...

Финляндияда қишлоқ хўжалиги корхоналари ишчи кучи етишмаслиги сабабли бу йил бир неча ўн тонна қулупнайни далаларда қолдиришга мажбур бўлди. Бу ҳақда Yle телекомпаниясига таяниб «ТАСС» хабар бермоқда.

Бизнинг ҳисоб-китобларга кўра, 50-60 тоннага яқин қулупнай йиғиб олинмади, бу умумий йиллик ҳосилнинг чорак қисмига тўғри келади, — деди Alanteen Tila қишлоқ хўжалиги компанияси директори Аарни Аланне.

Унинг айтишича компаниянинг тегишли йўқотишлари ярим миллион еврога баҳоланмоқда.

Финляндия мева ва резаворлар ишлаб чиқарувчилар уюшмаси директори Миика Иломякининг фикрича, бу муаммоларнинг асосий сабаби ишчи кучи етишмаслигида.

Финляндияда одатда қулупнай терувчиларнинг қарийб 70 фоизи Украинадан келади. Бу ёзда ишчи топиш муаммоси юзага келган, — дейди у.

Бунинг оқибатида, қулупнай ўз вақтида йиғилмаган ва далаларда эриб кетган. Тез-тез ёғган ёмғир жараённи янада тезлаштирган.

FERMER канали