🖤
قصه بعنوان ( معا للابد )
( الجزء السادس والاخير )
جت الاسعاف واخدوا ريان عالمستشفى
ودخلوه اوضه العمليات وجم عيله عمه
ياسر: ريان حلصه اى يابنتى هو كويس
سجده: بعياط لا مش كويس جمال ضربه بالنار يعمى انا هموت لو حصله حاجه
سندس: حضنتها خلاص اهدى هششش هيبقى كويس متقلقيش
منى: ااااه ربنا يسامحك ياابنى ربنا يسامحك لى عملت كدا سامحينى يابنتى احنا السبب يا ياسر معرفناش نربيه
ياسر: منه لله ربنا يسامحه
وقلبهم بيتقطع على جمال فمهما حصل هو ابنهم واتحكم عليه بالاعدام وفاتن اللى هتتسجن وزعلانين على ريان لانو ميستهلش اللى حصله
سجده: متقولوش كدا انتو ملكوش ذنب هو وعدنى انو هيفضل جمبى وهيبقى كويس ومستحيل يخلف بوعده
بعد ساعتين خرج الطبيب وهرول اليه الجميع
ياسر: ريان كويس انا عمه حالته اى يادكتور طمنى عليه
سجده: بعياط هو فاق صح صحته عامله اى ارجوك اتكلم
منى: اتكلم ياابنى ساكت لى طمن قلبنا احنا هنموت من الخوف
الدكتور: بحزن قدرنا نطلع الرصاصه من جسمه وهو حالته الحمد لله مستقره دلوقتى لكن
ياسر: لكن اى اتكلم ياابنى
سجده:بعياط وخوف لكن اى حصله اى انطق
الدكتور: هو دخل فى غيبوبه والله اعلم هيفوق امتا احنا عملنا اللى علينا والباقى على ربنا ياريت تدعوله وتركهم ورحل
منى وقعت فى الارض وفضلت تبكى وياسر جرى قعد جمبها بيحاول يهديها
سجده: بعدم استيعاب لا بتهزروا صح ريان هيصحى مستحيل يسبنى هوو وعدنى بكدا مستحيل يخلف وعده مستحيل يسبنى لوحدى مستحيل يستغنى عنى
وجريت على الاوضه اللى فيها ريان ولقته نايم قعدت جمبه ومسكت ايده سجده بدموع ريان قوم انت مش هتسبنى صح مستحيل تسبنى فوق علشان انت اللى هتعالجنى انت اللى هتدينى امل فى الحياه فوق ياريان عشان خاطرى وفضلت تبكى لفتره طويله واتذكرت وعدها لريان انها تتعالج وتبقى احسن من الاول وقررت انها تتعالج لانها واثقه ان ريان مش هيسبها ولما يفوق لازم يلاقيها اتعالجت
عدا تلات شهور ريان لسا فى الغيبوبه سجده صحتها بقت احسن بكتير كل يوم بتزور ريان وتفضل تحكيله عن يومها كله واللى حصل معاها وطول الليل تفضل تدعيله يقوم بالسلامه وعمرها ما زهقت وجه اليوم طلعت تحاليل بتاعت سجده
وانها اتعالجت من السرطان نهائى
فرحت جدا الخبر دا وجريت على اوضه ريان ومسكت ايديه
سجده: ريان حبيبى انا نفذت وعدى ليك واتعالجت وبقيت احسن من الاول بكتير نفذ انت كمان وعدك ليا ومتسبنيش رياان اصحى عشان خاطرى علشان نكمل حياتنا سوا ونفضل طول العمر مع بعض
ريان: بدا يفتح عيونه براحه وقال س...ج...د...ه
سجده: بصدمه وفرح ريان انت انت صحيت
ريان: سج.. د... ه
سجده: ايو انا جمبك اهو اتكلم قول اى حاجه... دكتوووور
دكتووور بسرعه
الدكتور:اى فى اى
سجده:بدموع فرحه ر..ي.ان فاق فتح عنيه
الدكتور:بدا يفحص ريان وسجده جريت علشان تنده على منى وياسر وسندس وكلهم اتجمعوا فى اوضه ريان
ياسر:طمنى يادكتور ريان صحته اى دلوقتى
الدكتور: الحمد لله كويسه احسن من الاوا حاجه غريبه جدا يظهر انو سمع خبر فرحه واثر على الجهاز العصبى وفاق حمد لله على سلامته عن اذنكم
سجده:ريان انت كويس
ريان:انا بخير ياقلبى طول ماانتى بخير متقلقيش كدا
منى:حاسس بايه ياابنى
ريان:الحمد لله يامرات عمى بس هو اى اللى حصل
ياسر:دخلت فى غيبوبه ياابنى بقالك تلات شهور
ريان:ياااااه تلات شهور وبص لسجده وحشتينى كنت بحلم بيكى كل يوم بتكلمينى وتشجعينى وتدينى امل انى اصحى تانى
سجده:انا مقدرش استغنى عنك وكنت واثقه انك هتصحى تانى ومش هتسبنى
ريان:بحبك ياكل حياتى
سجده:ابتسمت بخجل وفضلوا باصين لبعض
سندس :اوعدنى يارب اى ياعم انت وهيا كفايه محن احياه عيالكم وانت ياعم رصاصه تعمل فيك كدا
ريان:ابو ام غتاتك امشى ابت اطلعى برا
سندس :شالله يخليك وقعدت جمبه هقولك بقا حصل اى
وحكت له عن اعدام جمال وسجن فاتن وعلاج سجده
ريان فرح جدا ان سجده اتعالجت وكان مبسوط جدا
وحزين فى نفس الوقت للى حصل لاولاد عمه
بعد اسبوعين ريان بقت صحته كويسه ونزل مصر هو وسجده وعمه ومرات عمه وسندس وجده سجده فرحت جدا بعلاج سجده وقضوا وقت جميل جدا مع بعض وجه معاد الفرح
سجده طالعه ذي القمر بالفستان الابيض والطرحه
وريان طالع قمر اوى بالبدله
اشتغلت الفقرات والاغانى وقضوا وقت رائع كلوا سعاده وفرح وسجده الفرحه مكنتش سايعاها انها مع ريان وخلاص بقو لبعض وريان نفس الفرحه واكتر بكتير