...

Ўсимликлар карантини ва ҳимояси агентлиги тизимида “Долзарб 15 кунлик” эълон қилинди.

2022-йил 16-июлдан 8-августга қадар давом этадиган даврда республика ҳудудларида етиштирилаётган полиз экинларига жиддий зарар етказиб, экспорт ҳажмига таъсир кўрсатадиган “Қовун пашшаси” (Карпомя пардалина Бигот) зараркунандаси, мевали дарахтларнинг бактериал куйиш (Эрвиниа амйловора) касаллиги ҳамда маданий ўсимликларнинг ўсиши ва ривожланишига салбий таъсир қиладиган зарпечак (Кускута.сп), судралувчи какра (Акроптилон репенс Д.К) бегона ўтларига қарши оммавий кураш олиб борилади. Шунингдек, “Долзарб 15 кунлик” кенг жамоатчилик иштирокида тарғибот-ташвиқот ишларни олиб бориш мақсад қилинган.

  Маълумот ўрнида қайд этиш лозим, зарарли организмларга қарши кураш ҳудудларда туман хокимлари билан биргаликда уюшқоқлик билан олиб борилади. Шу мақсадда ҳар бир вилоятда қўшма чора-тадбирлар режасини ишлаб чиқилди. Уларни амалга оширилиши юзасидан тизимли назорат олиб борилиши таъминланади.

  Ҳудудлардаги майдонлар давлат инспекторларининг кўригидан ўтказилиб, дала назорати натижалари электрон дастурга киритилади.

  Ҳар бир зарарли организмга қарши комплекс кураш чора-тадбирларини олиб бориш белгиланган. “Қовун пашшаси”га қарши кураш олиб бориш учун феромон тутқичлардан кенг фойдаланиб, феромониторинг юритилиши белгиланган.

  “Бактериал куйиш” касаллиги аниқланган боғларни ўсимликлар карантини остига олиш, карантин тадбирларини кучайтириш, касалланган боғлардаги касаллик ўчоқларини йўқ қилиш чораларини кўриш белгиланган. Зарарланган ўсимликлардан намуналар олиниб, карантин лабораторияларида фитоекспертизадан ўтказилади.

  “Зарпечак” ва “Судралувчи какра” бегона ўтларининг тарқалишини олдини олиш учун боғдорчилик ва деҳқончилик хўжаликларида, шахсий томорқа, корхона, ташкилот, катта йўл бўйлари ва бошқа майдонларда карантин назоратини олиб бориб, зарарли бегона ўтлар аниқланган тақдирда, бир кун муддатда карантин тадбирлари амалга оширилади.

  Ҳудудларда “Долзарб 15 кунлик” доирасида олиб бориладиган ишлар билан Агентликнинг расмий манбааларида танишиб боришингиз мумкин.