...

Кеча Суперлиганинг 12-туридан ўрин олган «Насаф» – «Сўғдиёна» учрашуви бўлиб ўтди. Ўйин Қаршидаги «Марказий» стадионда ташкил қилинди.

Учрашувнинг биринчи бўлими кескин курашларга бой бўлди. Аммо ҳисоб очилмади.

Иккинчи бўлимнинг 53-дақиқасида «аждарлар» ҳисобни очди. Чап қанотдан Насруллаев узатган тўпни Ҳусайн Норчаев боши билан дарвозага йўллади. 1:0.

Қайд этиш жоиз, 90-дақиқада «Сўғдиёна» футболчиси Марко Колакович томонидан киритилган гол VAR аралашувидан сўнг бекор қилинди. Учрашув якунида эса ҳар иккала жамоа футболчилари иштирокида оммавий жанжал юзага келди ва Шерзод Насруллаев, Ҳусниддин Алиқулов ва Жамшид Болтабоев майдондан четлатилди.

«Насаф» ўз уйида «Сўғдиёна» клубини 1:0 ҳисобда мағлубиятга учратди.

Эслатиб ўтамиз, бу икки жамоа шу кунга қадар 42 та ўйинда беллашган. «Насаф» клуби 32 та ўйинда ғалаба қозонган бўлса, «Сўғдиёна» эса атиги 8 та ўйинда ғолиб бўлган.