❤️🌎

البارت العاشر : (والاخير ) : حكايه فرح

هاتوحشوني جداا 💙وشكرا للناس اللي بعتت برايفت علي كل الاجزاء اللي فاتت والناس اللي كانت مشوقه أنها تشوف الروايه كلها ب يوم واحد 😹💙

- عمر : فرح ❤️؟!

- فرح : نعم ؟

- عمر : بحبك ❤️

- فرح : ..................

- عمر : بحبك ❤️

- فرح : كنت عايزه اقولك علي حاجه

- عمر ؛ قولي ؟؟ ❤️

- فرح : وانا كمان

- عمر : ( وقف عن الرقص وساب ايدي وبعد عني شويه ) : انتي كمان اي ؟؟ 😳

- فرح : وانا كمان ي عمر في اي ؟؟ 😂❤️

- عمر : لا عايز اسمعها حرام عليكي مستخسرها فيا بقالي سنتين ي شيخه .. قولي قولي دلوقت

- فرح : ( حسيت ان الناس بدأت تنتبه لينا وتبص علينا وانا مش عارفه اعمل اي اضحك ولا اقوله ولا اسيه وامشي ) ...( وعشان اخفف من توتر الكلمه لما اقولها قولتها بهزار او ما شبه ...) : ( حطيت ايدي علي كتفه كدا ) : عمر يبني وانا كمان بحبك 😂❤️

- عمر : ياااااه ي فرح اخيرا قولتي طلعتي عيني ي شيخه .....,💙💙💙💙💙💙💙💙

( كانت الفرحه في عيون عمر كفيله أنها تطمني علي الشخص اللي اختارته واللي اكيد هحس معاه بالامان ....فرحته فرحتني جدا وحسيت قد اي اني كنت مقصره معاه وفي حقه وتجاه اي حاجه كان بيعملها عشاني ...و عشان يقرب مني ..ولاول مره حسيت اني اخترت صح...

كانت فرحتي بسليم وفيروز كبيره جدا ...هو صحيح سليم هيفضي علينا البيت بس فرحته اهم ...اليوم عدي وناس مشيت وحاجات كتير حصلت بس قبل الفرح ما ينتهي بشويه ..كان عمر اختفي من قدام عيني فضلت أدور عليه ملقيتهوش ...بس ببص لقيته واقف مع بابا وبيتكلم معاه حاولت اعرف بس كانوا واقفين في جمب وموطيين صوتهم جداا ....اليوم خلص ..وحقيقي كان يوم مرهق ..روحنا ..وحقيقه علي قد ماهو يوم متعب بس كنت مبسوطه ولا اول مره من سنتين احس بالفرحه دي فضلت افتكر كل كلام عمر من اول م قال لمحمد اني خطيبته لحد الفرحه اللي في عينه لما قولتله اني بحبه ..مكنتش عايزه انام ..كنت عايزه افضل افكر في الموضوع وافتكر الأحداث واشكر الصدفه أنها عرفتني وجمعتني بقلبه ♥️

كنت خلاص عيني هتروح في النوم لحد جايه بقفل الفون لاني مش عايزه اكلم حد ولا حد يصحيني لاني هنام بقي كتير ...والتليفون في أيدي جاتلي رساله ...والحقيقه مكنتش اي رساله كانت منه ..اها منه هو ...قلبي وجعني اول م شوفت اسمه ...الرساله كالاتي :

( اهلا ي فرح انا احمد ..أتمني أن رقمي يكون لسه عندك متمسحش ..عايز اشوفك بكرا ...في ........الساعه 2 ...في كلام لازم تسمعيه .. سلام ) ..💙

معقوله ؟؟! عايز تدمرلي حياتي تاني ي احمد تاني ..دا انا م صدقت اتعافي وافوق وأقوم من تاني ..كل م اقدم خطوه ترجعني عشره ليه كدا ..؟؟؟

وفي نفس الوقت صوت جوايا بيمنعني اني اعيط ...وبيقولي انتي اقوي من كدا ي فرح ...وانا علي وشك الانهيار ...بس الحقيقه قررت وعرفت انا هعمل اي ...انا هروح ...اه هروح وهشوفه ..في حساب بيني وبينه قديم جدا لازم اخلصه الاول ...نمت وانا عارفه هعمل اي ..

وبالفعل ظبطت المنبه اني اقوم علي المعاد ..

صحيت لقيت رساله منه بيقولي ( مستنيكي ي فرح ) ..ابتسمت ابتسامه استهزاء وقولت في سري ( استني وانا جايه من عيوني )

تعمدت اني اروح متاخر ...وصلت المكان تقريبا الساعه 3 ....لقيته. قاعد في وشي اول م دخلت ..قلبي اتنفض وجعني حسيت بالم فيه نغزه حزن بتفكرني باللي حصلي بسببه ..بس هو هو قلبي اللي وجعني قواني في لحظتها وقالي انتي قدها ..

اول م شفني قام ومد أيده عليا عشان يسلم بصيت لايده وبصيتله تاني ومسلمش وقعدت...

- احمد : ازيك ي فرح .عامله اي ؟؟

- فرح : خير ؟!!!!

- احمد : طيب انا طلبتلك القهوه اللي انت بتحبيها اشربي الاول

- فرح : لو سمحت لمون فريش

- احمد : يااااه ي فرح انتي اتغيرتي جدا ..انتي كنتي مش بتحبي تشربي غير قهوه

- فرح : اه دي حقيقه اتغيرت للاحسن بكتير ..والا كنت لسه بشوف الناس مزيفه مثلا

- احمد : ( هو فهم قصدي اي بس حاول يتوه الموضوع ) : انا هدخل في الموضوع علي طول ..ي فرح اكتشفت اني بحبك واني مش عايز غيرك في حياتي ..هي كانت نور بيكي وبضحكتك وباهتمامك بيا وحنيتك عليا ي فرح ..دلوقتي هي ضلمه ..سواد ..تايهه مش عارف اولي من اخري ..انا طبعا غلطت بس مفيش انسان مش بيغلط ..كلنا بنغلط ..بس الاحسن هو اللي بيسامح ...سلمي دي كانت نزوه ..زي م تقولي كدا كلامك عنها طول الوقت هو اللي شدني ليها ..حبك فيها وهمني اني بحبها ..بس بعد كدا اكتشفت أن دا مجرد فضول ناحيه واحده وخلاص اكتشفت اني كنت بحبك وضيعتك من ايدي ..بس انا اهو عشان اصلح غلط ومتأكد انك هتسامحيني...انا مستعد اعمل اي حاجه عشانك ...مستعد اتجوزك دلوقت بس انتي وافقي ي فرح

- فرح : ( بكل برود وانا بشرب في العصير ومش بصاله اصلا ) : خلصت ؟!!

- احمد : اه خلصت ومستني رايك

- فرح : والله ي احمد كنت محضره ورقه عتاب كبيره ولوم قد كدا ..بس اول م قعدت قدامك وقولت اللي انت قولته اللي هو اصلا بتبرر غلط بغلط اكبر ..مجاش في بالي غير جملتين اتنين بس ..وهما اي الاولي ( عتاب الندل اجتنابه ) و التانيه ( ديل الكلب عمره ما. هيتعدل ..)...سلام

( مشيت ...مشيت خلاص مش هشوفي تاني

بس استغربت من نفسي فين العتاب ي فرح فين لومك ي فرح فين كلامك ..بس حسيت بانتصار حسيت اني اخدت حقي بجد ..

روحت البيت كنت فرحانه خلاص سلمي وأحمد اسمين اتشطبوا من حياتي للابد ...هما اصلا ليقين علي بعض ..

دخلت البيت بابا لاحظ ابتسامتي وقالي

- بابا : تعالي عايزك ي فرح ..عندي ليكي خبر ..بس ممكن تفكري الاول قبل م تردي عشان عارف رايك اي في الموضوع. كويس وعايز وقت كدا تاخدي وتدي مع نفسك ...وتدوريها كويس في دماغك

- فرح : خير ي بابا. في اي

- بابا : طبعا ي فرح انتي فاكره عمر الخولي اللي اتقدملك من حوالي شهر وانتي رفضيته ..انا وقتها زعقت واتعصبت عليكي بس انا كنت عايز مصلحتك مع ولد مؤدب ومحترم وابن ناس زي عمر بالظبط ..هو جه امبارح وطلب ايدك مني تاني ..بس ليه ي فرح كنت حاسس أنه بيبتسم ابتسامه ثقه ..متعرفيش ليه ي فرح ؟؟

- فرح : ( ابتسمت وحاولت اداري ابتسامتي لأن بابا بيحاول يلمح لحاجه ..وبيقولي وهو عارف اني هوافق ..قومت من مكاني بوسته من خده ) : اللي حضرتك شايفه اعمله ..( ولسه همشي )

- بابا : ( ابتسامه خبيثه ) : بصي ي فرح انا عارف ان كل شي قسمه ونصيب ..عشان كدا مش عايز اغصب عليكي في حاجه ف انا هقول لعمر انكم ملكوش نصيب في بعض وخلاص

- فرح : ي بابا ...ي بابا 😂😂

- بابا : ربنا يتمملك علي خير ويسعدك يارب

( والايام عدت والأسابيع واتجوزت انا وعمر وكان اسعد يوم في حياتي ..وحياته هو كمان وعدت السنين ...كان اسعد يوم في حياتي اكتر لما ربنا رزقنا ب( سلين ويوسف ).....

ورزق سليم اخوياا لاجمل بنوته واجمل ولد ( مريم و علي )

‏"مشكلتي إني أغار على أشيائي بشكل مبالغ ، وانت كل اشيائي."♥️

الحمد لله بنعمته الذي تتم الصالحات ♥️

كتابه الكاتبه: Mariam Elhagary 📝🤍