🤍

مالك واروى.. توأم؟

الدكتور.. آه ولد وبنت

اروى.. الحمدلله بنت

مالك.. الحمدلله ولد

الدكتور ضحك عليهم وخرج

اروى.. انا مبسوطه اوى

مالك مسك ايدها.. يارب دايما مبسوطه ياحبيبتي

............ ......................... ..........

لارا.. ما الاماكن كتيره اهى اشمعنا الكنبه دي عايز تقعد عليها

سليم.. هو انا هاكلك وسعى كده زقها وقعت ع الأرض

لارا بوجع وهى ماسكه ضهرها.. ااه ياغب، ي حد يزق حد كده

سليم بإبتسامة بارده.. مش انا عملت كده يبقي في

لارا قامت من علي الأرض .. بااارد

سليم .. ماتحترمى نفسك

لارا.. منا محترمه غصب عنك

سليم.. متجادليش عشان م..

لارا بصت في عينه.. عشان ايه

سليم بتوهان وهو باصص لها.. هه

لارا.. عشان اى

سليم.. مش عارف

لارا وهى بتخبط على كتفه .. بعد كده ابقي اتكلم على قدك

سليم مسك ايدها.. هو احنا هنفضل كده كده كتيىر احنا بقالنا اربع شهور مع بعض وكل ما اقرب منك تبعدينى

لارا.. قصدك ايه

سليم.. انتى فاهمه قصدي كويس لارا انتى مبتحبنيش

لارا بسرعه.. لالا خالص والله

سليم بتمثيل.. خلاص انا مش هجبرك على حاجه وله عايزه نتطلق براحتك اللى يريحك

لارا... ط طلااق ايه بس انا بح.. وسكتت

سليم عمل نفسه مسمعش حاجه ومشى

لارا .. سليم استنى يا سلييم

يووه غبيه اى اللى انا عملته ده اكيد زعل منى

........... ............ ......... ..............

زياد اخد اهله وراحوا عند همس ابو زياد بعد حوار طويل دار بينه وبين زين .. يعني نقرا الفاتحه

زين .. على بركة الله

همس كانت مكسوفه ومالك قاعد مش طايق نفسه وسليم بيفكر في لارا

ام زياد.. يلا نسيب العرسان لوحدهم شويه

مالك.. لوحدهم فين مينفعش

لين شدته.. هههه يلا يالله مالك يا حبيبي ياربى عليك

مالك بعد ما خرجوا .. اى يا ماما هتسيبهم لوحدهم

لين.. هو هياكلها يعني وبعدين م ده اللى بيحصل وسليم عمل كده

مالك.. بس..

لين.. مابسش قولى عملتو ايه عند الدكتور

مالك .. تؤام ولد وبنت

لين .. الف الف مبروك ياحبيبي

سليم .. ماتفرحونى معاكم مالك هيجيب التانيه ولا ايه

لين.. تانيه في عينك دى اروى ست البنات

سليم.. ولارا يعني كوخه ماهى بنت اخوكي برضو

مالك ولين ضحكوا عليه.. اخوك هيجيب تؤام يا عبيط

سليم.. ألف الف الف مبروك يابو سليم يغالى

مالك.. ابو سليم مين

سليم.. انت يبروو اوعى تكون مش ناوى تسمى ابنك سليم والله ازعل

مالك.. ما تتفلق ده انا مبصدق اخلص منك تقولي اسمى سليم

سليم.. أنا عارف انك مش اخويا اصلا طول عمرك بتك،، رهنى

مالك .. حصل

لين .. وانت يخويا مش هنشوف عيالك

سليم .. هجيبهم المره الجايه حاضر

لين.. اسكت اهو انت مش فالح غير في كده

سليم.. حاضر حااضر

................. ........... ..............

همس كانت قاعده مكسوفه

زياد.. اخبارك ايه

همس الحمدلله

زياد .. والمذاكره تمام

همس.. آه كويسة

زياد.. مش عايز تشغلى بالك باى حاجه خالص انا قولت لعمى الخطوبه تبقي في الاجازة عشان مشغلكيش عن المذاكرة

همس .. اه بابا قالي

زياد .. اى رأيك فيا يعنى مش عايزك مغصوبه على حاجه

همس بإحراج.. حضرتك كويس وأنا مش مجبوره ولا حاجه

زياد بضحكه خلته وسيم.. حضرتك ايه بس انا اكبر منك ب3سنين بس

همس.. ما هو عشان انا لسه مش عرفالك

زياد بإبتسامة.. قولى زياد بس

همس.. ماشي يا زياد

زياد بهيام .. احلى زياد سمعتها في حياتي

مالك.. سمعت الرعد في ودانك.. احمم والدك بيقول يلا عشان ماشي

زياد مد ايده لهمس .. مع السلامه

مالك سلم عليه .. الله يسلمك مش كل مره هسلم عليك يعني

زياد افتكر لما كان بيسلم علي اروى .. عن اذنكم 🚶‍♀️

مالك.. ابو تقل دم ام، ك محمد ولف لهس .. اوعى تكوني كنتى هتسلمى

همس بنفي.. لأ لا

مالك.. جدعه

زين .. يلا نتعشي بقي انا جعان

مالك .. معلش انا همشي عشان اروى

سليم.. وانا عشان لارا

زين.. والله وبيقيتوا رجاله وكل واحد عنده بيت ومسؤل عنه

سليم.. ما خلاص يابابا

زين.. ماهو ده اللي انت فالح فيه

سليم.. آه انتو هتتسلوا عليا انا ؟ طب س سلام سلام

مالك وسليم مشيوا

................. ................... .............. .......

مالك.. اروى اروووي انتى نمتى ولا ايه

اروى.. أنا هنا فى المطبخ

مالك دخل حضنها من ضهرها.. بتعملى ايه

اروى.. كيك بالفراوله عشان نفسي فيه

مالك.. فراوله بتعمل فرواله وبعدين ما كنتى تقولي وانا اجبلك لازم تتعبى نفسك

اروى.. ولو لازم اجرب بإيدي

مالك.. بس ريحته حلوه شكلها هتبقي حلوه

اروى.. طبعا يابنى وبعدين ابعد مش عارفه اتحرك

مالك .. أنا هبعد عشان اغير بس وراجعلك تاني

اروى.. لزقه

مالك.. عارف

.......... ............. .............

سليم دخل البيت لاقاه ضلمه.. اى ده هى مشيت ولا ايه

لارا كانت واقفه وراه حطت ايدها على كتفه

سليم.. عااااا عفر، ييت

لارا ضحكت بصوت عالي

سليم جه يتحرك اتكعبل في السجاده وقع

لارا فتحت النور وهى بتضحك علي شكله

سليم .. يابنت الجز، مه انتى اتجننتى يابت انتي حد يخض حد كده

لارا .. مش انا عملت كده يبقي في

سليم.. انتى بترديهالى يعني وقام من الارض ماشي أنا ه.. ركز فيها لاقاها لابسه فستان اسود لغاية الركبه وفارده شعرها وحاطه ميكب خفيف مخلى شكلها تحفه

لارا وهى بتلف قدامه .. اى رأيك ف اللوك ده هحضر بيه خطوبه همس

سليم.. زى القم... زي الزفتت تحضرى بيه أي يختى

لارا بتراجع.. خطوبة همس

سليم.. ده عند حماده ده

لارا.. متغلطش في بابا

سليم.. خالى وانا حر والبتاع ده مينفعش حد يشوفك بيه

لارا .. مانت شوفتنى

سليم.. أنا جوزك وانا الوحيد اللي يحقلى اشوفك كده مش حد تاني فاااهمه كان ماسك ايدها وهو بيتكلم

لارا.. ااه فاهمه

سليم .. روحي بلا غيرى الزفت ده وحاجه كمان شكلك وحش فيه

لارا.. لا مش هغيره عشان انا لابساه عشانك وكنت بعاندك بس

سليم .. يعني ايه

لارا مسكت ايده وغمضت عينيها.. انا بحبك

سليم.. يعني ايه

لارا.. يعني بحبك

سليم.. يعني ايه

لارا فتحت عينها .. انت علقت هو أى اللى يعنى ايه بقولك بحبك

سليم .. انتى بتحبينى؟

لارا.. آه

سليم.. زى مانا بحبك ؟

لارا بإحراج.. ايوه

سليم بص حواليه .. يعنى انا بقالى شهور مستنى الكلمه دى وفي الاخر تقوليها بالطريقة دى

لارا بضحك.. مكنتش اعرف انك هتتخض

سليم.. بس الفستان نينجا

لارا.. مش كان وحش من شوية

سليم.. وحش مين ده انا اللي وحش وخدها في حضنه .. بحبك اكتر ياقلب سليم

سليم .. انتى عارفه ماما قالتلي انهارده ابقي جيب العيال المره الجايه

لارا.. عيال مين

سليم.. عيالنا

لارا.. عيالنا ايه

سليم شالها.. هفهمك دلوقتي

لارا.. نزلنى ياسليم

سليم.. طب والعيال

لارا .. عيال أي

سليم.. شش غبيه

🚶‍♀️🚶‍♀️🚶‍♀️🚶‍♀️🚶‍♀️🚶‍♀️

اااااه همووت

مالك.. متقلقيش ياحبيبتي انا معاكي

اروى.. ابعد عنيي

مالك ساب ايدها.. خلاص اهو

اروى .. مالك انا خايفه متسبنيش

مالك.. متخافيش ياحبيبتي

اروى .. مش طيقاااك اااه

مالك.. ياانى طب اعمل ايه دلوقتي

.

الدكتور جه.. اتفضل برا يا مالك

اروى مسكت هدومه... لالا خليك جمبى

مالك.. اهدى انا معاكي اهو

خدت البنج وهو خرج

سليم ... ههه والله اروى دى مجنونه

مالك.. مش عارف ف ايه مش طيقانى وف ايه ماسكه في هدومى

لين .. مانتو مش حاسين بيها

لارا.. أنا خايفة اوى يا ماما حاسه انى هولد دلوقتي

سليم.. تولدى ايه انتى لسه فى الشهر الاول

لارا .. مش عارفه بس خايفة

سليم.. الستات كلهم مجانين

لين.. ولاا

سليم.. لا مش انتى ياحبيبتي

بعد شويه الممرضه خرجت بولد شكل مالك بالظبط وبنت شكل اروى

مالك.. اروى كويسه

الممرضه.. آه الدكتور بيخيط الجرح وتقدر تدخلها بعد شوية

سليم.. سبحان الله شكل ابوك بالظبط ياسليم

مالك.. سليم مين اسمه مازن

سليم.. بهزر معاك يعم احلى مازن في الدنيا ربنا يخليهولك

مالك.. عقبالك

لين.. يختى قمر ياناس شكل اروى خالص

لارا.. اه عسوله ماشاء الله هتسميها ايه يا مالك

مالك.. اروى اللى هتسميها

................. بعد مرور خمس سنين

مالك واروى وسليم ولارا قاعدين مع بعض فى الجنينه

لين.. بابى مازن مش راضى يلعبنى معاه وبيقولى هلعب انا وايلين بس

مالك.. روحى ناديله هو وايلين

مازن وهو ماسك ايلين في ايده.. نعم يابابا

سليم.. سيب ايد بنته ياض

مازن بتملك.. دى بتاعتى

مالك.. طالعلى

سليم.. هى لعبه بتاعتك اى روح امسك ايد لين

مازن.. لين اختى لكن ايلين حبيبتي

اروى ولارا ومالك ضحكوا عليه

مالك.. خلاص يا سليم تعالي نتفق على الشبكه

سليم.. شبكه اى ده احنا نجيب مأذون

ايلين.. يأ انا مس بحبه وهو اليي كوى سويه يمثك ايدى (لا انا مش بحبه وهو اللي كل شويه يمسك ايدي)

سليم.. شايف ابنك مدلوق علي البت ازاى

مالك.. الله يرحم عمه ايام خطوبته

سليم.. هههه ياااه انت لسه فاكر

همس.. ماتضحكونا معاكم

سليم.. اهلا اهلا نورتي

زياد.. اى الاخبار

مالك.. والله كانت كويسه قبل مانت تيجي

سليم .. معلش بقا مانت عارف انه مش بيطيقك ههه

زياد.. القلوب عند بعضها ههه

مالك

خلود.. الله الله قاعدين تضحكوا وسايبنى مطحونه

سليم.. ودى اى اللى جابها دى

مالك.. مش عارف انت مش ف ثانويه عامه والمفروض بتذاكري

خلود.. تصدقوا انا منى لله عشان سايبه اللى ورايا وجايه احكى قصتكم انتوا عيله مش جدعه على فكره

وتنتهى قصتنا بصوره سعيده 🤍

اجمد انتهاء بجد😂🤍☁️