...
-إنتو أكيد مؤمنين بالله وبالقضاء والقدر، الحقيقه إن مَدام نور عاقر ، مش هتقدر تخلف.
خرجت من عند الدكتورة بعد مَ صُعقت من هول الخبر ، نزلت متكلمتش ولا كلمه، مش قادره، معنديش طاقه، معرفش حال وليد دلوقتي عامل ايه؟ ، بس بس هو من حقو ياخد أيّ قرار.... .
-تاكلي بيتزا..؟
-وليد....
-فراخ ولا لحمه.
- وليد بالله.
-ايه ، انتي مكبّره الموضوع علفكره، احنا مش قولنا ربّ الخير لا يأتي إلا بالخير.
-الحمدلله ، بس انت ذنبك ايه، و...
-وانتي ذنبك ايه؟، نور دي حاجه بتاعة ربنا ملناش دَخل فيها ،وعسي أن تكرهو شيئاً وهو خيرٌ لكم ، أنا راضي الحمدلله ومكتفي بيكي ومش عايز اطفال .
-طب وكلام الناس ، ومامتك واخواتك هتقولهم ايه؟ ، وليد أنا هقبل ايّ قرار بس متظلمش نفسك معايا.
-وانا راضي ومكتفي بيكي ، هفضل اقولك كده لحد متقتنعي يانور... .
-يابني ايه اللي بتعملو فـ نفسك ده، ربنا حللك اربعة، لو انت مش عايز تطلقها متطلقهاش بس اتجوز تاني، هجبلك ست العرايس اللي تجبلك عيال وتملي عليك البيت.
-نور مَليا حياتي يا أُمي ومش عايز غيرها، ومش هقبل بغيرها، ومتحاوليش معايا ويريت تقفلي ع الموضوع ومتتلكميش فيه تاني .
-وانتي بقا مش بتخلفي.
-ااا الحمدلله لسه ربنا مرزقنيش بالأطفال .
-ايه ده دانتي داخله على التلاتين امال هتخلفي امتي .
-الخلفه رزق ولسه ربنا مرزقنيش.
-شوفي ازاي مش بتخلف ورابطه جوزها جمبها، كانت تسيبه يتجوز ويشوف حياته ، مش عارفه ايه الستات الطماعه دي.
-مدام مدام ايوه إنتي حضرتك ، اللي كنتي لسه بتاكلي في لحم مراتي ايوه إنتي معلش بس كلمتين ع السريع كده ، أنا مراتي مش رابطاني جمبها أنا اللي رابطها جمبي ، وأياً كان مين فينا اللي رابط التاني حضرتك ملكيش دخل، وموضوع الخلفه أنا عندي سؤال واحد ، حضرتك زعلانه ليه همّ عيالك ولا عيالنا، ودي حياتك ولا حياتنا ، مش عايز اقولك انتي مالك عشان هبقي قليل الذوق... بس اقولك حاجه انتي مالك.
-نور
-ايه؟
-تعالي عشان هنسافر.
-هنسافر! فين؟.
-هنروح نزور حد عزيز على قلوبنا، وهنروح احسن بيت على وجه الأرض.
-ها، مش فاهمه مين
-بضحك. قومي حضري الشنط عشان هنزور بيت ربنا ونروح نزور رسوله.
-قصدك قصدك هنروح عند الكعبه والمسجد النبوي.
-لأ لمّاحه بجد .
-نينينيني
-يلا يابت قومي عشان نلحق الطياره بكره.
-طااااايب، استني بس .
-ايه؟
-لولولولولولولولولولووى.
-بضحك. ايوه كده عايز اشوف الفرحه دي ، مش عايزك تزعلي ولا تشيّلي نفسك حِمل، ملكيش دعوة بالناس وكبّري الجي وروقي الدّي زي منا عامل كده .
-ماشي يا زوجي العزيز.
-حسناً هيّا بنا.
-حسّانا فـ سبيستون سيكا.
"علي الساده الركاب الرجاء ربط أحزمة الأمان للهبوط في مطار المدينه المنورة."
""الحبّ هوَ أن تكون الابتلاءات طاعة عندما تتصبران بجوار بعضكما ، وحتي إن حُرم أحدكما من نِعمة الإنجاب بلطف من الله وحكمة. فإن ضاقت الدنيا وعظمـ ذاك الابتلاء أو غيره ، فيكفي أنّ هناك حبيباً في الجوار يتصبر بك ، ويثبّتك . ""