❤️🌎

البارت التامن : حكايه فرح

بابا : ي فرح كنت عايز اقولك أن الصحاب مش بالسنين الصحاب بالمواقف ..وعشان مطولش عليكي ..كنت عايز اقولك أن سلمي اتخطبت ...

- انا : بجد ي بابا ..الله علي الخبر الحلو داا الكلبه ازاي متقوليش ..تلاقيها مكسوفه مني ..بس انا فرحت اووي اووي ..ايوا صح مين العريس ؟

- بابا : احمد ..هو العريس

- انا : احمد مين ي بابا ..اه افتكرت احمد ابن خالتها مش كدا..

- بابا : لا ..احمد خطيبك ..

( ولكم أن تتخيلوا اي اللي حصلي وقتها..حسيت حد رماني من فوق برج عالي اووي..ووقعت جسمي متكسر مليون حته .. الحقيقه اني مش عارفه اوصف احساسي وقتها ..بس حسيت بخزلان وحش اوي كسر وضعف ..رجعت بالذاكره لورا وجمعت كل حاجه كل تصرفات احمد معايا ومع سلمي وقتها رفضت العلاج وقعدت في المستشفي سنه بدل ست شهور ..بسببهم ...بس بعد م خرجت بقي ...كنت كارهه الدنيا ..ومش عايزه اعيش فيها كان نفسي اموت ..بقي معقوله الإنسان الوحيد اللي حبيته يعمل فيا كدا ..بقي معقوله صحبه عمري واللي مليش غيرها تعمل معاياا كداا ..طيب لي انا معملتش معاهم غير كل خير ..مشفوش مني غير كل حب ومعزه وكل خير ..كانوا اقرب اتنين ليااا ....كنت مش عايزه اعيش في الدنيا كليتي اللي كنت بحلم بيها ودخلتها بقيت مش عايزاهاا ومش بذاكر ومش بروح من الأصل ..فرح الاجتماعيه اللي كانت مش بتدخل مكان الا لما تملاه ضحك وحب وتفاؤل وبهجه ..حتي لو متعرفش ولا شخص فيه ..بقت مش طايقه تشوف بني ادم ...مش عايزه بشر مش عايزه تجمعات ...قلبها انكسر ...من اللي حصلهاا ...طيب م كان كفايه عليا المرض ووجعه وضعفي اللي عيشته بسببه ....استكتروا عليا الفرحه ...)

Current time :

- فرح : انا خلصت ي دكتور ...مبقاش عندي حاجه تانيه اقولها ولا احكيهااا ..

- الدكتور : قولتي كل حكايتك ي فرح ..اتخلصتي من الماضي اللي مكنتيش عايزه تتكلمي فيه مع حد

- فرح : ايوا انا حكيت كل حاجه

- الدكتور : اتكلم انا بقا ولا اي ؟؟

- فرح : اتفضل سامعه حضرتك

- الدكتور : انتي ي فرح مكنتيش محتاجه دكتور نفسي ولا حاجه ..ابداا انتي كنتي محتاجه حد يسمعك مش اكتر حد تفرغي معاه طاقتك السلبيه عشان تحطي مكانها طاقه ايجابيه جديده ..انتي كنتي ببساطه عايزه ترجعي فرح القديمه بتاعت زمان اللي كلها حيويه وحب ..بس انتي كنتي متاكده أن دا مش هيحصل من غير م تتخلصي من حكايتك القديمه ، والطاقه السلبيه العكسيه اللي جواكي ..واظن انتي عملتي دا دلوقت وانتي فرحانه بانجازك دا ي فرح

- فرح : الحقيقه ي دكتور كل كلام حضرتك صح ..

- الدكتور : وبما اني الدكتور بتاعك فأحب اقولك انك خلاص تخلصتي من اي حاجه قديمه واهلا بحياتك الجايه...

- فرح : الحمد لله ♥️

- الدكتور : ممكن اسالك سؤال ؟!

- فرح : اتفضل

- الدكتور : انتي في حد دخل حياتك قريب ..حد جديد بيعاملك بطريقه مختلفه اي حاجه من الحاجات دي

- فرح : .....هو .احم ..بس الموضوع

- الدكتور : احب اقولك ي فرح متسببش الشخص دا امسكي فيه بايدك وسنانك لأن دا اصلا سبب قعدتك قدامي وسبب تغيرك

( اول م الدكتور قال كدا افتكرت جملتي علي طول لما قولت " هو معقوله الورد بيعمل كل داا " فضحكت وهو اخد باله )

- الدكتور : فهمتي قصدي ي فرح ؟!

- فرح : فهمت اكيد ♥️

- الدكتور : كدا احنا معادنا انتهي ومشوفش وشك هنا تاني .....الا ..لما اتعزم علي مناسبه سعيده كدا .ومش هاوضح اكتر من كدا يلا يلا قومي ...

- فرح : ابتسمت لاني فهمت قصده اي : حاضر ي دكتور مع السلامه ♥️♥️

( لما خرجت من عند الدكتور مكنش عندي وقت لاي فرحه زياده لاني اصلا فرحانه ...من ناحيه عشان تغيري ومن ناحيه أن فرح سليم فاضل عليه يومين بس ..يومين ياربي والمفروض دلوقت اجهز حاجات كتير ...وابقي مع العروسه لأنها بتعتبرني اختها لأنها معندهاش اخوات بنات ..وخصوصا الفتره اللي فاتت انا مكنتش مركزه ولا معاها ولا مع سليم اظن اني كنت انانيه بدرجه كبيره جداا بس هعمل اللي اقدر عليه وابقي معاهم اليومين دول لحد اخر لحظه في الفرح ومش هسيبهم ابداا كلمت فيروز خطيبت سليم ..وقولتلها أن انا جايه علي البيت عندها عشان اخلص معاها كل الحاجات الباقيه .....ووصلت علي البيت عند فيروز )

- فيروز : حقيقي ي فرح زعلانه منك جدا والله ..كل دا ي فرح ومكنتيش بتساعديني ولا بتشوفي اي اللي ناقصني بس خلاص مدام جيتي برجلك ..فا مش هسيبك اليومين دول ...وهتشوفي هعمل فيكي اي .انا تايهه وفي حاجات كتير لسه مخلصتش

- فرح : ( ابتسمت من طيبه قلبها ونسيانها اني مكنتش بساعدها الفتره اللي فاتت بسرعه كدا ..حقيقي الطيبون للطيباات ) : بصي ي ست فيروز انا مش عايزاكي تقلقي خالص ...انا معاكي اليومين دول والله ومش هسيبك .. وقوليلي بس اي الناقص وانا عليا اقول تمام ي فندم

- محمد : ي فرح في بنت عايزاكي تحت

- فرح : بنت مين دي !؟

- محمد : مش عارف والله بتقول انها عملاك مفاجاه

- فرح : مفاجاه ؟! ليا انا طيب انا نازله اهو ..بس قولي هي شكلها اي

- محمد : مش طويله ولا قصيره ..وبيضاا وعنيها ملونه كداا ورفيعه

( فضلت واقفه دقيقه في مكاني بعد المواصفات اللي محمد قالها دي ...بتمالك اعصابي وبهدي نفسي وبقول في سري يارب عدي اليوم دا علي خير )

- فرح : خلاص شكرا ي محمد انا هنزل دلوقت

( بعدها بدقيقه نازله علي السلم باخر رجل وبقدم التانيه ..وبكلم نفسي ..لحد م نزلت ولقيت البنت وكانت واقفه بضهرها اول م لفت ..عرفت أن اللي كنت بفكر فيه صح ..صح )

- فرح : كنت عارفه ان انتي ...نعم ي سلمي عايزه اي تاني .......

- سلمي : .....

- فيروز : بجد ي فرح ..ولا بتقولي كدا بس 

- فرح : يستي والله ابداا حتي انا هقوم دلوقت اروح البيت اجيب خدوني واجي علي طول والله عشان اقعد معاكي اليومين دول ..ومش هروح بيتنا اللي بعد الفرح ..اتفقناا 

- فيروز : خلاص يستي اتفقنااا وربنا يخليكي لياا 

( قعدت مع فيروز شويه قبل م اروح البيت بنتكلم شويه عن سليم ...وتحكيلي شويه عن الحاجات الناقصه اللي المفروض اعملها واخلصهاا واحنا بنتكلم حد خبط علي الباب وانا بصراحه كنت عارفه دا مين ..ومش عارفه بس دا انا متاكده مين اللي بيخبط كمان ...اللي بيخبط هو محمد اخو فيروز الكبير و الوحيد ...ومحمد دا بيحاول يقرب بس انا كل مره ببعده بس مش عارفه هو مش بيمل ولا اي وبعت مع فيروز كذا مره أنه عايز يتقدم ويدخل البيت من بابه والاسطوانه دي ...بس انا برفض ..ومش برفض عشان حاجه هو الحقيقه فيه كل المواصفات الاجتماعيه والشكليه والمادية كمان اللي تتمناها اي بنت في الدنيا بس مش انا ..) 

- فيروز : اتفضل 

- محمد : سلام عليكم ..عروستنا عامله اي النهارده !!؟ 

- فيروز : تمام ي حبيبي انت اخبارك اي 

- محمد : تمام ي حبيبتي ..ازيك ي فرح عامله اي 

- فرح : الحمد لله بخير ....يلا انا هقوم بقي ي فيروز عشان الحق اجيب هدومي من البيت زي م اتفقناا ..وانتي متعمليش حاجه بقي استني لما اجي 

( محمد وفيروز لحظم اني اتجاهلته تمام ..حتي مسالتوش هو عامل اي ..بس كدا احسن ) 

- فيروز : طيب تمام هستناكي 

- محمد : انا ممكن اوصلك ي فرح 

- فرح : لا شكرا تسلم انا معايا عربيتي ..يلا سلام ي جماعه ..

( عديت من جمبه وهو بيبصلي بس مش باستغراب لأنه متعود علي الأسلوب دا ..هو المرادي بيبصلي ...وهو عايز يقول زي م انتي ي فرح ماتغيرتيش ...لسه بتعملي نفس الحاجات اللي بتعمليهاا ..ع العموم انا مهمتمش ...انا حابه اللي بعمله جدا ومش زي البنات خالص علي فكرا قصدي اتقل عليه والكلام دا لا فعلا انا مش عايزاه ..كدا احسن بدل م اخدعه عشان هو كمان يشوف حياته ...بس في حاجات كتير شغلاني انا وسليم بقالنا زي 3 ايام مش بنتكلم ابدا ودا علي حسب رغبتي ..بس ايا كان اللي بينا مش هسمح أن الزعل اللي بينه وبيني يطول اكتر من كدا ..خلاص اللي حصل حصل ..وهو مغلطتش ..وبعدين دا فرحه بعد يومين ..هستني اي تاني لازم اول م اروح البيت اصالحه ب اي طريقه بقي ...) 

( اول م دخلت البيت لاقيته قاعد علي كرسي في وش الباب كدا بيلعب بالفون ..قولت اي لازم اتقل ومكلموش ...) 

- فرح : السلام عليكم 

- سليم : وعليكم السلام ورحمه الله وبركاته ....فرح ..عايز اتكلم معاكي 

- فرح : ( طبعا فرحت جدا ) : نعم في حاجه ..ياريت بسرعه بس عشان مستعجله 

- سليم : ( حاطط وشه في الأرض ) : انا اسف حقك عليا انا غلطت 

- فرح : ( زعلت مني نفسي جدا اني وصلت اخويا الكبير أنه يعتذرلي وهو مغلطش لمجرد أنه مضايق اننا مش بنتكلم ) : اي ي سليم اللي انت بتقوله دا انا اللي اسفه .. انت مش غلطان انا اللي غلطانه ( وبعدين حضنته ) 

( فضلنا نتكلم بقي مع بعض كتير وحكينا وهزرناا ودا نهايه الكلام بيناا بقي ...

- فرح : يبني انا هقوم بقي انت اخرتني جدا 

- سليم : لي انتي رايحه فين !؟ 

- فرح : رايحه لفيروز اقعد معاها اليومين دول انت عارف ملهاش اخوات بنات 

- سليم : والله فيكي الخير ي فرح ..كنت عايز اطلب منك كدا بس كنت متردد ...

- فرح : يبني انت عبيط انتم الاتنين اخواتي ...

- سليم : بس خدي هنا بدل م تساعدي اخوكي العريس تقومي تسبيني وتساعديها والله انا ورايا حاجات كتير كمان عايز اعملهاا ...ومحتاجك معايا 

- فرح : ي حبيبي انا معاك بس انت عارف فيروز حتي معندناش صحاب كتير ف لازم اكون جمبها بس انت عندك صحابك ...بس ع العموم لو احتجت اي حاجه كلمني هكون عندك 

- سليم : ربنا م يحرمني منك ي فروح 

- فرح : ولامنك ي حبيبي ..بلا عايز حاجه مني 

- سليم : كنت عايز اقولك ع حاجه ..لو سمحتي ي فرح ادي لعمر فرصته ..ممكن 

- فرح : ( توهت الكلام بس وصلتله في الاخر ..يعني حاضر هسمع الكلام ) .: خد بوسه اهي ي سليم بقي واسكت ويلا سلام ...

- سليم : ضحك وفهم اني عايزه انا كمان اقرب : ماشي ي عم سلام ...♥️♥️😂

( اليومين خلصم خلاص ..والنهارده الفرح الصراحه كانوا يومين متعبين وانا اكتر واحده تعبت جدا ..من ناحيه مع فيروز طول الوقت ومن ناحيه تانيه ومن ناحيه تانيه مع سليم ..وحقيقي اخر بهدله بس مفيش احلي منها والله لاني كنت بتبهدل بمزاجي ...وانا مبسوطه معنديش اعز من سليم وفيروز عشان اتعبلهم ...وبحكم اني كنت قاعده مع فيروز في البيت كان محمد طول الوقت بيحاول بفتح كلام وكالعادة كنت ببعده زياده ...بس هو عنده صبر مشوفتوش قبل كدا ...خلاص انهارده الفرح كلها كام ساعه والعروسه تبقي جاهزه وانا دلوقتي معاها بساعدها في اللبس والحاجات دي كلها ..لقيت حد بيخبط علي الباب وفتحت

كتابه الكاتبه: Mariam Elhagary 📝🤍