Ўзбекистонда ер қимирлаши қайд этилди

7 август куни маҳаллий вақт билан соат 22:17да Фарғона вилоятида зилзила қайд этилди.

Фарғона вилояти аҳолиси 3-3,5 балл атрофидаги ер қимирлаши кучини сезишган.

Маълум қилинишича, шу пайтда Қирғизистоннинг ғарбий ҳудудларида 4,8 магнитудали ер силкиниши зилзила марказидан 72 км атрофда қаттиқ сезилган.

Эслатиб ўтамиз, охирги марта баҳор ойларида маркази Қозоғистоннинг жанубидаги Сариоғоч тумани ҳудудида ҳамда Тожикистон томондан зилзилалар қайталаниши қайд этилганди.​