...

Ҳозир юртимизда айни пишиқчилик мавсуми. Фермер ва деҳқонлар ўзлари етиштирган қишлоқ хўжалиги маҳсулотларини маҳаллий ва хорижий бозорга етказиб бериш ҳаракатида. Албатта, уларнинг бу интилишлари давлатимиз томонидан ҳам қўллаб-қувватланмоқда.

Куни кеча «Ўздавкарантин» инспекцияси Хитой Халқ Республикасига қовун экспорт қилиш мумкинлигини маълум қилган эди.

Ушбу саволга Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси ахборот хизмати раҳбари Дурдона Очилова жавоб берди.

"Тўғри, бу масалада ҳеч қандай муаммо йўқ. Ҳатто, улар тўғридан -тўғри мижозга қовун маҳсулотларини юбориши ҳам мумкин. Бунинг учун «Ўздавкарантин» инспекциясининг расмий сайтида келтирилган Хитойга қовун экспорт қилиш учун рўйхатдан ўтган қадоқлаш цехлар орқали экспорт қилса бўлади. Бироқ, шартномада, қовун қадоғи ва фитосанитария сертификатида рўйхатдан ўтган қадоқлаш корхонаси ва экспорт қилинаётган давлатнинг рўйхат рақами кўрсатилиши лозим.

Аччиқ қалампирга келадиган бўлсак, бу маҳсулотни Хитойга экспорт қилиш учун икки томонлама битим имзоланди ва бу унда белгиланган талаблар асосида экспорт қилувчи корхона махсус Хитойга экспорт қилишга рухсат берилган корхоналар рўйхатига (реестри) киритилиши керак. Бунинг учун фермер ёки тадбиркор инспекцияга расмий ариза тақдим этиши лозим.

Экспортёрларга Хитой томонидан қўйган бир қанча асосий талаблар мавжуд. Улар қуйидагилар:

- ўртакаш корхона бўлмаслиги;

- аччиқ қалампир етиштириладиган дала майдонлари аниқ кўрсатилиши;

- маҳсулотни қуритиш жараёни аниқ кўрсатилиши (инспектор томонидан тайёрланган фото ва видеоматериаллар асосида);

- экспорт қилишни режалаштирган корхонанинг омборхонаси Хитойга экспорт қилинадиган маҳсулот учун мўлжалланган бўлиши;

- маҳсулот гигиеник тоза ҳудудда етиштирилган, сараланган ва сақланганлигини намойиш этилиши;

- қуритилган аччиқ қалампирни сақлаш омборхонасида хар ярим йилда фумигация (зарарсизлантириш) ишлари олиб борилиши керак.

@AGROBLOGER канали

uza.uz