❤️🌎

البارت السابع : روايه حكايه فرح 

-. انا : سليممممممممم..

-سليم : نعم ي فرح 

-انا : عايزه اتكلم معاك ممكن. 

-سليم : اتفضلي 

-انا: عايزه اعرف انت معاك رقم عمر ازاي عايزه اعرف عمر عرف مكاني ازااي ...عايزه اعرف بتدافع عن عمر لي ؟؟؟ 

-سليم : ........

-انا : لا متسكتش رد علياا ..لو سمحت ..

- سليم : بصي ي فرح ....انا هحكيلك كل حاجه ........

- فرح : سمعاك ...

- سليم : انا عارف عمر من زمان ...بقالي سنه تقريبااا...عمر ي فرح بيحبك ..و عشان هو انسان محترم جالي وأتكلم معاياا الاول .. وانا قررت اني اساعده..والحقيقه كل اللي انتي بتفكري فيه حالياا صح ..

- فرح : بمعني ؟!!!

- سليم : لما اخدتي مني رقم عمر كان هو معايا من زمان بس انا كدبت عليكي ..

- فرح : يعني انتي مخدتوش منه لما جه ولا حاجه 

- سليم : لا ....وكمان انا اللي قولت لعمر انك في المطعم ....بس عايزك ي فرح تنسي اللي فات ..بس لمستقبلك وسيبك من الماضي...ركزي مع اللي بيحبك وسيبك من اي حاجه تانيه .....عمر بيحبك ونفسه يثبتلك دااا..صدقيني 

وبعدين ي فرح انتي فاكره لما قولتلك لو عملت اي حاجه متزعليش مني ..وانتي قولتلي انك مش هتزعلي صح ؟؟! 

- فرح : ايوا انا فعلا قولت كدا بس مكنتش متوقعه انك تعمل فياا حاجه زي دي ...وتخليني زي العبيطه كدا ...

- سليم : ماعاش اللي يقول كدا ..كل الحكايه اني حاولت اوصل حب عمر ليكي بطريقه تتقبليهاا مش اكتر...

- فرح : .....

- سليم : ردي ي فرح ساكته لي ؟؟! 

- فرح : ارد اقول اي ي سليم بس ...مش عايزه اتكلم ..انا تعبانه وعايزه ادخل اوضتي ...

( الحقيقه اني مكنتش تعبانه ولا حاجه كل الحكايه اني محتاجه افكر وافكر ..افكر كتير اووي ..هل فعلا انا ظلمت الناس اللي بحبها معايا من غير قصد ولا هما اللي مش مستحملني ... هل انا بغلط لما ببعد عمر عني ؟؟ ..هل انا استاهل اعيش طول الوقت في العذاب دا ..ولا انا اللي معيشه اصلا في العذاب دااا...بس انا فعلا عندي النيه اني اتغير ..ممكن عمر دا هديه ربنا ليا اني اتغير ..وانا اللي بيضيعهاا..بس انا قلبي مش مستحمل احب حد ..قلبي حقيقي مكسور من اللي اتعمل فيه...فضلت افكر في حاجات كتير وحقيقي شكرت كل الناس اللي حوالياا ان هما مستحملني رغم ضياع شغفي وبرودي في التعامل وكسره قلبي ..وقولت كفايه عليهم كدا هما حقيقي ميستهلوش مني كدا ..وقولت اني لازم اعوضهم عن اي حاجه وحشه شافوهاا مني .. ودا اكيد مش بالساهل بس هاجي علي نفسي ...هتغير هبقي فرح اللي مش بتبطل ضحك وهزار ورخامه علي اللي حواليهااا...هبقي فرح اللي ضحكتها مش بتسيب وشها...هتعرف علي ناس جديده هخرج اروح الاماكن اللي بحبهااا...والمطاعم والمحلات ...حقيقي اكتشفت دلوقت اني ضيعت وقت كتير اووي في الزعل ..بس دا آخره معايااا ) 

( نمت وصحيت تاني يوم وانا مستعده اني هروح للدكتور وهتبقي اخر جلسه ليا معاه..هيسمع اللي فاضل من حكايتي وهسمع نصحته ليااا...وبالفعل تاني يوم اتحركت وروحت للدكتور ..

- انا : لو سمحت هو الدكتور عنده ناس كتير النهارده ؟ 

- السكرتيره : لا حضرتك ممكن ساعه واحده بس ..وبعدين تتدخلي ..أو ممكن تروحي وتيحي بعد ساعه اللي يريحك ..

- انا : لا عادي هستني الساعه دي هنا ...

( الحقيقه اني مسكت التليفون ...فتحت السوشيال ميديا اللي كنت قافلها بقالي فتره ..كالعاده محدش مفتقد وجودي ....بس انا كنت مفتقدااهاا جداا..ورجعت من تاني ..وفضلت اقلب فيها واتنقل من ابلكيشن ل ابلكيشن..وكالعادة الوقت بيضيع ف محستش بالوقت ..لقيت دوري جه فدخلت ) 

- الدكتور : اهلا ي انسه فرح حضرتك احسن بكتير من المره اللي فاتت 

- انا : اهلا بحضرتك ي دكتور ...ودي حقيقه فعلا ..

- الدكتور : تحبي نبدأ زي م وقفناا ..

- فرح : ياريت ..

- الدكتور : اتفضلي ..

- فرح :

- جت فتره عليااا بعد م قربنا من بعض انا وأحمد حسيت أنه متغير معاياا في كل حاجه ..طريقه الكلام المعامله كل حاجه ....بس كنت بحسه أنه مش متغير مع سلمي....بس مكنتش فاهمه لي ....كنت بحاول اعدي الموضوع ..بس كانت بتيجي اوقات احس ان هو كويس جدا وأوقات تانيه ...بحسه حتي الكلمه بتبقي تقيله علي قلبه ...بس الحقيقي الأوقات دي بتبقي اكتر من غيرها ...طلبت منه واتكلمت معاه اننا ناخد خطوه رسمي ..كنت حاسه انه بيتهرب ..وقتها كنت فعلا هبعد ..بس هو فاجئني وطلب مني أنهم هيجيب أهله ويجي يزورناا ...وفعلا جه والعيلتين قربوا من بعض جدا ..والزيارات بقت متبادله بشكل كبير ...بس مش دي المشكله ..كنت بحسه دايما أنه متغير ومش حابب القرب دا ..وانا دايما كنت بقول شغل مثلا ...وضغوط الحياه برضو لازم أعذر اللي قدامي ...

لحد م جه يوم وكان فعلا سبب تحول في حياتي والحقيقه اني كنت مفكره اليوم دا تحول من الاحلي لللاسوء ..بس طلع العكس ...اليوم دا اكتشفت فيه اني تعبانه ...واني عندي سرطاان في المخ 💔..كان اول واحد اقوله هو ..بس لقيت رده فعله غريبه جدا ..غربيه لدرجه اني مستوعبتش هو بيقول اي

قالي بكل بساطه : معلش ها تخفي ....

مسالش علياا ابدا ..روحت وفضلت فتره كبيره في المستشفي محدش كان بيزورني غير سلمي واهلي ..بس سلمي كانت بتقعد معايا وقت أطول ..حتي من اهلي ...كنت ع طول بسالهاا علي احمد ...بس كانت بتقولي أنه مش بيسأل ومش مهتم كلام يوجع القلب ..جات فتره سلمي مش بتيجي ومش بتسال ...لحد م مره اهلي كانوا عندي وسألتهم علي سلمي

- ماما : يلا بقي ي ست البنات ..البيت وحش من غيرك .

- انا : ماما هي سلمي مش بتيجي ليه حاجه حصلت ولا اي ؟؟

- سليم : بقولك اي ي فروحه ..عندي ليكي حته أكله لما تقومي بالسلامه وفسحه كمان يستي والله

- انا : مش بتردي لي ي ماما ...

- ماما : .....

- بابا : سبوني مع فرح لوحدنا يلا ...

- انا : في اي ي بابا ..

- بابا : ي فرح كنت عايز اقولك أن الصحاب مش بالسنين الصحاب بالمواقف ..وعشان مطولش عليكي ..كنت عايز اقولك أن سلمي اتخطبت ...

- انا : بجد ي بابا ..الله علي الخبر الحلو داا الكلبه ازاي متقوليش ..تلاقيها مكسوفه مني ..بس انا فرحت اووي اووي ..ايوا صح مين العريس ؟

- بابا : احمد ..هو العريس

- انا : احمد مين ي بابا ..اه افتكرت احمد ابن خالتها مش كدا..

- بابا : لا ..احمد خطيبك ..

( ولكم أن تتخيلوا اي اللي حصلي وقتها..حسيت حد رماني من فوق برج عالي اووي..ووقعت جسمي متكسر مليون حته .. الحقيقه اني مش عارفه اوصف احساسي وقتها ..بس حسيت بخزلان وحش اوي كسر وضعف ..رجعت بالذاكره لورا وجمعت كل حاجه كل تصرفات احمد معايا ومع سلمي وقتها رفضت العلاج وقعدت في المستشفي سنه بدل ست شهور ..بسببهم ...بس بعد م خرجت بقي ..

كتابه الكاتبه: Mariam Elhagary 📝🤍