...

Айни вақтда кўпчилик учун қизиқ бўлган бу саволга Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси ахборот хизмати раҳбари Дурдона Очилова жавоб берди.

“Бунинг учун импорт қилинаётган карантин остидаги маҳсулотларни фитосанитария назоратидан ўтказиш керак. Мисол учун, маҳсулотнинг импорт карантин рухсатномаси, экспортёр давлатнинг фитосанитария сертификати мавжудлиги, маркировкаланганлиги текширилади ва ҳужжатлардаги маҳсулотнинг миқдори солиштирилади. Импорт қилинаётган маҳсулотда карантин объектлари ва хавфли зараркунанда, ўсимликлар касалликлари ҳамда бегона ўтлар мавжудлиги фитосанитар назоратдан ўтказилади, зарур ҳолларда, яъни шубҳа туғилганда, инспектор лаборатория текширувидан ўтказиш учун таҳлил олади.Шунингдек, маҳсулотда ўсимликлар карантини объектлари аниқланганда маҳсулот зарарсизлантирилади яъни йўқ қилинади ёки экспортёр давлатга қайтариб юборилади. 

Ҳозирги кунда чет давлатларнинг карантин хизматлари берадиган фитосанитария сертификатларининг айрим тадбиркорлар сохталаштираётган ҳолатлар ҳам учрамоқда. Ноқонуний бундай ҳаракатларни бартараф этиш ва халқаро талаблар асосида иш тизимини жорий этиш мақсадида Карантин инспекциясининг Э-фито автоматлаштирилган ахборот тизимини чет мамлакатларнинг электрон тизимига интеграция қилиш орқали фитосанитария сертификатларининг ҳаққонийлигини текшириш усули йўлга қўйилди. Шундан келиб чиқиб, ҳурматли тадбиркорларимизга фитосанитария сертификатларини экспорт қилувчи давлатнинг карантин хизматлари томонидан қонуний расмийлаштириш тавсия этилади. Акс ҳолда, олиб келинаётган маҳсулотлари республикамиз чегараларидан қайтарилади"

@AGROBLOGER канали

uza.uz