...

_ممكن تيجى تساعدينى فى اللبس لانى مش قادر 

بصتله بكل حب وزقيت كرسى العجل إللى كان قاعد عليه بدأت اطلعله هدومه واساعده ... عيونه كانت محتلانى لدرجة أن كنت بساعده وانا متوترة 

_ غريبة انك قبلتى تتجوزى واحد قاعد زيى 

_ والجواز لو كان بالشكل والمظاهر مكنش حد اتجوز 

_ ردك بيعجبنى كلك على بعضك بيعجبنى 

ابتسمتله وفجأة وقفت 

_ انا كدا خلصت محتاج حاجة تانى 

_ محتاجك ي غرام 

_ وانا جمبك فى اى وقت 

_ بس انا مش عارف اكون جمبك زى ما انتى جمبى 

نظرة حزن وانكسار كانت فى عيونه، نفس نظرة الانكسار اللى شوفتها فى عيونه أما جه اتقدملى ، تقريباً كان خايف انى ارفضه ، أو اكسره زى ما كسرته بنات كتير ، مش هقول أن واحدة منفردة ومفيش منى اتنين ، بالعكس أنا بنت زى اى بنت بتحلم تتجوز فتى احلامها اللى رسمته فى دماغها ،بس أما شوفت ياسين وافقت من غير ما افكر حتى،اهلى عارضو والمجتمع كلو عارض، بس اتعودت أن مهتمش بنظرات الناس اصل كلام الناس مبيخلصش يبقا لى نهتم بيهم، تقريباً احنا فى مجتمع غريب قليل اللى بقا بيحس بحد تعبان قليل اللى بقاا يفكر فى غيره، سبحان الله اتقالنا أن يوم القيامة الكل هيقول نفسى نفسى بس استغربت اكتر أن لقيت ناس فى الدنيا بتقول نفسى نفسى برضو.

_ تيجى معايا 

_ فين 

_ فرح صحبتى 

قلق ولقيت نظرة خوف فى عيونه 

_ لا بلاش احرجك قدام حد 

_ بس انا عاوزة جوزى يجى معايا 

_ جوزك راجل معاق 

نزلت وقعدت قدامه بصتله فى عيونه وابتسمت 

_ تعرف أن مفيش حد فى الدنيا دى كامل اصل الكمال لله وحده ، ديما تلاقى ربنا بيدى حاجة وبياخد حاجة يمكن ربنا خلقك بأعاقة فى رجلك ، بس اداك جمال ، وعيون خضرة وقمر اهى ، اداك حنية مش عند ناس كتير.

_ وادانى زوجة قمر زيك 

ضحكت 

_ بحبك ي غرام 

الكلمة وترتنى شوية ، قلبى بدأ يدق، اول مرة اسمعها منه ، حتى جوازنا يعتبر على الورق وبس ، بس احنا فيه بينا تعامل كويس كأتنين اصحاب ، اهم حاجة فى الجواز الاحترام والمودة والرحمة ده حتى ربنا بيقول "ومن اياته أن خلق لكم من أنفسكم أزواجا لتسكنوا إليها مودة ورحمة"

_ سكتى لى 

_ مفيش 

_ اسف لو قولت كلمة دايقتك !

_ لا انت تقول اللى انت عاوزه 

_ غرام انا لى بحس انك متعاطفة معايا 

_ لى بتقول كدا ي ياسين 

_ غرام انتى محبتنيش صح 

_الكلمة دى كبيرة اوى على فكرة ولازم اقولها تكون طالعة من قلبى 

حسيت أن كلامى دايقه شوية 

_ انا داخل انام 

_ الفرح بكرة على فكرة 

بصلى وسكت وفجأة اتحرك بالكرسى وراح على السرير ونام 

 وانا كمان روحت نمت جمبه .. وديما بصحا قبل منه 

كنت طالعة من الحمام وبنشف شعرى بالفوتة وببص عليه وهو نايم ، بحس انو ملامحه طفولية اوى، فتح عيونه وانا بسرح شعرى 

فضل بصاصلى جامد

_ فى حاجة ي ي ياسين 

_ انتى لابسة كدا لى 

_ لسة طالعة من الحمام 

_ هو اصل انا 

_ فى اى مرتبك كداا لى 

_مش عارف متلبسيش كداا تانى قدامى 

_ انت متعصب لى 

_ مش عارف انتى 

فجأة سكت وحسيته عاجز خالص ، لدرجة انو كان بيعيط دموعه شوفتها بتنزل ، انا لقيت نفسى بعيط انا كمان اول مرة اشوفه بالحالة دى 

روحت وقعدت جمبه على طرف السرير 

_ اساعدك فى حاجة طيب محتاج حاجة 

هز راسه بمعنى لا 

_ انا آسفة لو كنت زعلتك 

_ متعيطيش انا كويس 

_ لا انت عمال تعيط طب فى اى طيب والله قول اى حاجة وانا هعملها بس متعيطش 

_ حاسس انى عاجز ي غرام نفسى امشى نفسى اقرب منك بقال سنين عال على كل الناس 

_ انت مش عال علياا انا بحبك وانت جوزى وحبيبى 

بصلى ومسح دموعه ، ملس على وشى ومسح دموعى 

_ مش عارف اقرب منك من ساعة ما اتجوزنا وانتى مبتطلبيش وانا اللى اطلب 

_ دى حاجة مش بأيدك ربنا خلقك كداا يبقاا نرضى لى متحاولش أن يكون عندك إرادة 

_ حاولت بس مش عارف 

_ الدكاترة قالوا اى 

_ قالوا احاول اقوم وانتظم فى الدوا 

_ حاول ي ياسين 

 ملس على شعرى 

_ هحاول عاشان خاطرك 

_ وعاشان خاطر نفسك الاول 

_ اقومك 

_ لا بعرف اقوم لوحدى 

_ ورينى كداا 

_ طب قومى ما انتى لازقة فياا هقوم ازاى 

ضحكت جامد 

_ ي بت هضربك متضحكيش 

_ لى 

_ يلهوى على الرقة 

_ فى اى 

_ قومى من جمبى الجو حر 

_ ده انا متلجة حر فين

_ قومى عاشان اقوم ي باردة 

_ حاضر اهو 

قام قصادى ووصل للكرسى وقعد عليه ،كنت بشوفه وهو بياخد الدوا بأنتظام وبيحاول يساعد نفسه بأى طريقة عاشان يقوم ويتغلب على مرضه ، فرحانة انو بيحاول 

_ حلو الفستان 

لفى كداا ، اتكسفت ورجعت لورا 

_ لى الف 

_ عاوز اشوفه ديق ولا ولا 

_ لا 

_ فى اى انتى خايفة لى على فكرة اقدر اجى بالكرسى واشوف انا 

_ هو حلو ي ياسين يلا نروح 

_ طب روحى هاتى شنطتك 

لفيت وروحت جبت الشنطة 

_ ده حلو ده بتضحكى علياااااا ي غرام ادخلى البسى حاجة واسعة 

دبيت برجلى على الأرض 

_ يوووه بقاا هو عاجبنى 

_ خلاص مش هنروح الفرح 

جبت المخدة وضربته بيها ، ضحك جامد 

_ بارد خلاص داخلة اهو 

غير ولبست فستان واسع 

_ حلو كداا 

_ قمر 

خدته وروحناا الفرح لقيت اصحابى هناك كلهم وكان كلهم عينهم على ياسين 

_ جوزك ده ي غرام 

اتكلمت بغيظ 

_ اه فى حاجة 

_ قمور اوى بس ي خسارة الحلو مبيكملش 

_ جرا اى ي منة فى اى 

_ اى ده انتى بتغيرى عليه ولا اى 

بصتلها ومردتش عليه وروحت عنده وخدته بالكرسى واتمشيت بيه 

_ متعصبة لى ،براحة هتوقعينى 

وقفت بيه 

_ اول واخر مرة تيجى معايا فرح ماشى 

بصلى بحزن ،تقريبا فكر انى مكسوفة منه 

_ انا اسف بس انتى اللى طلبتى انى اجى 

_ وانا بقولك خلاص مش هتيجى 

بص فى الأرض انا سبته وروحت سلمت على العروسة ، انا كنت غيرانة عليه اوى ونظرة البنات ليه مكنتش مستحملة 

وانا نازلة من على الاستيدج بصيت عليه ملقتهوش قلبى وجعنى فجأة ، واترعبت ، جريت على المكان 

_ ياسين انت فين روحت فين 

_ جريت على برة اشوفه ملقتهوش 

كان هيجرالى حاجة ، بقيت ادور زى المجنونة وآخرة ما زهقت قعدت اعيط 

_ روحت فين ي ياسين ، انا مقدرش اعيش من غيرك ، روحت فين ي حبيبى 

قعدت وقت طويل عقلى واقف ، اتصلت بالفون بتاعه مغلق ، مش عارفة اعمل اى اروح فين واجى منين 

_ لى سبتنى طيب يارب يكون كويس يارب يارب نفسى اشوفه بيمشى يارب يارب يكون بخير يارب فرحه يارب 

فجأة السما مطرت لان الجو كان شتا المجرة كانت شديدة ، خوفى بدأ يزيد، مكنش قدامى حل غير أن ادعى 

_ ي ياسين انا عاجزة من غيرك انت فين 

حسيت بحركة رجلين جاية ناحيتى وقلبى بدأ يدق مع كل خطوة سمعاها بتخطى 

_ على فكرة انا دورت عليكى كتير 

رفعت وشى وبصيت قدامى لقيته 

_ انا بحلم صح انت انت 

_ مش عارف انا مشيت وانا زعلان منك بالكرسى وفجأة قعدت ادعى ربنا والسماح بتمطر لقيت نفسى بقوم لوحدى 

_ دى دى معجزة انا انت سبتنى لوحدى ليه 

مستنتش رده وقومت حضنته جامد 

_ تزعل منى انا انا كنت غيرانه عليك انا بقالى كتير قاعدة يدعى ربنا انك تجيلى ومنتظراك وربنا حققلى إللى احنا اتمناناه 

طلعت من حضنه 

_ عرفت أن ربنا مفيش ارحم منه 

_ عرفت 

_ ربنا بيفرح صح 

_ بيفرح اوى

_ طب قول يارب 

_ يارب 

_ بحبك 

_ انا اكتر ي احلى غرام 

ابتسمت وحضنته 

" ربنا بيفرح ، اوعو تيأسوا ، هيستجيب وهيعوضك، وهتفرح"

" واحببتك فى وقت ، عارضنى فيه الجميع ، ولكن قلبى ظل يحبك بجميع حالاتك"