💗💗💗

بـ9وو🩹💙:

تفتكر العيشة بأخت ولا من غير اخت احلي؟؟

= والله م عارف احساس اللي معندهوش اخت بس اكيد وجود اخت احلي بكتير"

ــ امممم

= معرفتيش تنكدي صح

ــ صح بس برضوا هتجيب شيكولاتة

= لا بقي دا ظوووووولم

ــ كدا ي زين طااايب انا ماشية

= لا يعم رايح الشيكولاتة اهي

ــ ايوة كدا اتظبط وضحكنا

" انا ليل21 سنة اتولدت ف القاهرة بس ماما جابتني هنا بعد وفاة بابا

ودا بقي مالك جاري واخويا تقيلة الكلمة دي بس يلا زين22 سنة

مع بعض من صغرنا ومتعودين علي وجود بعض

مينفعش يوم يعدي من غير م يجيبلي شيكولاتة مفترية انا"

ليل: زيييييين

زين: ايي ايي يخربيتك حد يصحي حد كدا

ليل: اه انا، ويلا بقي عشان توصلني الجامعة

زين: لي خلفتك ونسيتك انا مثلا يلا يبت من هنا

ليل: زين بلاش الهزار دا

زين: وانا مش بهزر يلا بقي من هنا عاوز انام

ليل: تمام ي زين

"خرجت وسيبته سلمت علي ماما سمية مامت زين وروحت لماما عليا الست السكر اللي مليش غيرها دي

ونزلت روحت الجامعة لوحدي ورجعت لوحدي سلمت علي ماما ودخلت نمت قلت لها لو زين سأل عليا قوليله نايمة ومتصحينيش

ـــ دخلت اوضتي ونمت

لا انا كدابة منمتش نا فكرت كتير اوي ازاي هونت علي زين كدا دا سابني اروح الجامعة لوحدي ومرنش عليا خالص هو عارف اني مليش صحاب غيره

ـــــــــ فات كام يوم ونا بروح الجامعة لوحدي مكلمتش زين ولا رديت علي مكالماته ومطلعتش البلكونة اكتر مكان بستريح فيه واكتر مكان كنا بنسهر فيه

*النهاردة صحيت وصليت ولبست وخرجت اصبح علي ماما وافطر معاها قبل م انزل الجامعة بس اتفاجئت لقيت زين مع ماما متنسيني عشان نفطر سوا

تجاهلته وبوست ماما وقعدت ع الفطار من غير م اكلمه اكلت وقومت تحت نظرات زين وماما

ــ قولت لماما اني نازلة قالتلي: زين هيوصلك

ليل: ماما انا مش صغيرة وبعدين تلاقي زين عاوز ينام "واتحركت من قدامهم برضوا تحت نظرات زين اللي مردش بكلمة واحدة كان نفسي يقول اي حاجة وانا م هزعل والله

ــ واخيرا اتكلم البيه

زين: شكلك عاجبك معاكسات الشباب ليكي كل يوم

*صمت*

زين بزعيق: ايي عاجبك ولا ايي

ليل بزعيق: زين احترم نفسك نا مسمحلكش تكلمني كدا

زين: بجد خوفت نا كدا

تنكري ان الشباب كانت بتعاكسك ف الرايحة والجاية هاا

ليل: لا منكرش بس كلكوا كدا ف مش عندي حاجة اعملها

زين: ليل نا اسف بجد مش قصدي افكرك بي..

ليل: زين لو سمحت نا مش عاوزة اتكلم عن اذنكم

زين: رايحة فين انا اللي هوصلك

ليل: انا مش عاوزة منك حاجة

زين: ليل انا اخوكي وقولت مفيش نزول من غيري

ليل: تمام وانا مش نازلة خالص

" دخلت اوضتي وقفلت الباب عليا وعيطت كتير اوي "

ــ لما جيت اسكندريه كان بعد وفاة بابا بشهرين كان عندي 6سنين جينا هنا بعد مشاكل مع عمي بسبب الورث ماما سابت كل حاجة وجت هنا بعيد عن كل حاجة بس عمي قالها انه

هيلاقينا ووقتها هكون كبرت وهيجوزني لعاصم اللي حاول ي... عيطت كتير اوي لما افتكرت نا منسيتش بس لي زين يقولي كدا"

ــ زين خبط عليا

زين: ليل ردي عليا بالله انا اسف

ليل:............

زين: ليل ارجوكي نا عارف اني غلطت والله

ليل:............

زين: تمام ي ليل بس مش هنساهالك

ونزل من عندنا انا شوفته من الشباك ركب عربيته ومشي

ليل: انا مش زعلانة منك ي زين انا خايفة ايوة خايفة انت شايفني اختك وبس لكن انا والله م بإيدي

ـــ نامت ليل من كتر العياط وصحيت علي صوت تخبيط عالي علي الباب وفتحت

عليا بعياط: ليل زين زين

ليل بخضة: ماما بتعيطي ليي وماله زين

عليا: زين عمل حادثة يلا بسرعة نروحله

ليل: لا لا لا ماما بتهزري صح ماما قولي انك بتهزري

عليا: ليل ي حبيبتي فوقي بالله غيري هدومك ويلا نروح ل زين

ليل: يلا يلا انا لابسة اهه

عليا: ليل ارجوكي اهدي هيكون كويس اعدي طرحتك ويلا

ـــ وصلوا المستشفي وراحوا لاوضة زين كانت سمية برا بتعيط خرج الدكتور من عند زين وقال انه كويس بس شوية وهيفوق

ــ بعد ساعة

الممرضة: المريض فاق وشخص واحد بس هو اللي يقدر يدخل

دخلت ليل من غير م تستني حد

ليل: زين انت كويس صح رد عليا

زين بضعف: الحمدلله

ليل بزعيق: كنت عاوز تموت وتسيبني ي زين انتي غبي انتي اغبي حد انا عرفته

زين: حد يقول لاخوه كبير كدا وهو تعبان

ليل: ايوة عشان انت متخلف مفكرتش فينا طب انا انا ي زين كنت هعمل اي من غيرك

زين: بس بقي يخربيتك ماسورة واتفتحت دا انا حتي تعبان يشيخة

ليل بقلق: اي تاعبك حاسس بوجع

زين: اه تعبان عشان انتي زعلانة مني

ليل: زين مش وقته

زين: يبقي زعلانة يارب اموت لو م قولتي خلاص م زعلانة

ليل: بس يلا والله م زعلانة خلاص

زين: يلا انتي متاكدو انك ليل

ــ ضحكت ليل وقامت دخلت سمية وعليا اتطمنوا علي زين والدكتور سمح بخروج زين

ـــــ زين جاب بوكس كبير واداه ل ليل

ليل: اي دا

زين: كنت كل يوم بجيبلك شيكولاتة زي م اتعودنا وكنت بشيلها ف البوكس دا

ليل: رنا يخليك ليا

زين: ربنا يخليكي انتي ليا ي احلي اخت

*مشاعر ليل تجاه زين بدأت تزيد ليل قررت تبعد عن زين وتقلل كلام معاه وكل دا كان بحجة الدراسة لحد اليوم دا"

عليا: ليل ي ليل تعالي كلمي زين وباركيله

ليل لنفسها: اباركله علي اي يارب لا انت عارف اني بحبه يارب دا انا بدعيلك بيه ف كل صلاة

"قامت ليل لبست الاسدال وخرجت"

زين بضيق: ياريت ي استاذة ليلي تكوني بتذاكري بجد م بتتحججي

ليل: وانا هتحجج ليي وبعدين اي ليلي دي اسمي ليل

زين: تمام المهم انا جاي اقولك اني هخطب وبما انك اختي ف كنت عاوزك تيجي معايا تتعرفي عليها بكرة الساعة 5

ليل بزعل: سوري ي زين انا م فاضية بكرة تصبح علي خير

"دخلت اوضتها وعيطت لحد م نامت"

تاني يوم نزلت ليل الجامعة واتاخرت ومقالتش لحد هي رايحة فين

ف مكان ما*

ليل: ازيك ي نوري وحشتيني اوي

جايالك ورقبتي قد السمسمة وعيطت

جاية اقولك ان كان عندك حق واني هحب زين

قولتيلي اعمل مسافة بينا من صغرنا بس انا قولتلك لا دا اخويا وبس

نور انا حبيت زين وهو فاكرني اخته بيعاملني كاخت وبس

النهاردة رايح يقابل اللي هيخطبها

ضحكت بسخرية: تخيلي كان عاوزني اروح اشوفها معاه يال سخرية القدر منا

نور نا عارفة اني غلطانة لاني حبيته بس م بإيدي

هو قلبي اللي مهزق وحبه

نور انا بحكيلك علي كل حاجة دايما بس اللي مش حكيته

هو اني بحب زين من زمان اوي من اوي م بقينا صحاب واخوات شبعت اداري حبي ليه وبعدت عنه جه امبارح بكل سهولة يقولي انه هيخطب هههههههه

نور انا خايفة عاصم يظهر انا كنت علي طول خايفة من ظهور عاصم بس مطمنه بوحود زين اهو راح زين لواحدة تانية بصي سيبك من زين دلوقتي

نور انتي وحشتيني اوي عارفة انك عند الاحسن مننا بس انا مشبعتش منك الناس بتقول عليا هبلة لما يلاقوني هنا بكلمك بس عادي المهم اني حاسة بيكي دايما وعاوزة اقولك انك احسن حد انا عرفته وصاحبته ف حياتي عارفة حتي احسن من زين نفسه ههه

يجدعع!!!!!

ليل: يمامااااااااا

زين: اهدي ي ليل انا اسف والله اسف

ليل بتاخد نفسها: انت هنا من امتي

زين بضحك: من اول رقابتك اللي قد السمسة

ليل: نهارك اسود انت سمعت اللي انا قولته

زين: كله كله

ليل: تمم انا اسفة وكانت هتمشي

زين: هتهربي فين ي ليل المرة دي

ليل اسمعيني

ليل: اسمعني انت ي زين بعيدا عن مشاعري انا مبسوطالك اوي

زين: يخربيتك افصلي بقي

ليل انا بحبك ايوة بحبك من وانتي عندك سبع سنين الا شهرين يعني بالظبط من اول م جيتوا هنا

انا كنت خايف تكوني وخداني كأخ خصوصا انك كنتي دايما تقولي اننا اخوات ليل انا اسف علي كل حاجة اسف اني ضايقتك اسف علي كل مرة رجعت فيها من غير شيكولاتة بس اقبلي تبقي معايا علي طول واوعدك م هضايقك تاني ابدا ابدا وم هنسي الشيكوىاتة بتاعتك وانا راجع

ليل بضحك: ابدا ابدا

زين بتأكيد: ابدا ابدا

ليل: اذا كان كدا موافقة

زين:والله

ليل: اه والله هههههههه

زين: ماشي يست المهم تكوني ليا ومعايا

ليل: ثواني

زين: ايي

ليل: اشهدي ي نور علي الكلام دا

نور زين بيحبني زي م بحبه

يعني انتي طلعتي غلطانة هههه

من شوية صغننين بس كنتي صح

بحبك ي نوري

ورجعت عند زين

ليل: يلا

زين: بإبتسامة: يلا هههه

"ركبوا العربية ووصلوا للعمارة اللي ساكنين فيها وكان في نور وصوت عالي وفرحة

زين،: يلا اطاعي اجهزي هتلاقي كل حاجة فوق

ليل: اطلع فين وحاحة ايي

زين: النهاردة كتب كتابنا يجميل

ليل: ايدا ايدا ومين قالك اني موافقة اصلا

زين بحب: عينك قالتها من زمان اوي

ليل: يوه منك بقي انا طالعة

زين: طب م هتقولي اي حاجة كدا

ليل: زي ايي

زين: بحبك مثلا

ليل بكسوف: ولد عييب هههههه

" ونزلت من العربية علي فوق هههه

زين: بحب مجنونة والله بس قمر هههه

*بالليل ف القاعة اللي حجزها زين

كتبوا الكتاب وعاشوا ليلة من اجمل ايام حياتهم والاخوات بقوا ازواج😂💙

سُررت في العمر مرّة، وكنتِ أنتِ المسرّة.❤️

بـ9وو☕🌿