👍

Ойлик маошлар ва стипендиялар ошади

Иш ҳақи, пенсиялар, стипендиялар ва нафақалар миқдорини ошириш тўғрисида Президент фармони имзоланди.

Унга кўра, 2018 йилнинг 15 июлидан бошлаб иш ҳақи, пенсиялар, стипендиялар ҳамда нафақалар миқдори ўрта ҳисобда 1,07 баравар (7%) оширилди.

2018 йилнинг 15 июлидан бошлаб Ўзбекистон Республикаси ҳудудида энг кам:

иш ҳақи – ойига 184 300 сўм;

ёшга доир пенсиялар – ойига 360 460 сўм;

болаликдан ногиронларга бериладиган нафақа – ойига 360 460 сўм;

зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа ойига 221 190 сўм миқдорида белгиланди.