🌿

നിങ്ങൾക്കറിയാമോ?
-------------------

കോടികൾ വിലയുള്ള നിങ്ങളുടെ കാർ ഓടിക്കുന്നവൻ,
നടന്നിട്ടാണ് വീടെത്തുന്നതെന്ന് നിങ്ങൾക്കറിയാമോ?

നിങ്ങളുടെ വീട് വാർക്കാൻ വന്ന വാർക്ക പണിക്കാരൻ,

ചോർച്ചയുള്ള ഓടിന്റെ ചോട്ടിൽ ചെമ്പ് വെച്ചാണ് ഉറങ്ങാൻ കിടക്കുന്നതെന്ന് നിങ്ങൾ ഓർത്തിട്ടുണ്ടോ?

അര മണിക്കൂറിൽ നിങ്ങൾക്ക് പിസ്സ എത്തിച്ചു തന്ന ഡെലിവറി ബോയ്,
ദിവസത്തിൽ ഒരു നേരമെങ്കിലും പട്ടിണിയാണെന്ന് നിങ്ങൾ ചിന്തിച്ചിട്ടുണ്ടോ?

വഴിവക്കിൽ നിന്ന് നിങ്ങൾ വിലപേശി വാങ്ങിയ പച്ചക്കറിയിൽ കിട്ടിയ 20 രൂപ ലാഭം ,
ആ കച്ചോടക്കാരന്റെ അന്നത്തെ അന്നമായേക്കാം എന്ന് നിങ്ങൾ ആലോചിച്ചിട്ടുണ്ടോ?

നിങ്ങൾക്ക് നോക്കി വാങ്ങാൻ തുണികൾ നിവർത്തിയും മടക്കിയും ഇട്ടു തരുന്ന സെയ്ൽസിലെ ചേച്ചിക്ക് ,
മാറിയിടാൻ കീറാത്ത കുപ്പായമില്ലെന്ന് നിങ്ങൾ ഓർക്കാറുണ്ടോ?

നിങ്ങളുടെ വളർത്ത് നായക്ക് മൂന്നു നേരം മുടങ്ങാതെ ആഹാരം കൊടുക്കുന്ന വേലക്കാരന്
വീട്ടിൽ അരവയറുമായി കാത്തിരിക്കുന്ന മക്കളുണ്ടെന്ന് നിങ്ങൾക്ക് ചിന്തിക്കാമോ?

നിങ്ങളിൽ നിന്നും കണ്ണെടുത്ത് ചുറ്റുമൊന്ന് നോക്കണം ,
നിങ്ങൾ കാണാത പോയ ഒത്തിരി പേരുടെ കണ്ണീരിലാവാം,
നിങ്ങൾ സ്വിമ്മിങ്ങ് സ്യൂട്ട് ധരിച്ച് നീന്തൽ പഠിച്ചത്.