانيكي و أنتِ دكتورة
_ المهنة مش هي هتطيب بخاطري لما ابقى زعلانة ولا هي هتديني مشاعر انا اكتر واحدة محظوظة بيك
= ناكل بطاطا؟
'ضحكت' _ ناكل بطاطا
"العيب فيكم يا ف حبايبكم أما الحب يا روحي عليه"❤️