😁😂

അമ്പാനി ഫ്രീ കൊടുക്കുന്നത് പോലത്തെ, ലൊക്കടാ ചൈനാ ഫോണ്‍ വാങ്ങിയപ്പോളാണ്, തോന്നിയത്,

ബ്ലൂ വെയില്‍ ഗെയിം കളിച്ചാലോ എന്ന്.

 ഡൗണ്‍ലോഡ് ചെയ്തപാടെ അഡ്മിന്‍ പറയുകയാ കൈ കുറിച്ചുകാണിക്കാന്‍

 മെമ്മറികാര്‍ഡില്‍, വാട്സപ് ല്‍ കിട്ടിയ, രാഷ്ട്രീയ വെട്ടു കുത്തുകളുടെ ഫോട്ടോ ഉള്ളത് കൊണ്ട്, 

എകദേശം പത്ത് ടാസ്ക് വരേ വലിയ ഇടങ്ങേറില്ലാതെ, പോയി, 

പിന്നെ വലിയ കാര്യത്തില്‍ അഡ്മിന്‍ ദേ കുറെ ഹൊറര്‍ വീഡിയോ വിട്ടുതരുന്നു.

പണ്ട് സെമിത്തേരിയോട് ചേര്‍ന്ന മുറിയില്‍ കിടന്നുറങ്ങിയ നമ്മക്കെന്ത്, ഹൊറര്‍?

പതിനഞ്ചാമത്തെ ടാസ്കായപ്പോള്‍ അഡ്മിന്‍ വിളിച്ചു ചോദിക്കയാ, തന്റെ ഫോണില്‍ ഒരു ഫോണ്‍നമ്പര്‍ പോലും, സേവ് ചെയ്തില്ലെഡേന്ന്, ഒരു ഫ്രണ്ട് ക്യാമറയുള്ള ഫോണെങ്കിലും മേടിക്കാരുന്നില്ലേ, നീ ഇത്ര നക്കിയാണെന്നറിയാമായിരുന്നേല്‍, ഗെയിമില്‍ കൂട്ടില്ലാരുന്നുന്ന്.

പത്തോമ്പതാമത്തെ ടാസ്ക്,, ഒറ്റെക്ക് ടെറസില്‍ പോയിരിക്കാനല്ലേ പറഞ്ഞത്, ചെയ്തോന്നും ചോദിച്ചു.

 കൊണ്ടു പോയ അണ്ടിപ്പരിപ്പ് തിന്നു തീര്‍ന്നപ്പോള്‍ ഇങ്ങ് തിരിച്ചു പോന്നുന്ന് പറഞ്ഞപ്പോള്‍ പള്ളിക്ക് അതത്ര ദഹിച്ചപോലെ തോന്നിയില്ല.

 ഗെയിമില്‍ പെട്ടുപോയ മറ്റൊരു പരട്ടയെ വിളിച്ചു സംസാരിക്കാലാണ് ഇരുപതാമത്തെ ടാസ്കെന്നും പറഞ്ഞ്, ഐഡിയും തന്ന്, പുള്ളി പോയി.

നാല്‍പ്പത്തൊമ്പത് ടാസ്കും കഴിഞ്ഞ് കെട്ടിടത്തിന്റെ മോളില്‍ കേറി ചാടാന്‍ നിക്കുന്ന പയ്യനെയാ വിളിച്ചത്.

ചെക്കന്റെ സങ്കടം കേട്ടപ്പോള്‍ പുളിച്ച നാല് തെറിയങ്ങ് പറഞ്ഞു.

 താഴെയെറങ്ങി പറമ്പില്‍ പോയി, നാല് തെങ്ങിന് തടമെടുക്കടാ തെണ്ടീന്ന് കൂടി പറഞ്ഞപ്പോള്‍ ചെക്കന്‍, ഒറ്റ ക്കരച്ചില്‍

ചാടി ചത്തില്ലേല്‍ തന്റെ നഗ്ന ഫോട്ടോ , പുറത്തുവിടുമെന്ന് ഭീഷണിയുണ്ട് പോല്‍,

ഓ അതാണോ വലിയ കാര്യം,

നീ തലവെട്ടി മാറ്റി നിന്റെ തന്നെ ഒരു വ്യാജ ഫോട്ടോ ഉണ്ടാക്കി, വ്യാജ ഐഡിയില്‍ ഫെയ്സ്ബുക്കിലിട്, എന്നിട്ട്, നിന്റെ ഐഡിയില്‍ പോയി, അത് വ്യാജ മാണെന്ന് തെളിവ് സഹിതം വാദിക്ക്., പിന്നെ , അവനിടുന്ന ഫോട്ടോ ആര് മൈന്റ് ചെയ്യും.

എന്നാല്‍ ചാടണ്ട അല്ലേ, എന്നും പറഞ്ഞ് കോള്‍കട്ടാക്കി പയ്യന്‍ തൂമ്പയെടുക്കാന്‍ പോയി.

ഇരുപത്തൊന്നാമത്തെ ടാസ്ക് വേണം ന്നും പറഞ്ഞ്, അഡ്മിനെ വിളിച്ചപ്പോ ദാണ്ടേ അയാള്‍ ഉറഞ്ഞു തുള്ളി വരുന്നു.

താനെന്നാ ആ ചാകാന്‍പോയ പയ്യെനോട് പറഞ്ഞത്?

അവനെന്റെ നാല് വല്ല്യപ്പന്‍മാരെ ചേര്‍ത്ത് തെറിവിളിച്ചാ ഗെയിമിന്ന് ലെഫ്റ്റടിച്ചത്.

താനിക്കെനി ടാസ്കുമില്ല, ഒരു കോപ്പുമില്ല

പിന്നെ കണ്ടത് അഡ്മിന്‍ തന്നെ റിമൂവ് ചെയ്തെന്നാ

അല്ലേ,,, നമ്മള് സാധാരണക്കാര് ഗെയിം കളിക്കാന്‍ ചെന്നാ ഇങ്ങനെയാ,,

 നമ്മളെയൊന്നും ഒരു വിലയുമില്ലെന്നേ,,                                       😄😄😄