...

Аксарият одамлар ўз деҳқончилигида мис купоросини ишлатади. Уни қўлланиш соҳаси – замбуруғли касалликлар ва инфекцияларга қарши кураш. Ушбу препарат анча самарали, ҳамёнбоп бўлиб, аксарият агродўконларда сотилади.

Мис купоросини боғ ва томорқада қўлланилиши.

Мис купороси, замбуруғларни йўқотиш мақсадида асосан куз вақтида дарахт ва ўсимликларга ишлов беришда қўлланилади.

Шунингдек мис купороси помидорлардаги фитофторозга қарши курашишда қўлланилади. Помидорни экишдан олдин чуқурчаларга озроқдан (бир сиқимчадан) сепиб чиқишади. Аксарият томорқачилар яхши ҳосил олиш мақсадида помидор экиладиган жойни (ерни) алмаштириб туради. Натижада деярли бутун томорқа мис купороси билан «бойитилган» бўлади. Қуйидаги сабабларга кўра мутлақо бундай қилиш мумкин эмас!

Умуман олганда, кичик дозаларда мис купоросининг атроф муҳит, ер ва инсонга зарари йўқ. Фақат у кичик миқдорларда қўлланилса ва доимий равишда қўлланилмаса.

Агар помидорнинг чуқурчаларига солиб чиқишдаги сингари эгат ва экинлар мис купороси билан доимий равишда ишлов берилиб турилса, у инсон учун жуда хавфли бўлиб бошлайди.

Препаратдаги асосий модда мис сульфати ҳисобланади – агрессив ва заҳарли модда. Катта миқдорларда мис ер учун зарарлидир (ердаги кўпгина фойдали жонзотларни ва микроорганизмларни ўлдиради). Ундан ташқари, мис ердан жуда секин ювилади. Агар сиз ортиқча мис билан тўйинтирилган ерга помидор эксангиз, ортиқча бўлган бутун мис сизни организмингизга келиб тушади. Сиз ўзингиз бундай ҳосилдан заҳарланиб зарар кўришингиз мумкин. Кўнгил айниши, қусиш, ошқозон-ичак тракти фаолиятининг бузилиши – бу томорқадаги сабзавотларни истеъмол қилиш билан ортиқча мисни қабул қилиш натижасида қаршилашингиз мумкин бўлган энг кичик муаммолардир.

Мис купоросидан воз кечиб, айни таъсир принципига эга бўлган, унга ўхшаш бошқа замонавий препаратларни ерга қўллашингиз мумкин. Масалан, Скор ва Хорус сингари препаратлар (бошқа препаратлар ҳам бўлиши мумкин, агродўконлардан сўраб кўрасиз). Бу препаратлар:

- самараси нуқтаи назаридан кам бўлмаган: замбуруғли касалликлар ва турли хил чиришлар (гниль) билан кураша олади.

Умуман олганда, иложи борича кимёвий препаратларни қўлланмаган яхши. Агар қўлланадиган бўлсангиз, сизга, ерингизга хавфсизроқ бўлганларини қўлланишга ҳаракат қилиш лозим.

AGROBLOGER канали

dehqon.uz