♥️
- تفتكري لو روحت قولتله إني بحبُه هيحبني!!
- هو لحد دلوقتي لسة مَحبكيش بتهزري!!
- هو الحب بالوقت يا منار يعني
سكتت شوية وأخدت نفس وقالتلي:
- سديم هو زياد أي بالنسبة ليكِ يقربك أي مثلًا!!
بهدوء - جوزي.
- طب وطالما جوزك ومتجوزين بقالكم 6 شهور، أي بقا ها ها؟
- مِش عارفه.
أنا فعلاً مِش عارفة، هو أتقدملي قدام الجامعة كلها وقالي تتجوزيني!! ساعتها وافقت آه ما أنا كُنت مغرمة!!
ولكن هو طلبني للجواز بالطريقة دى وهو مش بيحبني؟ لما كنا في فترة الخطوبة كنا زي أي إثنين مخطوبين، ولما أتجوزنا أستغربت لما شاورلي على أوضة وقالي دى هتبقي أوضتك
- بتفتكري اليوم؟
- مِش بيروح من دماغي يا منار، يعني ليلة كلهم بيستنوها طول العمر وأنا أول ما اتحط فيها اتقصف بالطريقة دى، دا طيرلي الجبهة يا بنتي
طبطبت الي أيدي وقالتلي:
- مجربتيش تواجهيه، تسأليه هو ليه بيعمل كدة، ليه بيتجاهلك أتحركِ يا بنتِ الواد هيروح من أيدك
- هيروح إزاي بقا ما هو أربعة وعشرين ساعة قدامي
- مِش يمكن بيحب واحدة تانية والواحدة دى أتخطبت أو أتجوزت فقرر أنه يتجوز علشان يغيظها وطلعتي أنتِ في وشه
بصريخ - منار جو الأفلام الهندي دا أبعديه عن دماغي لو سمحتي.
- أنتِ حرة أنا حذرتك.
فضِل كلامها يوش في دماغي بس مش موضوع بيحب حد تاني لأ موضوع إني لازم أواجهه وقفت قدام الباب مستنياه يجي، فضلت رايحة جاية بفكر وأعض في صوابعي التوتر هياكلني أقوله إزاي أقوله إزاي لحد ما خبطت فيه!!
طلع دخل البيت وأنا مأخدتش بالي وفجأة نزل لمستوايا وقالي:
- تقوليلي أي؟
- ها!!
فضلت ساكته شوية إلا صحيح أنا كُنت هقوله أي، أخدت نفس عميق وبصتله وأنا بقول:
- بُص يا زياد أنا عايزة أتناقش معاك في موضوع ضروري.
- طب تعالي نتناقش وإحنا بناكل لأني هموت من الجوع.
- وأنا تصدق!! عاملة شوية ملوخية بص حاجة كده هييح تعالى تعالى.
نساني كُنت بقول أي وقعدت أكل معاه بس في نص الأكل أفتكرت وشرقت وبصيتله بلمعه فضحك وقالي:
- براحة فيه أي القطر بيجري وراكي؟
- آه قطر العمر
- قصدك أي
- قصدي هو.. أنتَ ليه أضتجوزتني ومدام حياتنا كانت هتبقي كأننا إثنين أخوات ليه طلبت مني الجواز؟!
سكت وبعدين قال:
- كلي وهنشرب شاي في البلكونه وهفهمك.
هو عُمره ما قعد معايا حياتنا كانت عبارة عن صباح الخير الفطار وبيجي بعد العصر للغدا ولو حابين نتعشى بنتقابل في فترات الأكل بس والموضوع كان ماشي روتين ومفيش أي حاجه جديده أنا معرفش عنه حاجه!!
طول فترة الخطوبة بجد مكنتش بكلمه غير إزيك عامل أي وخلاص..
- أكلنا شربنا الشاي، قعدنا في الهوا ممكن تقولي بقا.
بصلي وهو مبتسم بهدوء وقالي:
- أنتِ وافقتي عليا علشان شاب كويس معاكِ في الجامعه اتقدملك ولقتيه مناسب؟
- لأ.
- أمال ليه؟
معرفتش أبدأ منين بس هو جوزي وأنا كده كده هعترفله بحبي مش لازم هو اللي يبدأ والراجل ياخد الخطوة الأولى.
المرة دي أنا اللي هاخد الخطوة، أخدت نفس كبير وقولتله:
- علشان بحبك، من أول سنة لينا في الجامعه وطبعًا أنا قلبي مستحيل أخليه في أيد حد بالساهل بس أنتَ أخدته.
بصلي وابتسم وقالي:
- ودى إجابه سؤالك، أنا اتقدمتلك علشان بحبك، ومعترفتش بحبي خوفًا من الرفض متنسيش أنتِ كنتِ بنت أستاذ كبير في الجامعة وكنتِ كشخصية سديم مشهورة وناس كتير معجبة بيكِ، بس أنا مش إعجاب أنا فعلًا حبيتك.
سألته بهدوء:
- وبما أنك كده ليه حالتنا دلوقتي كأننا جيران!!
اتنفس وقال - لأني كُنت خايف من عدم حُبك ليا وانك وافقتي كشخص مناسب مش أكتر كُنت بخاف أقرب اتأذي
وقفت مكاني وقربت منه وقولتله:
- على فكرة أنتَ مكنتش محتاج كل التفكير دا علشان تقولي كلمه واحدة وأنا عارفه ومتأكده إن حتى لو مفيش حب قبل الجواز فـ الحب بيجي بالعشرة.
بعدين ضحكت وقولتله:
- يخي خللتني جنبك 6 شهور وبردو معاند تقولها!!
- هي محتاجة تتقال مكنتش باينة في عيني يعني؟
إبتسمت وقولتله:
- يعني ممكن تكون باينه بس انت عايزة أشوفها بقلبك.
ضحك بصوت خطف قلبي للمرة اللي مش عارفه كام فيه وقالي:
- أنا لو فضلت أشكر ربنا من هنا للسنة الجاية على نعمة أنه خلاكي جنبي مش هيكفي أنا فعلًا بحبك والكلمة لوحدها مش هتكفيكي.
- يااا يا زياد كُنت مستنياك تقولها من زمان، عارف أي اللي هيخلص القعدة دى؟
- أي!!
- نعناع ما هو الشاي وحلاوته ميكملش غير بالنعناع من الزرعة بتاعتي.♥️♥️.
#هايدي_إبراهيم
#سديم