...

Лавлагига кўп ҳам зараркунандалар тушавермайди, бу экин ерни унумдорлигига ва қуёш нурининг тушиб туришига жуда унақа талабчан эмас, жуда совуққа чидамли, ўғитлашни тез тез амалга ошириш ҳам шарт эмас.

Бироқ бир озиқа борки, уни мавсумда уч маротаба албатта бериш бериш лозимдир. Бу ҳам бўлса тузли озиқлантириш.

Ош лавлаги учун тузни қандай фойдаси бор?

Авваламбор, туз лавлагини маззасини яхшилаш учун керак. Туз туфайли лавлаги илдизмевасида шакарлилик моддалари тўпланади. Шу туфайли лавлаги меваси янада ширин, йирик ва қаттиқ бўлади. Тузнинг энг катта фойдаси: лавлагини янада ширин қилишидир.

Туз, ерни натрий билан бойитади. Катта миқдорда бўлганда бу элемент экинларни ўсиши ва ривожланишига салбий кўрсатади. Бироқ кичик дозаларда, айниқса лавлагига, вегетацияни яхшилаш учун натрий фойдалидир. Ўсимлик айниқса оғир, зич тупроқларда етиштирилаётганда катта миқдорда натрийга эҳтиёж сезади.

Лавлаги баргларининг қизариб қолиши, ўсимликка натрийнинг етмаётганлигини англатади. Шунинг учун агар сиз лавлаги агатларида шундай ҳолатни кузатсангиз, албатта тузли озиқлантиришни амалга оширинг.

Агар лавлаги барглари сарғайиб, сўлиб бошласа, бу ҳолда экинни жонлантириш учун тузли аралашма билан устидан сепиб чиқиш тавсия этилади.

Туз – томорқадаги турли зараркунандалар билан кураша оладиган ажойиб воситадир. Шунинг учун тузли аралашма билан баргидан сепиш (пуркаш) ва суғориш тадбирлари лавлаги ҳосилини шира, капалак қурти, шиллиқ қуртдан ҳимоя қилишга ёрдам беради.

Бутун вегетация даврида тузли озиқлантиришни уч марта амалга ошириш тавсия этилади:

1) илк 6 барг пайдо бўлганидан кейин;

2) илдизмева ҳосил бўлиш даврида, яъни ҳосил ер юзида кўриниб бошлаганида;

3) иккинчи озиқлантиришдан 2 ҳафта ўтиб ва ҳосилни йиғиб олишдан камида икки ҳафта олдин.

Ош лавлаги туз билан қандай озиқлантирилади?

Энг аввало, тузни тўғри танлаш керак. Озиқлантириш учун йодланмаган оддий тошли тузни ишлатиш тавсия этилади. Лавлагини туз билан суғориш кун жуда исиб кетмаган вақтда, эрталаб ёки кечки пайт амалга оширилгани маъқул. Бундан ташқари, экин озиқани яхшироқ ўзлаштириши учун лавлаги агатларини олдиндан тоза (оддий) сув билан суғориб олиш керак.

Ош лавлагини озиқлантириш учун қанча туз керак?

Лавлагини тузли сув билан суғориш учун 10 л сувга 1 ош қошиқ туз меъёрида тайёрланган аралашма қўлланилади. Бир ош қошиқ тузни аввал оз миқдордаги илиқ сувда эритиб, ундан кейин керакли миқдордаги сувга аралаштириш тавсия этилади.

Бу аралашма билан лавлагини баргидан қуйиб суғориш мумкин. Хлорид натрийнинг бундай концентрацияси илдизмеваларга ҳам, баргларга ҳам зарарли эмас. Бу ҳолда экинда натрийнинг ортиқча дозировкаси ёки барглар куюши рўй бермайди. Аксинча, экиннинг туз билан комплекс ишлов берилиши фақат фойдали бўлади. Шу йўл билан биз ҳам зараркунандаларни чўчитамиз, ҳам экинни озиқлантирамиз.

Шундай қилиб, оддий восита билан зараркунандалар ҳужумига учрамаган йирик ва ширин лавлаги ҳосилини олишимиз мумкин бўлади.

@AGROBLOGER канали

sadoezh.ru

dehqon.uz