🖤

"عاشقي الغامض"

"الجزء الخامس"

.

يدخل ماجد مرة واحده ع مكتب حاتم و وشه مليان ريأكشن الصدمه ...

ماجد : حاتم إلحق !!

حاتم بفزع : في اي ي ماجد مالك داخل كده لي خضتني !

ماجد : تيا في مصيبه !! 

حاتم : تيا !! مالها !

( يتقفل المشهد .. يجي الليل .. تيا قاعده ع سريرها وشها بهتان و عنيها و مناخيرها محمرين اووي ..لابسه اسود في اسود تسمع خبط باب الاوضه .. )

تيا : أدخل ..

( تدخل خيريه .. تبص ل تيا بإستغراب .. )

خيريه : اي ي تيا مجهزتيش لي ! بتهزري مش كده؟

تيا : ما أنا لابسه أهو مجهزتش فين ده !؟

خيريه : طيب براحتك .. هو انتي ليه مكترة الحمرة اللي ع وشك ؟!🤨

تيا : سرحت و انا بحط ف طلع معايا كده ..

خيريه : طيب يلا تعالي معايا ..

( تاخد خيريه تيا من ايديها .. و ينزلوا تحت تقعد تيا في وش سامح و ع الجنبين الباقي متوزعين .. سامح باصص بإنتصار و تيا موطيه رأسها و دموعها نازلين .. )

محمد و هو بيضحك : والله و ليك وحشه ي سحس الكويت كانت عامله اي ؟

سامح : كانت تحفهه حرفياا بس طبعا مافيش احسن من مصر

محمد : طبعاا ده مصر ام الدنيا ..

سامح : طبعاا .. عمي ..

محمد : خير ي سامح ؟

سامح : الصراحه انا كنت عاوزك في موضوع كده ..

محمد : خير ..

سامح : انا طالب القرب منك 

( تيا تنزل دموعها كتير مخبيه وشها ب شعرها .. قلبها واجعها .. ، يبص محمد ل ميار .. )

محمد : احنا قرايب اصلاا ي سامح .. بس انا فهمت قصدك .. عاوز تجوز بنتي ميار ؟

( تتكثف ميار أوي و تنصدم .. )

سامح : لا مش ميار خالص انا عاوز اتجوز تيا 

( يتصدم الكل و تيا تبدء تمسح دموعها و ترفع رأسها .. )

تيا : و انا موافقه ي بابا 

( يبص محمد ل تيا ب صدمه أكبر ! )

سامح : و انا عاوز اتجوز بسرعه عشان مقرر إني هسافر تاني ..

( يعدي وقت .. الكل قاعد بس يكون سامح مشي .. )

محمد : ازااي يعني! عايز يتجوزك انتي الأول !! مش الأولي أختك ميار كنت هقول اه كانوا صغيرين و بيلعبوا مع بعض و فاكرين بعض و يكون مخطط أنه هيجوزها من ساعتها .. لكن انتي اللي لسه شايفك امبارح أقل من 5 دقائق دلوقتي جاي يطلب إيدك مني لا و اي تتجوزي بعد بكرة و تسافري و تقولي " يقلد صوتها " موافقه ي بابا ..!

ميار و تحاول تهدي : ي بابا سيبك من حوار انا الأولي و لا لا عادي يعني مش هيتجوزني غصب عنه هو عاوز تيا ..

محمد : طيب ده ماشي و حتة ال 5 دقائق بتوع امبارح حصل اي فيهم عدوا 5 سنين بدل 5 دقائق مثلا؟؟!

خيريه و هي تحاول تهدي برضه : ي محمد أهدي احنا مش ناقصين أهدي كده و أسمعها يمكن عايزاه تقول حاجه ..

محمد : طيب لو في حاجه قولي ي ست هانم !

تيا : قابلت النهاردة سامح و قضيت معاه اليوم لما خرجت و قالي أنه حبني و كده و انا مكدبش إني حسيت ب حاجه ناحيته ف قالي خلاص هاجي بليل و اطلبك من عمي .. مش أكتر ي بابا..

محمد و يهدي : طيب يعني انتي كده بقي خلاص بكرة آخر ليله ليكي معانا ؟؟

تيا : آه

محمد و يقرب منها يحضنها : هتوحشيني ي بنت قلبي

تيا و تحتضنه بعمق : و أنت كمان ي بابا 

( و تاخد تيا راحتها في العياط في حضن ابوها .. يعدي الليل .. ، يعدي يوم ..صبح يوم كتب الكتاب .. تقوم تيا .. قاعده تيا ع سريرها ضامه رجليها عليها .. تدخل عليا ميار .. )

ميار : ايش ي عروسهه مالك؟؟

تيا : متقوليليش عروسه ي مياار !!

ميار : امال انتي اي ي بنتي مش انهاردة كتب كتابك و اخر يوم ليكي معانا يعني 

هتوحشييني اوي ي تياا 

( و تاخد ميار تيا في حضنها يعيطوا الاتنين في حضن بعض .. تدخل لمي من وراهم .. )

لمي : يلا ي نكديين !

( و تنقض عليهم فوق السرير و تحضنهم .. ال3 يحضنوا بعض و يكونوا شكلهم جميل.. تبعد لمي .. )

لمي : يلا بقي مش هنقوم نجهز نفسنا من دلوقتي ولا ايي ؟!

تيا : مليش نفس لأي حاجه خالص انسوني هبقي البس بليل ..

ميار : بتستهبلي ي تيا تعالي قومي معايا أمكيچك هتطلعي قمر من ايدي..

لمي : لالالا اوعي ي تياا اوعي يغرك انها اختك هتبوظ خلقتك !

( تضحك تيا .. و تقوم من ع السرير و تقف .. )

تيا : طيب منكوا لله ضحكتوني و انا مليش نفسي .. انا هقوم ادخل اخد دش و هبقي اجيلك ي ميار نروح كوافير هاا !

ميار : كده ي تيا كده ي اوختشي تشكي فياا !

تيا : من بعد اخوتشي ده هشك فيكي و في امك

لمي : ي دين اميي

( يعدي الوقت .. بليل الكل جاهز و قاعد تحت في الانتريه .. قاعده تيا مافيش اي ريأكشن ع وشها .. اللي قاعدين ميار و لمي و اروي و حور و خيريه و محمد و المأذون الكل بيتكلم مع بعضه و مستنين سامح و هي مش سامعه ولا كلمه شاردة بتفكر في اللي هيحصل بعد ما تبقي مراه مغتصبها .. ) 

ع مدخل مستشفي ...

توصل عربيه اسعاف و السرينه بتاعتها عليا اووي .. الكل واقف قدام باب المستشفي مستنيين يشوفوه .. ينزلوه بنقاله و يجروا بيه ع جوة و يدخلوه اوضه العمليات .. يجري الكل وراه و يستنوا بره الاوضه .. يمشي محمد رايح جاي و الكل قاعد في حاله توتر .. تيا واقفه بعيد عنهم ..

مبتسمه حسه ب ردة روحها اللي رجعتلها تاني حاسه ب حاجه هتحصل توقف كتب الكتاب و الجوازه .. و هو فعلاا سامح اللي في اوضه العمليات اذ مات تيا هتخلص منه و وشها كله امل ب كده ..

*فلااااااااااااش بااااااااااااك*

المأذون و هو بينفخ : اي ي جماعه العريس إتأخر كده ليي ؟؟! ورايا كتب كتاب تاني بعديكوا في المهندسين ..

محمد : صحيح هو اتأخر اوي .. انا هقوم اكلمه اشوف هو في ااي

( يقوم محمد و يطلع فونه يكلم سامح .. محدش يرد .. يرن تاني .. شويه و في اخر الرنه .. واحد يرد عليه .. )

شخص : السلام عليكم ..

محمد : و عليكم السلام سامح معايا ؟؟

شخص : حضرتك قريبه ؟

محمد : ايوا انا عمه اي حصل ؟؟!

شخص : صاحب التليفون ده عمل حادثه ع الطريق ترله كبيرة خبطت عربيته و دلوقتي احنا طلبنا الاسعاف هتيجي تاخده ...

محمد : نعممم !!!

( يقوم الكل من مكانه بعد ما سمعوا نبرة صوت محمد .. )

محمد : طب .. طب مستشفي ايي؟؟

( يقفل الخط محمد و يلف يبصلهم .. )

محمد : سامح عمل حادثه !!

*بااااااااااااااك*

( يعدي وقت .. يخرج الدكتور من اوضه العمليات و يشيل الكمامه من ع بؤه .. يجري الكل عليه و واقفه تيا بعيد عنه و جمبها اروي و حور .. )

محمد : خير ي دكتور سامح اخباره اي ؟؟!

الدكتور ب حزن : للأسف فقدنا المريض في نص العمليه .. البقاءلله

( يزعل الكل .. واقفه تيا و جمبها اروي و حور بصتلهم و ابتسمت .. )

تيا : خلصت منه !! و أخيراا ردة روحي !

( يبصولها بصدمه ! )

تيا : تعالوا معايا ننزل تحت و انا احكيلكوا ..

( تمشي و يمشوا وراها و هما باصين ل بعض و مستغربين طريقتها النشيطة بعكس اول يوم اتعرفت بيه كانت حزينه .. نزلوا تحت و قعدوا ع طرابيزة و بدأت تيا تحكيلهم .. ، ع طرابيزة مش بعيده عنهم .. قاعد حاتم و جمبيه ماجد مراقبينهم .. )

ماجد : هو امتي ي حاتم هتخطي خطوة نحو تيا ؟؟ انت كده مش بتعمل اي حاجه غير ي تبعد عنها اللي بتحبهم او بتنقذها من اي حاجه وحشه ؟!! .. مسيره في يوم هتتجوز مش هتفضل عانس عشانك !!

حاتم : ايواا يعني برضه عاوز ايي ؟!

ماجد : هتعمل اي مع البنت بعد كده ؟؟!

حاتم : هقرب منها واحده واحده .. و هبقق اقولك ازاي .. كمان ما تركز مع بتاعتك شويه بدل ما هي بائسه كده عشنن عمر

ماجد بتوتر : قصدك حور ؟؟!

حاتم : و هو في غيرها ؟! .. ماجد انت عندك فرصه تتعرف عليها و انت حظك ان ملكش ماضي معاها .. ف قرب منها بطريقهه مثلاا كأنك طالب معاهم في الجامعه اتعرف عليها اخرجوا اعترفلها شويه شويه هتحبك انت قمور يا ولاا مافيش واحده عمرها ما تقدر ترفضك

ماجد : ده رأيك ؟؟

حاتم : اها ..

( يعدي اسبوع .. بدون احداث .. ترجع الحياه زي ما كانت .. و افضل شويه .. الشله كلها قاعده ع طرابيزة في كافيه الجامعه .. بيتكلموا و يضحكوا و يهزروا .. و ترجع علاقه زياد و تيا عاديه جداا زي الاصدقاء قبل ما تحصل بينهم اي حاجه .. تقوم حور من مكانها و هي بتضحك .. )

حور : كفايه ضحك الله يخربيتكوا ! .. ريقي نشف من كتر الضحك هروح اجبلي اي حاجه اشربها

اروي : تمم

( تروح حور تطلب عصير .. و تكون واقفه مستنياه يخلص .. يقرب منها ماجد و هو مغير من إستايله و تسريحه شعره .. و شكله عسل اوي .. يقف جمبيها و يطلب عصير برضه .. يبصلها و يبتسم .. )

ماجد : انتي حور مش كده ؟؟!

حور تبصله و هي مستغربه : ايوا انا حور عرفتني منين ؟؟!

ماجد : انا معاكوا في نفس السنه بس من اول التيرم مش باجي عشنن كنت مسافر .. و دلوقتي جيت و شويه صحابي قالولي عليكي اني ممكن اخد منك المحاضرات انقلها ده اذا سمحتي يعني انتي عارفه امتحانات الميدتيرم قربت و كده ..

حور : بص انا مش بدي محاضراتي لحد الصراحه بس انت متأخر اووي في المنهج ف ممكن اساعدك هديك المحاضرات و اي حاجه متكونش فاهمها ابقي كلمني اقابلك اشرحهالك

ماجد : تمم هكون ممنونلك جداا .. ااه صح معرفتكيش ! انا اسمي ماجد ..

حور : ولا يهمك و انتي عارفني اصلا حور .. معلش مش معايا الورق دلوقتي هاخد رقمك و نبقي نتقابل لما اجهزهملك تمم ؟؟!

ماجد : تمم سلاام

حور : سلام

( و يكون العصير جهز كل واحد ياخد كوبايته و يمش من طريق تاني .. ترجع حور ل الشبب .. )

تيا : إتأخرتي لي ي بنتي ؟!!

حور : واحد وقفني كان عاوز مني المحاضرات اللي بنقلها ..

عمر : و انتي طبعاا رفضتي

حور : لا وافقت لأنه اصلا مجاش من اول التيرم ف صعب عليا اخدت رقمه و هبقي اقابله و اديهمله ..

الكل : اخدتي رقمه !!

حور : في اي ي جماعه

مصطفي : اصل مش من عادتك يعني يحور تدي رقمك ل أي حد بالساهل ..

حور : حسيته كده مش حد وحش اطمنتله ع طول و قلبي اتشرحله اووي

عمر : اتشرحله !!

( يتعصب عمر و يقوم يخرج برة الكافيه .. متهتمش حور ليه و ابتسمت ..