🖤
"عاشقي الغامض"
"الجزء السادس"
.
يخلص النهار .. تدخل تيا من باب أوضتها .. ترمي حاجتها ع السرير و تدخل الحمام .. بعد شويه .. تخرج و هي لابسه البرنس و بتنشف شعرها .. تقرب م ازاز البلاكونه و واقفه متأمله الهلال.. تنزل عيونها ع ارض البلاكونه .. تشوف سبت تستغرب و تفتح باب البلاكونه ..
تيا ب تعجب : ايي دهه ؟؟!!!
( تاخده و تدخل اوضتها و تقفل الازاز تاني لإن الجو بدء يشتي .. تغير تيا هدومها و تلبس بيجامتها .. بعد كده تقعد مربعه ع السرير و تقرب السبت منها و تفتحه .. تلاقي بوكيه ورد الوانه متدرجه و تحفه اوي .. و جمبيه صندوق هديه .. تطلعه و تفتحه تلاقي صور ليها اول مرة تشوفها و يكون معمول ل الصور فوتوشوب و ايديت تحفه .. تحت الصور مجموعه شوكلاتات .. تفرح تيا اووي م الهدية ده.. و يجي في بالها انها من زيااد ؟؟ بس تلاقي كارت كبير في الورد .. تطلعه و تقراه ... )
تيا : " بعد الضغوطات الكتيره اللي عدت عليكي الفترة اللي فاتت .. حبيت اهون عليكي شويه و جبتلك الهديه ده تفرحك .. بتسألي دلوقتي انا مينن ؟ انتي متعرفنيش او ممكن تبقي عارفاني بس انا مش ف الوسط بتاعك بقالي سنييين .. بس انتي كنتي في وسطي من اول ما اتولدت و لحد اللحظه اللي بتقري فيها الجواب ده .. استني بعد كده كل ليله هديه شكل لأني قررت اظهرلك مرة في مرة .. *عاشقك الغامض* "
( تسهم تيا شويه .. و تفتح و تغمض في عينها كتير .. مش مستوعبه .. )
تيا : ي ربنااااااا ... ملحقتش اخلص من سامح !! يقوم خازوق جديد يطلعلي !!
( تاخد شوكلتايه تاكلها و هي متعصبه .. )
تيا : اهوو استفاد م البتاعه ده ب حاجه
( يعدي وقت .. صبح يوم جديد .. الشله قاعده و انضم ليهم سلمي و نورهان في القعده .. يرن فون حور .. تقوم بعيد عنهم .. شويه و ترجع تاخد شنطتها .. )
اروي : رايحه فين ي حور ؟؟
حور : هروح اقابل ماجد
زياد : ماجد مين ؟؟
حور : الولد اللي طلب مني المحاضرات امبارح ده ..
عمر : رايحه تقابليه دلوقتي ؟؟!
حور : ايواا ي جماعه !
( عمر و يقوم .. )
عمر : طب انا جاي معاكي .. يلاا
حور : ممم طيب يلاا
( و يمشوا .. سلمي هتموت من غيظها .. )
سلمي : طب هنقوم بقي ي جماعه بعد اذنكم
( تقوم سلمي و نورهان .. يبعدوا .. )
سلمي : ست قرف راح وراها !!
نورهان : حور مش هتجيبها ل البر خالص
سلمي : لازم بقي ي نورهان نوقفهاا !! عاوزه طريقه نخليها تتهد شويه !!
نورهان : و انا عندي الفكرة
سلمي : و هي ؟؟
نورهان : مش هيحصل حاجه لو حطينا سكر في حاجات تشربها ؟؟!
سلمي : نورهان!!! مش للدرجادي !! ده تموت فيها احنا مش قاتلين قتله ي بنتي !!
نورهان : تموت اي بس ي ستي ما هي قردة اهي انتي مش شايفه عضلات جسمها هتتعب فترة و تبعد و انتي تلاقي فرصتك
سلمي : يعني مش هيحصلها حاجة ؟؟!
نورهان : تؤتؤتتؤ خالص ي بنتي و تعالي نبدء نجهز هنعمل ده ازاي..
( في حته تاني في الجامعه .. يوصل عمر و حور ل ماجد .. واقف ماجد حاطط زعبوط السويتشيرت بتاعه .. باصص ل عمر من قبل ما يوصلوا ب غضب .. تقرب حور من ماجد .. )
حور : ازيك ي ماجد
ماجد : ازيك ي حور عامله اي
حور : تمم الحمدلله .. اعرفك ده عمر .. زي اخويا بالظبط و صديقي المقرب
( يبتسم عمر و يسلم ع ماجد .. )
عمر : اتشرفت ي معلم .. يربب تبقي معرفه لطيفه
ماجد : ان شاءالله ع حسب
حور : اتفضل ي ماجد المحاضرات مصورهالك .. يربب تفهم و تستفاد منها..
ماجد : ان شاءالله .. و طبعا ع اتفقنا اذا مفهمتش حاجه هكلمك و اقابلك تشرحيهالي ..
حور : اكيد طبعاا في اي وقت تعوزني انا موجوده
عمر : ساعديه ي حور كويس ياكشي يبقي يقفل امتحانات الميدتيرم بس
ماجد : هقفل والله انا شاطر
عمر : ع كده اسمك بالكامل اي ؟؟!
ماجد بثقه : ماجد سيد أحمد حامد
عمر : اسم حلو .. و انت حلو
ماجد : تسلم
حور : يلاا بقي ي عمر نرجع ؟؟
عمر : طيب يلاا..
حور : عاوز حاجه ي ماجد ؟؟
ماجد : تسلمي
( يمشي من طريق و هم من طريق .. عمر و حور و هم ماشيين .. يظهروا قدامهم نورهان و سلمي و في ايديهم كوبايتين عصير .. )
سلمي : انتوا هنا ؟؟!
عمر : ايوا انتي شايفه اي ؟؟!
سلمي : ي ظرييف ..
نورهان : خلاص ي سلمي كنا جايبنلكوا عصير اصلا ..
عمر : ميرسي ليكوا..
( تدي سلمي اللي في ايدها ل عمر و نورهان ل حور .. تاخد حور تشرب العصير لآخره و حساه مسكر .. )
حور : تسلموا
نورهان : ع اي ي بنتي بس ؟!
( و تبص حور ل عمر و سلمي بيتكلموا و يهزروا .. تبتسم عادي و تمشي ترجع ل البنات .. )
تيا : مرحب ب حوريتنا
اروي : عملتي اي مع ماجد هاا ؟؟!
حور بكسوف : بطلوا ي بنات ده زميلي عادي الله
اروي : زميييل اااه
حور : بطلي ي اروي بجد !!
تيا : خلاص ي بنات قفلوا ع السيره انا اصلا عاوزه احكيلكوا حاجه
حور : احكي ي ستي هو ورانا حاجه
تيا : انباارح .. خرجت م الحمام و وقفت قدام البلاكونه لقيت ع ارضها من بره في سبت..
اروي : سبت ؟؟!
تيا : اها دخلته كان في بوكيه ورد جوااه تحفه.. و صندوق لقيت فيه شوكلاتات ( و تطلع فونها توريهم صور .. ) و الصور ده متخدالي من غير ما اعرف بس حلوين اوي ( و تطلع الكارت م الشنطه .. ) و الكارت ده
( تسحب اروي الكارت و تقرب حور منها و يقروه .. يبصوا ل تيا بصدمه و فرحه.. )
يعدي اسبووعين ..
بعت حاتم ل تيا هدايا بالهبل في كل يوم م الاسبوعين اللي فاتوا .. بدأت تيا تحبه ! تحبه من غير ما تعرفه .. حست ان حبها ل نفسها حبها بصدق.. حاجه حلوة لما تلاقي حد يحبك كده " و يارب اوعدنا " ، و لسه خطه سلمي و نورهان مستمرة " يارب استرها " عمر منجذب ل حور اكتر .. مما خلي الخطه جرعتها تزيد ! ، من ناحيه حور بتقابل ماجد اعجبت بيه حرفياا و ماجد ااصلاا بيعشقها .. ، اروي و مصطفي .. اكتر اتنين مستقرين في علاقتهم و ربنا يهديهم ل بعض .. ، نيجي بقي ل حاجه جديده ان ميار اتقدملها عريس .. و انهاردة خطوبتهم .. تيا و لمي نحول في البيت فرحانين انهم هيخلصوا من ميار اخيراا..
بليل في الخطوبه .. طبعاا في بيت ميار .. الجنينه مزحومه ب الناس .. تيا و لمي و صحابهم بيظبطوا في الحاجه كل ما تبوظ بيحاولوا يعدوا الليله ع خير .. و فعلاا الليله تخلص ع خير .. تيجي تيا في اوضتها تكون غيرت هدومها و مستنيه قدام البلكونه .. مستنيه حد يجي يحط هديه اليوم .. بتستناه كل مره بس متعرفش تشوفه .. تقعد تيا ع كرسي قدام البلاكونه .. مفنجله عيونها مستنياه ! ايوا مستنيه تشوف شكله .. يعدي وقت طويل .. لسه مجاش .. في صبح يوم جديد .. اشعه الشمس تنزل ع عيون تيا .. تفتح عينها بتعب تلاقي نفسها قاعده ع الكرسي تبص ع البلاكونه متلاقيش حاجه !! تستغرب تقوم م ع الكرسي و هي مضايقه تهرش في شعرها .. و تدخل الحمام .. ، يعدي وقت .. سايقه تيا عربيتها بضيق مش مركزة في الطريق ... هوووب ..
في المستشفي بليل .. قاعده تيا ع سرير و مدلدله رجليها و بلاستر ع جنب قورتها .. و ايدها متجبسه .. واقفه معاها الممرضة بتغيرلها محلول .. دقيقه و تخرج برا و يروح الكل داخل يهجموا عليها ..
محمد : قلقتينا عليكي ي تياا
تيا : متقلقش ي بابا انا بخير اهو
خيريه : بخير اي بس و ايدك المتجبسه ده !!
تيا : اسبوعين و تخف ي خوخا متخافيش انا حاسه نفسي كويسه اصلا اي لزمته اني ابات هنا انهاردة
محمد و يروح يقعد جمبها و يخدها في حضنه : عشنن تبقي احسن من دلوقتي بكرا ربنا يشفيكي ي روحي
( تبتسم تيا ب رقه .. تلف نظرها في الاوضه تبص ل لمي .. تلاقيها واقفه بعيد و مدمعه .. )
تيا : و انتي ي بومه ي اللي واقفه بعيد بتعيطي لي يخربيتك..انا مموتش لسه !
لمي و تجري عليها تحضنها : بعد الشر عليكي .. انا خوفت اوي عليكي ي تياا
ميار : اي ي تيا هي ده كلمه تسمح انها تتقال في الموقف ده !
تيا : لااا متسمحش
( و مرة واحده الباب يتفتح و صحابها يدخلوا .. حور و اروي ينطوا عليها بفزع و زياد واقف قلقان في مكانه و جمبه مصطفي .. )
اروي : خضتينا عليكي ي وحشه !
حور : اهي كلها جبس يتشال بعد اسبوعين و خلاص لكن طبعاا تكلمينا ب صرع عشنن تنصرع
تيا : انتوا في اي ما تهدوا عليا.. افتكرتكوا هتجيبولي شوكلاته كده لكن مافيش؟؟
اروي : حتي و انتي كده همك ع بطنك !
محمد : طب كويس انكوا جيتوا نسيبكوا بقي شويه ع راحتكوا صحاب مع بعضيكوا
حور : ميرسي ي عمو
( يخرج الكل و يفضل زياد و مصطفي و اروي و حور .. )
زياد : حمدلله ع السلامه ي تيا لولا ان احنا جينا مستعجلين كنا جبنالك الدنيا كلها
مصطفي : ااه ي توتت زي ما زوزز كده بيقول
تيا : كتر خيركوا انا عارفاكوا والله
حور : هي الحادثه حصلت ازاي اصلا ي تيا !
تيا : الصبح و انا جايه مكنتش مركزة و انا سايقه للأسف و خبط في شجرة
اروي : و مكنتيش مركزة لي ي هانم ؟؟!
تبص تيا ل الشباب : بعدين ي اروي
( تقوم اروي من مكانها و تاخد بإيدين زياد و مصطفي و تطلعهم برة بدون كلام يقعدوا برة يضحكوا .. )
اروي : اهو طلعتهم اتنيلي احكي ..
تيا : عاشقي الغامض مبعتليش هديه امبارح .. ف صحيت متعكننه ..
اروي : *** و هو ده سبب !!
حور : امسكي نفسك ي اروي
اروي : اسكتي انتي بس !
تيا : اروي مالك في اي ؟؟!!! خلاص بقيت كويسه و حكيتلك خلصنا بقي !!
اروي : خلصناا مممم طيب ماشي لما تخفي بس الاول...
حور : استني بقي عاشقكك ده تفتكري مبعتش هديه لي ؟؟ و هو برضه مش كان زمانه بعتلك بوكيه وردد ؟؟
تيا : تصدقي صح !
اروي : هو فاضيلك يعني تلاقيه وراه مشغوليات .. مجتش من يوم اصلها
تيا : مش عارفه .. بس بصوا عندي فكرة جت في مخي و انا بعمل الاشعات ..
حور : و هي ؟؟
تيا : مش زياد كان منفصل عني من غير سبب مش كده ؟؟
اروي&حور : ايواان
تيا : و في مرة من المرات لما بعتلي عاشقي هديه كان فيها جواب برضه و كان قايلي " قفلتلك كل الابواب و سبت بابي انا مفتوح ليكي " حسيت انه بيقولي بطريقه غير مباشرة انا اللي بعدت زياد عنك و ساعدني من سامح ..
اروي : انتي جاحده و انتي بتربطي الاحداث
حور : تقصدي يعني ان زياد ممكن يبقي عارفه ؟؟
تيا : ايوااا شغلي مخك معايا .. هاتولي زياد و سبونا لوحدنا ياريت و هقولكوا ع النتيجه
حور : اشطا .. يلا ي اروي ..
اروي : يلا ..
( يقوموا يخرجوا م الاوضه و بعدها يدخل زياد .. )
زياد : قالولي انك عيزاني ..
تيا : زياد مش ناوي تقولي بقي انت سبتني ليي ؟؟
زياد : قولتهالك قبل كده و مش هعرف اقولها تاني !
تيا : عارف مش عارف تقولها تاني لي ؟؟
زياد : لي ؟؟!
تيا : لأنك كنت حافظ الجمله ده !! ده مكنش كلامك !! لو كنت حقيقي عاوز تنفصل عني بإرادتك كان زمانك ولا هامك الموضوع و كملت عيد ميلاد اروي عادي و لا عيطت قدامي و لاااا اي حاجه م اللي حصلت ده خااالص !!
( زياد متوتر مش عارف يقول حاجه مش قادر يتكلم .. )
تيا : انت لسه بتحبني ! حد جابرك تسيبني ! .. الحد ده بيحاول يتقرب مني شويه ب شويه لأنه بيحبني بجد ! .. مش زيك هددك اي تهديد مكنش هينفذه اصلاا و سبتني من اول ساعه من غير ما تفكر حتي .. بس خلاص مبقتش تفرق معايا انت عارف حبيته اصلاا .. حبيته من غير ما اعرفه عشنن بيبينلي حبه حتي لو كانت قدامه مصاعب لو كلامي هز شعره من رجولتك قولي هو مين
زياد : تيا .. انتي عارفه انا مستهلكيش خالص .. انتي بنت حلوة و ذكيه و جدعه احسن مني في كل حاجه و اي حاجه .. عشنن كده حبيتك لكن هو هددني لما حد يهددك ب مامتك اختك اللي ملكيش غيرهم تعملي اي سعتها في الموقف ده
( تسكت تيا .. تفتكر سامح لما هددها ب باباها .. )
زياد : تخيلتي و التخيل واجعك .. لكن حقيقي و كان سعتها الكلام جد .. طبعاا هختار امي و اختي انتي شفتيني كنت عامل ازاي قدامك صح ؟؟! مكنش م السهل برضه انفصل عنك بس كان اسهل من اني اودع عيلتي .
تيا : زياد خلاص مكنش قصدي تضايق كده انا اسفه انا قسيت اوي عليك في الكلام طلعت كل اللي كنت كبتاه منك فيك انا اسفه اسفه
زياد : متتأسفيش ده حقك اصلا .. و هقولك ع اللي انا عارفه .. اللي جه كلمني واحد نعرفه لسه ظاهر ما بينا .. صديق حور اللي اسمه ماجد ..
تيا : مااجد !!!!!
( تعدي دقايق و يخرح زياد و تدخل حور و اروي ع طول .. )
اروي : هاا قالك اي ؟؟!
حور : هااا انجزي في اي ؟؟
اروي : عرفتي هو مين ؟؟!
تيا : اهدوااااا ...!
( تبصلهم تيا و تبدأ تحكي .. )
حور : ماجد !!!!!
اروي : يعني احتمال ماجد يكون هو اللي بيبعت الهدايا ؟؟
تيا : معرفش لو نجيبه نسأله
حور : جماعه لاا ! مستحيل ماجد انا بحبه بحبه اووووي مستحيل هعيش في عذاب لو عرفت انه بيحبك لاءهه !!
تيا : اهدي اهدي ي حور !!
اروي : حور اهدي ي حببتي مش ممكن يكون واحد تاني ؟؟
حور : ياريييييت و نبيييي ..
تيا : خلاااص عاوزه تتأكدي كلميه ضروري يجيي نحاوطه عشنن ميهربش و نشوفه
حور : طياارة ...
( تطلع فونها و تكلمه .. يعدي وقت .. يوصل ماجد في عربيته و ينزل يدخل م مدخل المستشفي و يسأل ع اوضه تيا .. دقايق يكون جوة الاوضه التلاته مثبتينه .. )
تيا : مرحب ماجد .. دخلت بغموض و عايزين نعرف خرجت زياد من حيااتيي ليي ؟؟
ماجد : خرجته من حياتك اي مش فاهم ؟؟!
حور : متستعبطش ي ماجد عرفنا كل حاجه ياريت تحكي ..
اروي : بص مش هتعرف تتزحلق من تحت ايدنا اتكلم و انجز متصدعناش ..
ماجد : بصي عشنن متفكروش غلط انا مش بحبك ده حاتم..
تيا&حور&اروي : حاااتم ؟؟؟!
تيا : مين ده ؟؟
ماجد : عاشقكك الغامض ي بنتي !
تيا : ما انا عارفه يعم .. ادخل في التفاصيل ..
حور : استني انتي بس !! يعني انت مش بتحب تيا و لا حاجه ؟؟!
ماجد : ايواا يروحي
حور : لا بقي مش قادرة .. ماجد انا معجبه بيك و بحبك..
ماجد : و انا بعشقك
( يقوم و يقومها ياخدها في حضنه يتعمقوا في حضن بعض .. البنات يبصوا عليهم و عيونهم بتطلع قلووب ... )
تيا و هي متأثرة : كفايه مُحن بقي هتخلوني اعيط ..
حور و هي في حضن ماجد : سيبينا يختي نتعمق شويه
( يبعد ماجد حور عنه .. )
ماجد : المكان هنا مش مناسب ي حببتي نبقي نكمل بعدين
اروي : في الحلاال ها
حور بكثوف : يخربيتك
تيا : جماعه ينفع نهزر بعدين ؟؟ معلش ي حور نرجع للموضوع اللي جبنا بيه ماجد ل هنا ..
حور : تمم ي حببتي
تيا : قولي ي ماجد بقي اي حكايه حاتم بتاعك ده !
ماجد : اولا عشنن تبقي عارفه شكله بس .. فاكرة اول خروجه خرجتيها مع زياد ؟؟
تيا : ايوا فكراها .. اي العلاقه يعني ؟؟
ماجد : مش واحد كده خبط الطرابيزة و وقع عصير ليمون ب النعناع عليكي ؟
اروي : ي ربناا انت عارف كمان نوع العصير ؟!
ماجد : طبعاا
تيا : اوعي تقوول !! هو !!
ماجد : ب الأمارة قالك ان اسمه حاتم
تيا : بس مش م الغموض اللي انتوا عاملينه ده اسمه يكون مش معروف ؟؟
ماجد : ع فكرة اسمه مش حاتم اصلا
تيا : نعممم !!!
حور : أُمال اسمه اي؟؟
ماجد : جواد
اروي : حلو الاسم اوي
تيا : اها فعلاا .. و اي سبب التغيير؟؟
ماجد : ياااااه ده مواااال كبييييير ...
تيا : طب احكي
ماجد : ...........