❤️

❤️


- كل سنة وأنتِ طيبة يا بنت العم.

= وأنت طيب يا ابن العم.

- العيد الجاي نكون بنجهز لفرحك بقا عشان زهقنا منك.

= قصدك فرحنا. 

- بتقولي اي يا وعد..

= بقولك يارب عشان زهقت! 

- أمه داعية عليه صدقي إلي هيتجوزك دا.

= اه ما أنا فعلًا سمعت مرات عمي بتدعي عليك.

______________________


" آخر ليلة وترية متنسيش تصلي قيام وادعيلنا... ادعي ربنا يجعلك من نصيبي."


 كنت بستعد للصلاة لما سمعت صوت فوني برسالة فتحت لقيت المسدج دي، نظرات انبهار واستغراب شوية بس لمست قلبي، الهمة يا وعد ركنك الهادي بيناديكِ أنتِ هتتشغلي بالدنيا ولا اي؟ 


صليت ودعيت كتير وعيطت أكتر، دعيت بحاجات كتير أوي نفسي ربنا بكرمه يحققهالي بس من بين الدعوات دي دعيت إن ربنا يجمعني بأدم ويجعله من نصيبي ويكون زوج صالح.


طبعًا عاوزين تعرفوا مين أدم؟! أدم ابن عمي، بحبه من زمان أوي من أيام طفولتي وقتها مكنتش فاهمة اي معنى الحب أصلًا بس كنت متعلقة بيه جدًا ولحد دلوقتي مش قادرة أتخلص من إدمان حبه 21 سنة يباشا وقلبي مكلبش في حبه والبعيد لوح مش بيحس.


" ها دعيتِ زي ما قولتلك؟"

- ودا مين دا كمان!، ها بلوك.

" كدا تعملي بلوك لا زعلت بقا ها."

- لا دا كدا كتير بقا، بعتله مسدج" أنت مجنون بقا؟!" 

= مش هزعل منك على فكرة، دعيتِ؟

- دا أنت مجنون فعلًا، هابي بلوك تاني. 


______________________


عدت الأيام بسرعة والنهاردة يوم العيد، الساعة دقت 12 وأنا قاعدة مستنية مسدج كل سنة وأنتِ طيبة من آدم زي عادته، وأخيرًا صوت مسدج جريت ع الفون زي المجنونة، بس اضايقت تاني لما شوفت مسدج من رقم معرفوش مش من آدم.


" كل عيد وأنتِ عيدي والسنة الجاية تكوني في بيتي."

- وبعدين بقا في الأرقام الغريبة اليومين دول.

" ممكن متعمليش بلوك، أوقات كتير بكون محتاجك ومش بلاقيكِ." 

- أنت تعرفني؟ 

= أعرفك! دا أنتِ حياتي كلها.

- على فكرة لو مبطلتش طريقتك دي هعمل بلوك.

= خلاص أنا أسف مش هضايقك، بس متعمليش بلوك ممكن! صدقيني بحتاجك أوي.


" فكرت كتير أوي لا ديني ولا أخلاقي تسمحلي أكلم مع حد غريب عني، كنت هقول لأ وأعمل بلوك قبل ما توصلني مسدج منه." 


- مليش حد أحكي معاه، أوقات بكون محتاج أفضفض مع حد أنا وحيد وقلبي محتاج لنور وأنتِ نور قلبي، صدقيني مش هضايقك ولو مش عاوزة تردي على كلامي مترديش بس سبيني أكلم كفاية عليا إن حد يكون بيسمعني.


" احساس إن حد يحتاجك وتقوله لا صعب أوي، مقدرتش أقول لأ مش قادرة أكسر قلب شخص محتاجني أوي كدا." 

= موافقة.

- متشكر جدًا.


يوم العيد الصبح...

- كل سنة وأنتِ طيبة يا بنت العم.

= وأنت طيب يا ابن العم.

- العيد الجاي نكون بنجهز لفرحك بقا عشان زهقنا منك.

= قصدك فرحنا. 

- بتقولي اي يا وعد..

= بقولك يارب عشان زهقت! 

- أمه داعية عليه صدقي إلي هيتجوزك دا.

= اه ما أنا فعلًا سمعت مرات عمي بتدعي عليك.

- أنتِ بتكلمي نفسك؟ عَلي صوتك شوية.

= بقولك لا دا أنا هدلعه آخر دلع زوجي قرة عيني.

- أنا إلي هوصيه عليكِ بنفسي.

" مش بقولكم البعيد لوح مبيحسش."

= لا شاكرين أفضالك. 

- متيجي نخرج؟ 

نطيت بفرحة زي الأطفال = هوا وأكون جاهزة.

- مجنونة.

= هنروح الملاهي. 

- ملاهي! 

= أنت لسة هتفكر يلا..


كالعادة وأنا معاه بنسى اي حاجة بكون على طبيعتي معاه، الطفلة إلي جوايا بتكون محتاجة حد يحررها من قناع العشرينات دا وهو بيقوم بدا على أحسن وجه.. جرينا ولعبنا وأكلنا أيس كريم وشربنا بيبسي ووقعته عليه بوظت القميص بس ثقة في الله ميقدرش يزعلني.


- خارج مع بنت أختي أنا، حد يوقع البيبسي كدا.

= الله ما أنت إلي خضتني.

- صح أنا إلي غلطان أنا إلي ماشي تايه!

= الااااه اي يا دومي مالك كدا مكنش قميص أبيض معتش له لون يعني فدايا. 

حسيت صوته علا شوية علا اي! دا كان بيصرخ تقريبًا.

- واااااعد متعصبنيش أنتِ عارفة كويس أنا بحب القميص دا.

= أعيط طاااه.. بيزعقلي لي دلوقتي.

ودخلنا بيت الرعب بس أنا اي استرونج ومان مش بخاف خالص دي حاجات تافهة جدًا.

- لازم بيت الرعب يعني يا وعد!

= اه لازم يا آدم، قول بقا إنك خايف.

- ها أنا خايف! أنا بكلم عليكِ كل مرة بتفرجي الناس علينا بس. 

= اووووه دا كان زمان، دا أنا هبهرك جوا.. 

- اعااااااااا، الحفني يا آدم اي إلي جاي علينا دا.

آدم من بين ضحكاته = فين الاتسترونج ومان؟

- استرونج أوي بس مش عاوزة أموت اااااه دا بيضربني ال... 

- بتضحك عليا، طب معتش خارجة معاك تاني هااا.

- خدي بس يا مجنونة راحة فين؟

= متكلمنيش أنا مش هخرج معاك تاني.

- بس تصدقي كان قلم جامد، اتوجعتلك سلف بالله.

ضربته في كتفه = ظريف اوي يولاااا..

مسكني من هدومي زي الصرصار يباشا - أنتِ أخدتي عليا أوي! 

اه منها عينه إلي بتقفل بتركيز ديمًا لما يقول الكلمة دي ولا شكله الطفولي روح يا شيخ تبًا لجمالك إلي مدوبني دا 

= يا دومي بقا قلبك طيب.

- امشي قدامي مسمعش صوتك.


خلص اليوم بكل تفاصيله إلي اتحفرت كلها في قلبي، الوقت إلي بقضيه معاه دا مش وقت عادي دا كل دقيقة بتزود حبه في قلبي.


- ممكن أحكيلك حكايتي..

- هحكيلك.. أصل معنديش غيرك أحكيله.

" أهبل دا ولا اي هو احنا نعرف بعض من سنين علشان يقول كدا، ثانية بس احنا أصلا منعرفش بعض."

- على فكرة مش شرط تكوني عرفاني المهم إن أنا عارفك وعارفك كويس أوي كمان، حتى عارف إنك أكيد قولتلي عليا أهبل في سرك وازاي مليش غيرك واحنا أصلا منعرفش بعض..

" حد بيراقبني ولا اي؟ حاطت كاميرات في الأوضة! هي مفيش غيرها أم محمد وهي بتنضف أكيد هي إلي ركبت الكاميرات."

- بطلي تشكِ في أم محمد علشان مفيش كاميرات 

" اللهم احفظنا اللهم احفظنا بيعرف أفكاري ازاي دا!! هو مجند عفاريت ولا اي.."

- كفاية أفكار هبلة بقا علشان أحكي، أيوا كدا ربنا يهديكِ، 

كان عندي سبع سنين طفل وحيد بيتمنى حد يشاركه ألعابه، يجري ويلعب معاه لحد ما يناموا من التعب،

قالولي إن هيجيلي إلي يشاركني... حبيتها من قبل ما تيجي، اشتريت ألعاب كتير علشان العب بيها أنا وهي،

واتولدت ومحت وحدتي.. أول ما شيلتها وكانت بين إيديا كنت فرحان لا كنت طاير من الفرحة،

لما كانت بتعيط زي أي طفل صغير كنت بزعل وأتشاكل معاهم وأروح أقعد في مكان لوحدي، زعلها بيوجع قلبي من وهي صغيرة... ولحد النهاردة لما بتزعل بكون عاوز أقوم الدنيا ومقعدهاش غير لما أشوف ضحكتها.


" كنت بقرأ كلامه وأنا حاسة بحاجة حلوة مش قادرة أفهم لي حاسة كدا.. حاسة بدقات قلبي إلي بتزيد، والقلوب إلي بدأت تطلع من عيني... حكايتهم حلوة تشبه حكايتي أنا وآدم، بس دا بيحبها لكن آدم في كل جملة لازم يكون مبتدأها اختي، أو بنت العم."


- فرحتها بتخلي قلبي يطير زي اليمامة.. ملامحها البريئة وهي بتكلم.. حركاتها الطفولية... عينيها إلي بتلف في سبعين اتجاه في الستين ثانية لما بتحاول تكذب عليا... نكدها... عياطها لو زعقت فيها علشان قفلت فونها فقلقت عليها... كل دا بيخليني دايب في داباديبها دبدوب دبدوب.


" حكايته بتحكي تفاصيل حياتي أنا وآدم تفصيلة تفصيلة، آدم! معقول يكون آدم بيحبني.. أيعقل إن اللوح يكون اتحرك!"


" قفل.. قفل وساب قلبي متعلق بالحكاية، وعقلي في حيرة يعطي الأمر لقلبي إنه يفرح بإن الشخص دا هو آدم.. ولا يقوله ارضى يا قلبي بالأمر الواقع آدم شايفني محصورة بين أربع حروف_ أختي_."


- ازيك يا حماتي.. قصدي يا مرات عمي.

= يا بت اتقلي شوية.

- قال يعني ابنك بيحس أوي خليني ساكتة.

بتضحك = شكلك مفروسة أوي، حصل حاجة جديدة ولا اي

لبست النظارة الشمس - فيه حاجة وأكيد مهمة بس لسة مش عارفة أمسك طرف الخيط، بس على مين مبقاش وعد إلا لما أجيب أرارها.

بتضرب كف على كف وبتقول:- عوض عليا عوض الصابرين يارب، لا وجاية تقولي يا حماتي.

- المهم دلوقتي ابنك فين؟

= في أوضته.

- أدخل؟

= دا على أساس إنك لسة مدخلتيش!

- إلا قولي يا آدم أنت مختفي فين كدا النهاردة.

= ولا حاجة بقرأ في كتاب شدني أوي من الصبح.

- كتاب اي؟

= فن اللامبالاة.

- يا لهوي.. لا مبالاة اي أكتر من كدا يا ابن فاطمة.

= مش تبطلي برطمة بقا..

- أنا يا ابني دا أنا بمدح في كتاب وإلي بيقرأ الكتاب.

ضيق عينه وبصلي بتركيز= عليا أنا الكلام دا..

" يا عم بقا يا عم بقا متبصليش كدا هقولك بحبك حالًا."

بخبث - مش أنا في رقم كدا دخل كلمني واتساب.

= نعم!

- أه والله... دا عمل حوار كبير علشان بس أسمعه.

= عمل اي يا أختي؟

" أخته.. أنا قولت لوح محدش صدقني."

- دا بعت مسدجات من كام رقم وكل مرة أعمله بلوك، وآخر مرة بعتلي وكان بيعيط ويقولي أرجوكِ متعمليش بلوك، أرجوكِ.. دا أنتِ حياتي، دا أنا بحبك، بدمنك، بعشقك، بصي مش هضايقك اسمعيني بس ومترديش عليا.

= مضروب على دماغه دا ولا اي! ملقاش غيرك يقولها كدا؟

- لا يا ابن عمي مش مضروب على دماغه دا واااقع في حبي، أنتم بس إلي مش حاسين بقيمتي

= واي كمان...

- النهاردة بقا قعد يحكيلي حاجات كدا سبحان الله فيها شبه مننا

= شبه مننا! شبه مننا ازاي؟

- سبحان الله إلي كان بيحكيلي عنها هو أكبر منها بسبع سنين، سبحان الله بيخاف عليها ومعاها ديما، وبيعملها كل حاجة، سبحان الله.. سبحان الله...

= أنتِ جاية تتوبي في أوضتي!

- هو دا إلي لفت نظرك من كل الكلام، أنت بتستهبل عليا يا آدم.

= أستهبل عليكِ لي يا بنتي؟

- يعني أنت متعرفش مين إلي كلمني؟

= أنا لا خالص بسمع منك اهه، وبعدين تعاليلي كدا.. أنتِ ازاي أصلًا تكلمي واحد غريب، ازاي تدخلي راجل في حياتك.. هو مش أنا قولتلك حياتك مش هيبقى فيها غير تلت رجالة:- أبوكِ، وأنا، وإلي هيتهبل ويتخبط في دماغه ويفكر يتجوزك!

" أدعي عليه ويقولي بتدعي على ابن عمها علشان لوح."

- أنا ماشية يا آدم

= خدي هنا مش أنا بكلمك.. وعد، وعد 

- بعدين نكمل كلامنا بعدين 

مشيت ورجعت فتحت الباب تاني

- يعني أنت مش عارف مين دا يا آدم؟

= أكذب عليكِ يعني


" بقا متعرفش هو مين.. ماشي يا آدم ماشي، بس الحكاية شبهنا أوي.. هو اكيد آدم، ولو هو وقتها هعمل منه بطاطس محمرة علشان يكذب عليا أوي.. ولو مش هو هعمل منه بطاطس محمرة بردو علشان محبنيش."


- ما تيجي أكملك الحكاية.. كنا واقفين عند دباديبها دبدوب دبدوب، مش عارف أوصفلك حبي ليها ازاي.. بس ممكن أقولك حبيتها لدرجة إني بقيت أقعد أسمع معاها أفلام الكرتون إلي مش بكره حاجة قدها، 

حبيتها لدرجة إني مش بتعصب عليها لما تصحيني الساعة ٣ الفجر علشان أرغي معاها علشان ملانة؛ رغم إن أكتر حاجة بتعصبني إن حد يقلق نومي.


" قلبي بيدق، بيدق كل ما بيحكي، ازاي يكون دا مش آدم ازاي! دا تفاصيل حياتنا كلها عنده بالسنتوفة."


- حفظتها.. حفظت حركتها، كلامها، ملامحها.. بقيت أعرف مالها من نظرة عينيها.. بعرف بتفكر في اي من غير ما تكلم، تفتكري عملتلي عمل علشان أحبها كل الحب دا وهي هبلة أصلًا! 

نسيت أقولك حبيتها لدرجة إني سامحتها لما وقعت البيبسي ع القميص الأبيض إلي بحبه أوي أصله كان هدية منها.


" قميص أبيض، بيبسي.."

طلعت جري من الأوضة...

- آاااااادم.. أنت يا إلي اسمك آااادم، أنت هنا طب كويس، تعالالي كدا بقا أنت بتكذب عليا وتقولي معرفش، بقا أنت بتشتغلني؟ أنت شايفني هبلة؟ قولي هل أنت شايفني هبلة؟

هز دماغه وهو بيضحك.

- آمال بتشتغلني وتقولي متعرفش لي.. أنت جنيننتني، كل دا عامل نفسك مش حاسس بيا.. مش بتقولي لي؟ رد عليا؟ كمان بتضحك! حقك حقك ما أنا هبلة قدامك.

= وعد.. الناس يا حبيبتي. 

بصيت حواليا لقيت ناس كتير وكلهم واقفين يضحكوا 

- هو في حفلة ولا اي! اي دا.. اي دا.. في مأذون يا آدم، متقولش..

ضحك= لا هقول.. وركع على رجله، تتجوزيني يا وعد، تقبلي تكملي حياتك معايا.

بصيت لبابا لقيته واقف بيبتسم وبيقولي وافقي يلا.. بصيت لآدم تاني..

- يا بنتي يلا رجلي وجعتني.

= موافقة طبعًا يا مجنينني...


" بارك الله لكما وبارك عليكما وجمع بينكما في خير."

- قولتيلي بقا إلي كلمك قالك بحبك، بدمنك.

= يا دومي بقا لزوم الخبث.. كنت بوقعك في الكلام.

- طب خدي دي.. بحبك يا وعدي، وبدمنك، بعشقك.

= اي الجمال دا.. بس مش كان أمه داعية عليه إلي هيتجوزني..

- ما أنتِ سمعتي أمي وهي بتدعي عليا.

= بحبك.


"واخترتكَ لدربي رفيقًا، ولقلبي حبيبًا، ولروحي أنيسًا."

 تصميم ميرنا وهيب

#أنا_وأنت_وحبنا❤️ 

#الزهراء_محمد_فريد

Report Page