❤️🌎

البارت التاسع ( حكايه فرح )

محدش يتعاطف مع سلمي ي جماعه 🙂)

محمد : ي فرح في بنت عايزاكي تحت

- فرح : بنت مين دي !؟

- محمد : مش عارف والله بتقول انها عملاك مفاجاه

- فرح : مفاجاه ؟! ليا انا طيب انا نازله اهو ..بس قولي هي شكلها اي

- محمد : مش طويله ولا قصيره ..وبيضاا وعنيها ملونه كداا ورفيعه

( فضلت واقفه دقيقه في مكاني بعد المواصفات اللي محمد قالها دي ...بتمالك اعصابي وبهدي نفسي وبقول في سري يارب عدي اليوم دا علي خير )

- فرح : خلاص شكرا ي محمد انا هنزل دلوقت

( بعدها بدقيقه نازله علي السلم بأخر رجل وبقدم التانيه ..وبكلم نفسي ..لحد م نزلت ولقيت البنت وكانت واقفه بضهرها اول م لفت ..عرفت أن اللي كنت بفكر فيه صح ..صح )

- فرح : كنت عارفه ان انتي ...نعم ي سلمي عايزه اي تاني .......

- سلمي : .ازيك ي فرح ؟؟

- فرح : تقريبا انتي مسمعتيش سؤالي ..نعم عايزه اي ؟؟

- سلمي : انا اسفه وندمانه ....جايه انك تسامحيني

- فرح : انتي بتقولي اي ؟؟ لا حقيقي بتقولي اي ..ياريت الموضوع بالبساطة اللي انتي بتتكلمي بيها دي

- سلمي : انا عارفه ان قلبك ابيض وهتسامحيني وطول عمرك بتسامحي..جات علي صحبتك عشره عمرك

- فرح : قصدك اللي كانت ...وبعدين انتي بتقرني نفسك بالناس ..بتعملي مقارنه باللي عملتيه واللي اي حد تاني عمله ....

- سلمي : طيب ي فرح ممكن تسمعيني

- فرح : ..........

- سلمي : طيب هتكلم : انتي عارفه ي فرح أن انا طول عمري مليش غيرك محدش حبني غيرك ولا صحاب ولا أهل ..انتي ي فرح ..انتي وبس ...مش هنكر لما شوفت احمد شوفت فيه كل المواصفات اللي كنت بحلم بيهاا ..وانا طول عمري محبتش حد فابالطبيعي انا انجذبت غصب عني حبيته ي فرح ..ساعتها مفرقش معايا انك صحبتي ولا غيره ...مكنتش شايفه ومكنتش عايزه غيره ...مش هقولك انا مش غلطانه لا انا غلطانه بس تنكري أن احمد كان هو كمان بيبادلني نفس الشعور ..نفسي تسامحيني ي فرح ..ممكن ؟؟

- فرح : يااااااااه ي سلمي هو الموضوع عندك بالبساطه دي ..اسامحك علي اي ؟؟ ها؟ اسامحك انك كنتي صاحبه عمري والوحيدة وفي لاحظه لقيتك واحده غريبه عني ...اسامحك انك حبيتي حبيب صحبتك واستغليتي دخولها المستشفي واتخطبتي ...اسامحك اني بسببك انتي وهو اتاخرت في العلاج ..دا انتي السبب في كل لحظه ندم عاشتها اهلي بسببي لأنهم شايفين بنتهم الوحيده بتتدمر ومش قادرين يعملوا حاجه ..ولا اسامحك اني مبقتش اثق في الناس و ثقتي انعدمت فيهم ..اسامحك اني بقيت شايفه كل الناس زباله زيك انتي وهو ...

- سلمي : بس أنا وهو دلوقت انفصلناا والله ي فرح

...وعارفه كمان اي السبب ؟!

- فرح : ..................

- سلمي : قالي انا مش عايز اكمل مع واحده باعت صاحبه عمرهاا عشان ولد ...رغم اني قولتله اني بحبه وهو قالي أنه اكتشف أنه كان بيحبك انتي

- فرح : ( ضحكت بصوت عالي ضحكه استهزاء من كلامها ) : ..امال انتي متوقعه اي ي سلمي .متوقعه اي انك تكملي انتي وهو وتعيشوا سوا حياه كريمه ..وتعيشوا في تبات ونبات ..خيالك واسع اوي ي سلمي ..

- سلمي : براحتك ي فرح من حقك تشمتي ..بس انا جايه عشان تسامحيني ونرجع سوا زي الاول هو انا موحشتكيش ي فرح ...مش انا صاحبه عمرك ..

- فرح : م قولنا كنتي صحبه عمري خلاص بقي .. وانا اكتشفت أن الصحاب مش بالسنين واكبر دليل انتي وقله اصلك ...خلاصه الموضوع ...انتي اصلا مش فارقه معايا ومش حطاكي في دماغي ..ف بعد اذنك انسي اي حاجه كانت بينا و اسفه علي كل ذكري حلوه عملاتهالك ...ومن الواضح انك جايه وعندك امل تحضري الفرح ومجهزه نفسك ومتشيكه بس للاسف مش هتحضريه انتي مجرد صفحه واتقفلت ي سلمي ..وياريت تتفضلي دلوقت ورايا حاجات كتير ...فرح سولي بقي ...مع السلامه

( مشيت وسبتها حتي من غير م اعرف هي مشيت ولا لا سبتها واقفه مكانها في كلام كتير جواهاا عايزه تقوله واسئله وعايزه اجابتها مني ....بس خلاص الكلام معدش يفيد .. هي مقتنعه أنها لسه صاحبه عمري ..وانا مقتنعه أنها ماتت في نظري ..خرجت من دنيتي ....

النهارده فرح سليم ومش عايزه اي حاجه تزعلني ولا تنكد عليااا ..

طلعت فوق لفيروز اللي قربت تخلص لبس وطبعا كانت مستنيه تاخد راي في فستانها وكل حاجه )

- فيروز : اي ي فرح كنتي فين ؟ ومين البنت اللي جات تحت دي ؟

- فرح : ( حاولت أتوه الموضوع عشان متحسش بحاجه ) : لا واحده صحبتي متعرفيهاش ..المهم وريني كدا الميكب بتاعك ايوا حلو جداا ي روز ..كدا مفضلش غير الفستان ..والحاجات الاخيره ..هروح البس بقي انا ..

( لسه همشي مسكتني من ايدي ...وقالتلي

- فيروز : سلمي اللي كانت تحت صح ؟!!!

- فرح : ( تنهيده كبيره ) : اه ي فيروز هي ....

- فيروز : بصي ي فرح الموض...........

- فرح : ي فيروز مش عايزه كلام خلاص الموضوع اخد أكبر من حجمه ...والنهارده فرحك ي عروسه عمري م اسمح لحاجه أنها تعكر مزاجي ..انا هروح الأوضه التانيه البس بقي تكوني خلصتي لو احتجتي حاجه اندهي علياا .

( روحت الاوضه وطلعت فستاني بلوني المفضل واكسسوارات رقيقه عليه وخلصت روحت لقيت فيروز هي كمان خلصت ...و العريس كمان وصل وكل الناس وصل ....وكان مكان الفرح قريب من بيت فيروز ..روحنا علي طول ....والمكان كان مليان جداا ..تعبت من كتر م استقبلت الناس . وتعبت اكتر من كتر طنط دي بتقول مفيش حاجه في السكه ...ودي تقول عقبال م نشرب شرباتك ..ودي تقول دي تنفع الواد قلبظ ابني ..خلاص جبت اخري..قررت اسيب المهمه دي لماما ...روحت وقفت بعيد ..بتفرج علي سليم وفيروز وهما بيرقصوا سلوو والمكان هادي جداا و سرحت مع الاغنيه ...وفجأه لقيت حد بيتكلم في ودني وبيقول 

- عمر : انا كنت مفكر اني بحب الاسود لحد م شوفته عليكي اتاكدت اني بعشقه 🖤

( المرادي مزعقتش ومكلمتوش باسلوب وحش ..بالعكس 

- فرح : بجد انت شايف كدا ميرسي علي المجامله الرقيقه دي 

( لسه هيتكلم ويرد عليااا لقيت اللي دخل في الحوار مره واحده 

- محمد : فرح يلا تعالي اقرصي معاياا 

- عمر : انت مش شايفاها واقفه معاياا ...

- محمد : لا مخدتش بالي متعرفناش ي فرح ؟؟ 

- عمر : عمر الخولي 🤝 خطيب فرح ..وحضرتك ؟؟ 

( عمر اساسا مخلاش لمحمد فرصه أنه يقول هو مين مسكني من ايدي وطلعني علي الاستيدج وقرصنا مبقتش عارفه اضحك ولا أقول دا عبيط ولا مجنون ولا اقوله اي اللي انت قولته دا مين قال انك خطيبي .......بس هو طلعني من دايره أفكاري 

- عمر : فرح ...❤️

- فرح : نعم ..؟ 

- عمر : بحبك ❤️ 

- فرح : ............

- عمر : بحبك ❤️

- فرح : وانا كمان عايزه اقولك علي حاجه ؟؟ 

- عمر : قولي 

- فرح : ..

كتابه الكاتبه: Mariam Elhagary 📝🤍