...

Уруғнинг бир текис униб чиқиши ҳамда яхши ривожланиши у йилнинг қайси фаслида экилганига боғлиқ. Қиш фаслининг охири ва кеч кузда экилган газонбоп ўт уруғи тупроқдаги намлик даражасининг юқорилиги сабабли чириб кетиши ва бутунлай нобуд бўлиши мумкин. 

Шунинг учун уруғ март-апрель, сентябрь-октябрь ойларида экилгани маъқул. Агар уруғни ёз ойларида экишга тўғри келса, газон юмшоқ дока (марля) ёки бўз билан ёпилиши лозим. Уруғ ерга тўлиқ кўмилиши шарт эмас.  

Аммо уруғни қурт-қумурсқа, қушлар ва сув етишмовчилигини назарда тутиб, экин майдони тирнагич билан бир текисда тирмаланиши, сўнг ер юзасига 0,5-1,0 см қалинликда ёғоч қириндиси, шоли қипиғи ёки чириган гўнг мульча сифатида солинади.

Сўнг ер юзасига чириган гўнг (10-15 кг/кв.м), майда қум (енгил тупроққа 8-10 кг/кв.м, оғир тупроққа (10-15 кг/кв.м), аммофос (200-250 г/кв.м) ва калий (70-100 г/кв.м) ўғит аралашмаси бир текис ёйиб чиқилади.

Аралашманинг тупроқ билан қоришиб кетиши учун 10-15 см чуқурликда майда қилиниб, тирнагич ёрдамида яна бир бор аралаштирилади. Ниҳоят, ер юзаси тахтача ёрдамида текисланиб, оғирлиги 20-30 кг бўлган ғалтак ёрдамида зичланади.

Тупроқни сифатли тайёрлаш учун яна бошқа бир усулдан ҳам фойдаланиш мумкин. Бунинг учун унинг 30-40 см устки қатлами олиб ташланади, ўрни текисланиб, дастлаб 15-20 см қалинликда шағал, унинг устидан 10-15 см қалинликда сараланган йирик қум ҳамда шу чуқурликда тупроқ-қум-биогумус (10кг/кв.м чириган гўнг, 5 кг/кв.м қум ва 5 кг/кв.м тупроқ ёки 15 кг/кв.м гўнг ва 5 кг/кв.м қум) аралашмаси солиниб текисланади.

Тупроқ маълум даражада ёғин-сочин таъсирида табиий зичланишини назарда тутиб, уни тайёрлаш ишлари куз фаслининг бошларида бажарилгани маъқул. Ўт аралашмасини экиш меъёри газон барпо қилишда, аввало, унинг тури, экин майдонига қуёш нурининг кўп ёки кам тушиши эътиборга олинади.

AGROBLOGER канали