💚💚💚

_كيكه محروقه!! انا نقطه ضعفي الكيكه المحروقه والله

_تصدق أن انا غلطانه اصلا اني واقفت في المطبخ اعملكم حاجه تاكلوها اصلا

_محدش طلب منك يست والله ما حد طلب منك تاكلينا حاجه محروقه حرام عليكي بقي انا تعبت من اكلك المحروق والمعجن دا ارحمينا 

_شايف يا عمر؟!

شايف اخوك بيتريق على اكلي ازاي

والله انا غلطانه اصلا 

_بطل رخامه على اختك بقي يا مازن وسيبها في حالها بقي

_وهو انا اتكلمت يا عمر هو اللي يقول كلمه الحق في البيت دا يبقي وحش

_يوووه 

انتو مش هتبطلوا شغل العيال بتاعكم دا 

كل شويه خناق خناق ايه مبتزهقوووش 

قومت من على الكنبه و روحت على اوضتي وقفلت الباب

_عجبك انتَ كده صح

_هو انا اللي كل ما حد يكلمني اروح اشتكيله بردو؟!

_عيل مستفز بجد

بعد شويه لقيت الباب اتفتح 

_سبيني في حالي يا رنا واطلعي برا

دخلت وقفلت الباب وجات قعدت جمبي 

_مالك يا عمر

لفيت وشي الناحيه التانيه

_مفيش حاجه 

اطلعي برا قولتلك 

_دايما تقولي اني اكتر واحده فهماك وانك لو كدبت على العالم كله مش هتقدر تكدب عليا انا 

انا اكتر واحده بفهمك من عينيك يا عمر 

هو انت ليك حد غيري تحكيله اللي في قلبك 

بصاتلها بحزن وعيني كلها دموع 

حطيت راسي على رجلها وهي حطيت ايديها على راسي 

_هو انا وحش لدرجه اني متحبش يا رنا

_دا مين الغبي اللي قال كده 

_مش لازم حد يقولها يا رنا 

ماما اللي فضلت انها تموت على انها تكون جمبنا ورفضت انها تتعالج وبعدها بابا اللي سابنا لوحدنا وراح اتجوز واحده تانيه ونساكي قبل ما ينساني 

ودلوقتي اسيل

اسيل البنت الوحيده اللي حبيتها وعملت كل حاجه علشان تحبني بردو مقدرتش انها تحبني ربع حبي ليها 

انا بجد تعبت يا رنا تعبت وكرهت نفسي 

طبطبت على راسي وبدات تتكلم 

_هو انت لوحدك اللي اتحطيت في الابتلاء دا؟!

مانا كمان زيك امي ماتت وانا عندي سنة وانا اصلا مشوفتش ابوك نهائي يعني انت مش لوحدك اللي حصالك كده ربنا بيحبنا علشان كدا بيختبر صبرنا وايمانا بيه يا عمر 

هيجي يوم واسيل تحبك قد حبك ليها ويمكن اكتر كمان

صدقني حزنك دا ملهوش داعي يا عمر

وبعدين مش كفايه وجودي انا والواد مازن دا جمبك ولا ايه 

اتعدلت في قاعدتي وقربت منها وبوست راسها واخدتها في حضني 

_الحاجه الوحيده اللي مصبراني في الدنيا دي هي وجودكم جمبي انتي ومازن انا من غيركم ولا حاجه 

ربنا يخليكم ليا وتكونوا جمبي دايما وميحرمناش من بعض يا حبيبتي 

فضلت حاضنها لحد ما لقيت الباب بيتفتح تاني بصينا عليه احنا الاتنين لقينا مازن وكان ماسك في ايده علبه كبيرة 

_انا قولت من الاول والله انا ابن البواب مش اخوكم لا 

قال وانا اللي روحت اجيبلكم تورتة علشان اصالحكم بعد العك اللي عكيته من شويه دا 

بس الظاهر اني مليش مكان بينكم يلا س سل سلام سلام 

ضحكت على طريقته

_تعالي تعالي يا اوفر انت 

_لو مكنتش حلفت بس يا عمر

ساب علبة التورتة وجري علينا اخدتهم هما الاتنين في حضني 

_ربنا يخليكم ليا يا اجمل حاجه حصالتلي في حياتي

حياتي اتحولت في لحظه من حياة طفل عنده ١٥ سنة وحيد ل امه وابوه كل اللي بيطلبه بيجيله اسعد طفل في عمره 

لشخص بقي صاحب مسؤليه كبيره بعد ما واحده ضحكت على ابوه وخليته يبيع مراته الحامل وابنه اللي ملهمش غيره ويتجوزها 

بقيت مسؤول عن امي اللي حامل وبقيت بنزل اشتغل علشان اصرف عليها 

خالي مكانش بيرضي بشغلي وكان بيحاول يساعدنا بكل اللي يقدر عليه 

امي خلفت رنا وبعد ٦ شهور اكتشفت ان عندها سرطان في الرئه 

حب امي ل ابويا وحزنها ان سابها وراح ل غيرها خلاها ترفض العلاج فضلت موتها على ولادها اللي ملهومش غيرها وبعد ست شهور تانين ماتت امي وبقيت انا المسؤل عن رنا 

خالو فضل جمبنا مسبناش بعد موت ماما وكان دايما بيطلب اننا نروح نقعد معاه بس انا اللي كنت برفض علشان مكنتش عايز اخر مكان بيفكرني ب امي 

_جعااااااان 

_متهدي على نفسك شويه يا ابني انت مش كفايه اننا قاعدين واختك هي اللي بتحضر الاكل دا بدل ما تقوم تساعدها

_اساعد مين يابا م تصلي على النبي في قلبك كده الله 

دي مجنونه وممكن ترشق اي سكينه في قلبي تجيب اجلي لو زعلتها 

_سمعاك على فكرة

_وربنا روح قلبي لسه بشكر فيكي قدام اخوكي والله

مش صح يا عمر 

_كداب والله دا كان عمال يشتم عليكي حالا 

_ابقي كده يا اخويا ماشي ماشي انا غلطان اني بستنجد بي

اي دا 

_ايه 

_ايه ريحه الشياط دي

_ينهار ابيض المكرونه

جريت على المطبخ 

خبط ب ايده على الترابيزه وهو ياصص ل فوق وكان هيعيط 

_لا كده كتير والله حرام عليكي هو احنا أعدائك انا تعبت من الدليفري والله

اتكلمت وهي في المطبخ بصوت عالي 

_مش عجبك الدليفري كل جبن من التلاجه وخلاص

_حرااااام

ضحكت عليهم وقومت دخلت الاوضه 

عمري ما تعملت معاهم على انهم اخواتي وبس انا بعتبرهم ولادي لاني دايما انا المسؤول عنهم

كنت في المطبخ بحاول اعمل اي اكل ل رنا علشان تاكله في الوقت اللي هي كانت نايمه فيه لقيت الباب بيخبط 

سابت اللي في ايدي وجريت علشان افتح 

فتحت الباب ولقيت قدامي اكتر شخص انا بكرهه في حياتي 

لقيت مرات ابويا واقفه قدامي وشايله طفل ومعاها شنطه هدوم

مرة واحده كنت شوفتها فيها كانت كفيله ان ملامحها تتحفر في قلبي وفي عقلي كرهي ليها كان كبير اوي 

بدات تتكلم واحنا واقفين على الباب

_ايه يا عمر هنفضل واقفين كده كتير ولا ايه 

سابتها واقفه على الباب ودخلت المطبخ تاني

دخلت وقفلت الباب بصيت عليها من المطبخ لقيتها نيمت الطفل اللي معاها على السرير جمب رنا وخرجت قعدت على الكنبه وحطيت رجل على رجل

خرجت بعصبية من المطبخ وقفت قدامها ربعت ايدي وبدأت اتكلم

_خير يا مرات ابويا 

_اقعد يا عمر

اكيد مش هنتكلم وانت واقف

_اللي عندك قولي بسرعه واتفضلي برا 

_كنت فاكره انك هتقبلني انا واخوك مقابله احسن من كده يا عمر

اتنهدت

_هتقولي اللي عندك ولا تتفضلي تطلعي برا 

_تمام

ابوك مات من شهر يا عمر

قلبي بدا ينبض بسرعه حزن كبير حسيت بيه للحظه 

كنت فاكر انه هيكون اخر واحد هزعل عليه لو حصله حاجه بس اول ما سمعت الخبر دا نسيت كل اللي عمله فينا واتمنيت انه يكون عايش اروح اترمي في حضنه ولو لدقيقة واحده

_ساكت ليه يا عمر

حاولت اتماسك واتنهدت ورديت عليها

_الله يرحمه

المطلوب مني ايه

فتحت شنطتها وطلعت منها شيك حطيتها على الترابيزه

_دا شيك ب نص مليون جنيه

ضحكت بسخريه

_نص مليون جنيه مرة واحده 

يعني فلوس وشركات ابويا دي كلها نصيبي انا واختي نص مليون جنيه وبس

_ابوك قبل ما يموت مسبش ليك انت واختك اي حاجه يا عمر

ابوك كتب كل حاجه ب اسمي انا مش ب اسم حد غيري 

وبصراحه كده انت واختك صعبتوا عليا وحبيت اني اساعدكم ب اي مبلغ كده و

_ايوه ادخلي في المفيد علطول و ايه بقي يا مرات ابويا جايه هنا ليه بقي

_بصراحه كده انا مش حابة فكرة اني ابعد اخوكم عنكم واحرمكم منه 

_يعني ايه؟!

قامت واخدت شنطتها وقربت مني

_يعني انا جيبتلكم اخوكم يعيش معاكم هنا

اصل انا كمان كام شهر هتجوز وهسافر برا ومش هقدر على حمل اخوك ف انا هسيبهولك علشان عارفه انك بتحبه ومش هتفرق بينه وبين اختك

يلا باي

سبتني في صدمه كبيرة مش قادر استوعب اللي هي عمالته دا 

كنت فاكر انها بتكرهني انا ورنا علشان ولاد جوزها 

لكن عمري ما تخيلت انها هتبيع ابنها كمان

صوت عياطهم هما الاتنين كان عالي قربت بخطوات بطيئة وقلبي مليان خوف ناحيه الاوضه فضلت باصص عليهم مش قادر اتحرك كأني متكتف مش قادر اعمل حاجه 

مسؤولية جديده بقيت عليا بقيت مسؤل من طفلين صغيرين الفرق بينهم قليل دراستهم اكلهم شربهم حياتهم كلها في ايدي

في ايدي انا وبس

كنت قاعد في اوضتي لقيت الباب اتفتح ورنا دخلت متعصبه 

_مهو شوف بقي ياما تشوفلك حل مع اخوك دا ياما قسمأ بالله ل انا ماشي ومش هتعرفوا طريقي فين

_خير 

عملك ايه تاني 

_الاستاذ سخن مولع ومش قادر يشيل دماغه من على المخده ولا راضي ياخد دواه ولا راضي ينام ويتهد قال ايه عايز يقعد مع صحابه

_طيب اهدي طيب انا هروح اتفاهم معاه

رغم فرق السن ١٨ سنه بينا الا اني طول الوقت حاسس انها امنا مش اختنا

اللي بيتاخر برا البيت بيتعاقب انها مش بتكلمه يوم كامل السجاير ممنوعه عليا قبل مازن 

لو عرفت ان حد مننا شرب سجاير يوم مش بيعدي

طول الوقت واقفه في المطبخ بتحاول تعمل اكل علشان نبطل اكل الشارع بتحاول تتعلم الاكل 

مرة يطلع عدل و١٠ لا

_بقولك ايه يبني انت بطل شغل العيال اللي انت بتعمله دا عيب بقي انت مش صغير علي الهبل اللي انت بتعمله دا 

خد دواك واتنيل نام واول ما تخف تبقي تنزل الشارع براحتك 

متتعبش اختك وتتعبني معاك

_اتخنقت يا عمر انت عارفني مش بحب قاعده البيت دي

_تعالي على نفسك معلش يومين لحد ما تخف وبعدين اعمل اللي انت عايزه انت مش عيل صغير علشان اقولك الكلمتين دول

سابتوه وخرجت من الاوضه 

مسكت تلفوني فتحت الفيس لقيت اسيل منزله رسالة جاتلها على الصراحه كان مضمونها

_لو حبيتي شخص تعبريله عن حبك ازاي؟!

_مفيش بنت لازم تعبر عن حبها ل اللي بتحبه الاول لازم هو اللي يبدأ ب الخطوه دي ومش يعبرلها هي لا 

دا لازم يروح يتقدملها دا لو بيحبها فعلا ولو هي فعلا بتحبه تقبل بيه ابتسمت وانا بقرا رسالتها

اسيل دي اجمل بنت عيني شفيتها في حياتي 

رقيقه بدرجه كبيره طيبه هي ورنا صحاب جدا وهي اخت اياد صاحب عمري 

حبي ليها كبير اوي وبيتجدد في قلبي كل يوم هي الحاجة الحلوه في حياتي بعد اخواتي بحبها حب ميتوصف حقيقي وبدعي ربنا في كل صلاة انها تكون من نصيبي 

كنت أنا ومازن قاعدين قدام اياد واسيل كانت جمبه وهو قاعد وباين عليه التوتر

_في ايه يا بني انت متنطق هنفضل قاعدين كده للصبح

_ه ه هو انا ك ك كنت

_بصراحه احنا كنا جايين نطلب ايد اختكم رنا ل اخويا اياد 

_تطلبوا ايد مين

ايد اختنا احنا 

انا بتخاطر بحياتك ليا يا ابني انت انت فاهم اللي انت بتعمله ولا ايه 

_مازن..!

_يعم بلا مازن بلا مش مازن يبني اهرب يبني دي مجنونه

_وربنا يا مازن لموتك حاضر 

_اتلمي بدل ما اقولك يا حلوه انتي

شوف يا اياد يبني احنا بنشتري راجل 

ف احنا طلبتنا قليله جدا 

_وانا موافق على كل طلابتكم

انا بحب رنا ومستعد اعمل اي حاجه علشانها

_رنا اختي لازم تحطها في عينك يا اياد واوعي في يوم تزعلها ولا تمد ايدك عليها 

رنا مش اختي لا دي بنتي وانا عمري ما هسمح ل اي مخلوق يزعلها

_لو رنا في يوم جات واشتكيتلي منك هنسي اني صاحبك

ومش هرحمك

_عمري ما هزعل اختك في يوم يا عمر علشان انا بحبك وعمري ما هأذيها ابدا 

_يبقي على خيرة الله  

بس انا عايز اسأل الانسه اسيل سؤال 

_انا؟!

اتفضل

_بصي يا انسه اسيل انا واحد شايل مسؤوليه اهله من وهو عنده ١٥ سنه مربي عيلين على اساس انهم ولاده مش اخواته من اول لحظه شوفتك فيها حبيتك ومبقتش قادر اخبي حبي اكتر من كده 

اه انا بحبك وقدام اخوكي واخواتي انا بقولك بحبك يا اسيل بحبك يا اجمل حاجه في حياتي بحبك وبطلب من اخوكي ايدك دلوقتي ولو وافقتوا هكون اسعد بني ادم في العالم 

_ايه ايه حيلك حيلك يا بابا انت 

مش المفروض انكم انتو اللي تيجوا تطلبوا ايديها في بيتنا مش العكس 

بصاتلها لقيتها مبتسمه وباصه في الارض

_وماله نيجي نطلب ايديها 

_بارك الله لكما وبارك عليكما وجمع بينكما في خير

الف مبروك

جريت عليها واخدتها في حضني 

كنت طاير من فرحتي ومش مصدق اللي انا فيه 

اخدتها وبعدت عن الناس كلها 

_مبرووك يا اجمل واحده عيني ممكن تشوفها

_الله يبارك فيك 

_مش ناويه تقولي حاجه

_انا بحبك يا عمر

بحبك من اول يوم شوفتك فيه وانا بحبك وبدعي في صلاتي انك تكون من نصيبي واخيرا ربنا حققلي دعواتي وبقيت ليا

كنت بسمعلها وانا مش مصدق نفسي وفرحان بكلامها

اخدتها في حضني 

_انا كمان بحبك اوي يا اجمل بنت عيني ممكن تشوفها ربنا يخليكي ليا واقدر اسعدك يا حبيبتي

"وگلما نظرت اليگ توقف العالم من حولي"

#رنا_سليمان