🖤🖤

قصة بعنوان (مس من طرف واحد)

الجزء الثاني ..

سمعت صراخ جاى من الدور الرابع طلعت أجرى بسرعة ودخلت البيت وطلعت السلالم جرى وأول ماوصلت خبطت على الشقه فتحلى الباب شاب كان ملتحى خفيف كده وباين عليه متدين لسه بقوله أستاذ ماجد قالى إتفضل إتفضل يا أستاذ هادي دخلت

وأنا داخل قولت ماشاء الله بسم الله قامت اللمبة واقعة على الأرض متكسرة أنا كنت محرج جداً لاقيت ماجد بيبصلى كده بإستغراب ققولتله لا لا متفهمنيش غلط يا أستاذ ماجد انا مش اللى فى دماغك قالى عيب عليك يا أستاذ انا مقولتش كده فداك مية لمبة ده أجلها إتفضل تشرب إى ،قولتله لا لا شكرا ربنا يخليك قالى والله لازم تشرب قولتله خلاص ماشى قهوة مظبوط لو سمحت قام يعمل القهوة ،أنا بصراحة قومت ألف فى البيت أدور على أى

حاجة تكشف حالة والدته يمكن أصابها شلل ولا أى حاجة مش عارف بالظبط ببص بالصدفه على باب الغرفة اللى قدامى لاقيت زي خربشه خفيفه كده وقفت أبصلها أوى وركزت معاها وسرحت فيها لاقيت

اللى حط ايده على كتفي طبعا أنا كنت مركز فى حاجة وجاى يعني خايف اصلا برده معرفش الحالة عاملة ازاى كل حالة بتختلف وفى حالات بتزداد صعوبة المهم إتخضيت وجسمي إتنفض كده ،لاقيت ماجد ضحك كده وقالى إيه يا أستاذ هادي إنت إتفزعت ولا اى القهوة جهزت يا باشمهندس ،قولتله اه اه انا أسف وإبتسمتله كده وبقيت عيني فى عينه قالى عاوز تقول حاجة يا أستاذ اها أنا عارف إنت عاوز تسأل على إيه تقصد الخربشة اللى على باب الغرفة بتاعت والدتى ،قاطعته فى الكلام وقولتله هى دى غرفه والدتك ،قالى ايوة يا أستاذ ،قولتله انا كنت حاسس من الاول ،قالى حاسس بإيه يا أستاذ مترعبنيش قولتله لا لا مفيش حاجة كمل قام سكت وقالى دى ياسيدي قطة دخلت البيت إمبارح كانت عاوزة تخش القوضة بتاعت والدتي ههه لاقيتها طالعة على الباب أول ماشوفتها جريت عليها قامت مخربشة الباب وهى بتنط وهربت ومن ساعتها ،انا كنت قاعد كده سرحت مع نفسي ومبتكلمش ، لاقيته بيطبطب عليا بيقولى أستاذ هادي انت معايا ،قولتله اه اه تمام معاك ،قالى فى حاجة ،قولتله لا لا معلشى بس عشان كنت مطبق اعذرني قالى ولا يهمك وانا اسف والله إنى جبتك لحد هنا بس ملقتش حد يعرف يساعدني غيرك وطبعاً كنت المفروض أنا أجيلك لحد عندك بس زي ما انت شايف حالتنا والدتي مقدرش أسيبها ده انا كمان مبروحش الشغل ليا إسبوع واخد إجازة وبيكلموني عشان أرجع لحسن المدير هيرفدني ،رديت عليه وقولتله لا لا متقولش كده انا فعلاً مكدبش عليك كنت متردد إنى أجي يعني انا بروح لناس كتير وفى ناس بتردد انى اروحلها بس بروح فى الاخر يعني وكمان انا مريت بظروف صعبة كتيير وحالات كتيير عشان كده قولت حالتك دى ممكن ... ولا بلاش ،قالى بلاش أى يا أستاذ فى حاجة أرجوك ،قولتله لا لا متقلقش خير إن شاء الله انا عديت من حاجات كتيير وده طبعاً ميرجعش غير لحاجة واحدة فضل ربنا عليا وذكري ليه ،قالى ونعمه بالله ،قولتله ممكن توريني والدتك لو سمحت قالى عنيا حاضر طبعا وفتح الغرفة وكانت دى الصدمة بالنسبة لي ....

فتحنا باب الغرفه على والدة ماجد وكانت صدمة بالنسبة لى يمكن أول مرة اشوف حاجة زي كدة الغرفة كلها كانت مليانة نسخ كتير من والدته وكلهم دماغهم تحت ورجليهم فوق لا وكمان الغرفة كانت ريحتها وحشة جداً لدرجة إنى ببص لماجد لاقيته حاطت ايده على فمه وانفه الاتنين مع بعض صدمه وريحه انا مقدرتش استحمل الريحة قفلت الغرفة بسرعه وحسيت انى مخنوق وحاجة عمالة تهمس فى وداني بإستمرار إمشى يا هادي أحسنلك بصراحة انا مكانش فى حل قدامى غير إني أمشى بعد المنظر ده وقومت قولتله يا ماجد أنا أسف مش هقدر أكمل هنا الموضوع شكله أكبر منى ومنك ده مش مجرد إن هي مريضه ووطيت صوتى وقولتله ده شكلها عليها جن ،طبعاً أول ماقولت كده ماجد وشه إحمر وبقي ساكت مش لاقي كلام يقوله وفى نفس الوقت سمعنا صرخه زى الزلزال إبتديت أقول فى سرى أعوذو بالله من الشيطان الرجيم وأكررها وماجد برده بيتعذبن من الشيطان وإبتديت أقول بسم الله الرحمن الرحيم وما خلقت الجن والإنس إلا ليعبدون

ومرة واحدة الصوت هدي تماماً معدش في أى صوت

قولت لماجد هستأذن أنا يا أستاذ ماجد ووالدتك دي تشوفلها شيخ ،قالى أبوس إيدك متسبنيش أبوس رجلك يا أستاذ هادي أاااانا مش هقدر اتصرف من غيرك ومال على إيدي وكان هيبوسها فعلاً قومت شايل إيدي بسرعه وقولتله العفو يا أستاذ وفضلت واقف حوالى دقيقه دقيقتين مبتكلمش ساكت تماماً

محتار أمشى ولا أفضل بجد الراجل صعب عليا ووالدته كمان خصوصا ممكن تموت عشان كبر سنها ميستحملش أنه يتعذب ،قالى ها يا أستاذ هادي هتعمل اى ،وانا كنت ساكت مبردش ،قالى ارجوك رد عليا متسبنيش كده انا خايف بجد،قاطعت كلامه وقولتله إتطمن يابطل أنا كمل معاك لحد أما والدتك تقوم بالسلامة إن شاء الله ،فرح جداً وقالى انا مش عارف اشكرك ازاى يا أستاذ هادي يارب يخليك واقدر أرد جميلك ده عمرى ماهنساه ،قولتله ياسيدي ولا جمايل ولا حاجة اهم حاجة صحة الوالدة وبعدين لازم اقولك على حاجة مهمة ..