🖤

" لـمـا تغيب الشمس ، اخرج فورا من المكان وابعد " دي مش مقـولة للسكـان المحليين لا..! دي لافتة تحذيرة حطتها الحكـومة على مستشفي "" ويلفيري هيلز "" ال اتبنت ١٩١٠ واتقفل المبني كليا سنة ١٩٨٠ ..

---------

(١٩٧٩)

كنت قاعد علي مكـتبي لما جالي اتصـال طواريء رديت وقولت ..

-- معاك باتريك ليڤو اقدر اسـاعدك ازاي ..

كـان صوته مرتعش وهو بيـقول 

-- انـا في مستشفي ويلفيري ومش عـارف المخرج منين، انا في غرفة رقمها ٥٠٢.. ارجوك ساعدني ؟ ..

- مستشفي ويلڤيري ؟؟ ايه ال وداك هنـاك!! ..

خرجت منه صـرخة خلتني بعدت سمـاعة الهاتف من ودني وانا بقول 

- الو .. الو!! 

مـارك صديقي لاحظ توتري وانا بحط السماعة وقال

- مالك ؟ وشك مخطوف ليه ؟؟

بصتله بتمعن وانا بقوله

-- اتصال طواريء من ويلفيري هيلز!! 

رمي سجارته ونزل رجله من المكـتب وبصلي وهو مبرق !!

- تقصد مستشفي ويلفيري .. المستشفي ال محدش دخلها من ٢٠ سنة!! ..

هزيـت راسي ومقولتش ان المـتصل صرخ عشـان متذدش من توتره !!..

انت اكيـد دلوقتي جواك اسـئلة كتيـر وبتسـالني ايـه حكـاية المستشفي دي وليه احنـا في حالة قلق ، وعشـان كده انا لازم احكيلك!!..

مصحـة (ويلفيري) اتبنت ١٩١٠ ، اتفتحت عشـان علاج السل، كـان المرض في الوقـت ده ملوش عـلاج والطب موصلش لفكرة المضاد الحيـوي ، دم وكحة وازدحـام شديد ، نقص في الموظفين والدكاترة اما بنسبة لطرق العلاج؟ فكـانت غير آدمية ، وهي انك تقعد في اشعة الشمس لاطول فترة ممكنة في اعتقاد الدكاترة ان ده هيقتل الجراثيم والمرض ، بل في مرضي بالمئات اتفتح القفص الصدري بتاعها عشـان يتعرض للشمس!! .. امـا النتيجة كانت .. موت بالمئات يوميا ، وصل عدد الموتي لاكتر من ٣٠ الف بين اطفال وانثاث ورجال ، اغلـب الممرضين والدكاترة دخلوا في حالات نفسية وجنون ، بس مش ده اغـرب حاجة ، الأغرب كـان طريقة التخلص من المرضي ال ميؤس حالتهم عشان توفير السراير !!، بيحطوهم جوا نفق تحت المصحة والنفق بيوصل لشلال بعيد وهنـاك بيبقي مصير المرضي والمتوفيين ، شوفت طريقة اكتر رحمة من دي ؟؟..

كترت الاشـاعات جوا المستشفي وكتر الذعر بين الاطبـاء والممرضين!!.. وفي يـوم صحيت ممرضة اسمها (ايميلي) من غرفتها ٥٠٢ وهي بتصرخ بجنون وسط انين المرضي وهي بتقول 

-- في ارواح في المصـحة!! ارواح غضبانة وبتسـالني ليه ماتت ؟؟ ..

 استمـر الحـال ده مع ايميلي لحد مافقدت عقلها تماما!!وبعد ايـام معدودة لقوها مشنوقة في غرفة ٥٠٢!! من سـاعتها اتحولت المستشفي لجحيم لكل المرضي والاطباء .. وكترت حالات المـوت بشكل مرعب وملحووظ!! خصوصا بعد انحصار المرض، كترت الاشـاعات في المدينة وده ادي ان المستشفي تتحول لاممراض النفسية!! بس بردو الاشـاعات منتهتش ولا حـالات المـوت!! وعشـان كده المستشفي اتقفلت نهائي سنة ١٩٦٥..! كـل السكـان ال بجانب المستشفي هجرت بيوتها وده عشـان حالات الاختفاء الغريبة وكمـان عشـان الاصوات ال بيسموعها جيا من المستشفي! .. فادي ان الحكـومة تغلق المـكان وتكتب اليافطة دي بناء علي اشاعات الناس وال بتفيد ان بعد غروب الشمس الوضع في منتهي السوء..

      " لـمـا تغيب الشمس ، اخرج فورا من المكان وابعد"""

------

 اتصـالنـا بالوحدة الاسـاسية عشـان نبلغها ان في طلب نجدة من المستشفي! واستفسار عن الأمر وال جه الرد منهم ان وريث من ملاك الارض ال اتبني عليها المستشفي قرر تحويلها لفندق!! اثناء الاستفسار التليفون رن تاني .. جريت عليه 

-- الو معاك باتريك ليڤو اقدر اسـاعدك ازاي ..

- ارجوك انا خايف .. في اصوات لنـاس بتصرخ برا 

- ممكن اعرف انت وصلت المكـان ده ازاي ؟ 

-- انا عامل .. والمفروض اني تبع شركة هدم!! 

- اسمك ايه ؟

- اسمي استيفان ..

- تقدر تخليك معايا علي الخط؟؟ القوات اتحركت ليك دلوقتي!! ..

فعـلا بقي معايا علي الخط ، وصديقي مارك اخد مجموعة من العسـاكر واتوجهوا للمكـان ، وانا فضلت علي الخط عشـان اهدي ..

- استيفان معايا ؟

-- انـا معاك..

- مش عـايزك تقلق نهائي .. كلها ٥ دقايق بالظبط ونكون عندك ، تقدر تقولي انت فين بالظبط ؟

مردش عليـا وعشان كده اتكلمت تاني 

- استيفان انت معايا ... استيفان .. معايا؟؟ 

-- انـا مش لوحدي في الاوضة!!..

- ازاي ؟ ..

-- في طفل وسيدة لابسين لبس ابيض .. الطفل لابس بورنيطة قديمة ، بيبصولي بغضب شديد!! ..

لمـا قال الجملة دي ، هديت من نفسي ومن توتري وقولت ..

-- طيـب ممكن اول حاجة تهدي عشـان نغمة صوتك مرتعشة !!.. ده فات اكتر من دقيقة كلها دقايق معدودة وهتخرج من المـكان ده!!..

- بيبتسمولي وبيهزوا راسهم ؟؟ .. بيقولوا لا ؟؟..

- بيقولوا لا علي ايه ياستيفان!! ..

- قصدهم اني مش هخرج!!!..

-- لا هتخـرج ياستيفان .. انا عايزك تثق فيـا ، انت بتعمل ايه ؟

- انـا قاعد علي السرير .. جمبي مكتب محطوط عليه التليفون ا

ال بكلمك منه..، 

- طيب غمض عينك ومتركزش مع اي حـاجة تشوفها ..

صرخ وهو بيقول 

- لااااا... لاااااا !!!

- في ايه ..؟؟ استيفان رد عليـا في ايه ؟؟..

- في ممرضة ودكتور .. فتحوا الباب وهما معاهم سرير متحرك ، بصولي وهما بيضحكـوا ..ومشيوا ، بس الطفل والسيدة لسه واقفين بيبصولي ..

- اسمع كلامي .. وغمض عينك يااستيفان .. غمض عينك!! ..

- غمضت .. غمضت ، ب ب بس حاسس بحرركة!! حركة في ناس بتتمشي في الاوضة!! ..

- متفتحش عينك!! كلها دقيتين والدعم يجيلك! ..

- حاسس انهم بيعملوا حـاجة في السقف .. في رجول علي سريري ..؟!

- اهدي .. اهدي ياستيفان .. صدقني هتخرج من هنـا!! ..

سمعت صـراخ ، صـراخ جنوني .. فضلت انادي باسمه بس محدش بيرد صـراخة في ودني !! .. 

- اسيتفان رد عـليا ؟! 

انت فين ؟؟

رد ارجووك !! .. بتصرخ ليه ؟؟.

-- استيـفان مخرجش من المكـان!!

كـان انوثي بيرد عليا!! ايدي فضلت ترتعش وانا ماسك السماعة!! .. سمعت صوت حد بيخبط الباب !! وبعدها حد رفع السماعة 

- باتريك .. باتريك انت معايا ؟

- مين ؟

- انـا مارك .. وصلت مع العسـاكر ، الضحية انتحرت دخلت لقيتها شانقة نفسها !!

صرخت وانا بقول 

- اخرج من عندك .. اخرج بسرعة يامـارك اسيتفان منتحرش .. ارجوك .. ارجوك اخرج بسـرعة!! ..

الخط اتقطع .. وانا ببكي 

- مارك رد عليااا ارجـووك !! ارجووك رد .. 

مكنتـش عـارف اتصرف فابلغت الوحدة الاساسية!! .. فضلت غ

علي مكتبي بترعش والخوف بيقتلني .. وعلي الساعة ٦ صباحا جالي دعم من الوحدة ، وعشـان كده اتجاهنا للمستشفي ، كنت مرعوب وانا بدخل .. القوات كـانت بتفتش في كل مكـان مع شروق الشمس بس مش لاقين مارك ولا العسـاكر؟! .. كان في مراية في اساسنير قديم .. لمحت جواه بنت لابسة لبس ممرضة وعليه نيم تاج واضح مكتوب في (ايميلي) .. لقيت نفسي بصرخ وانا بقولهم يلا نخرج من هنـا ، سمعوا كلامي، كانوا نازلين وهما شايلين جثة لعامل مباني .. لمـا فتشت في بطاقته لقيت اسمه استيفان چو مارت .. رجعت المركز وانـا خـايف مش عارف ايه ال حصل لمارك ورفقته!! .. لحد مالقيت بلاغ من السـكان بيقول 

- الو معاك باتريك ليڤو اقدر اسـاعدك ازاي..

- عايز ابلغ عن خمس جثث في نفق الشلال واضح انهم من الشرطة!! ..

اتجهت الشرطة للمكـان لقينا ٥ جثث لعساكر ، بس جثة مارك مش موجودة ولحد دلوقتي ملهاش اي اثر .. دي كـانت اخر واقعة للمستشفي (ويلفيري هيلز) قبل متتقفل نهائي ١٩٨٠ .. ! عدي اكتر من سنة ، مبقتش حتي انا ارد علي تليفونات في وقت متاخر من الليل 

 بس عـارف انـا بحكي القصة دي ليه ؟ .. لان ظابط تاني قالي ان في حد عايزك !! ورديت وقولت 

-- الو معاك باتريك ليڤو اقدر اساعدك ازاي 

- ازيك ياباتريك ..

- مين ؟

- معقول نسيـت صوتي ؟ .. 

كنت بترعش وانا عـارف الصوت كويس وبقول ..

- مـارك .. انت فين ! 

- انـا متحركتش من مكـاني ..

- وفين مكـانك 

- ٥٠٢ الدور الرابع مستشفي ويلفيري هيـلز .. ساعدني!! ارجوك ساعدني انا مش لاقي باب خروج ؟! ..

- بعد اكتر من سنة بتتصل بيا؟ ايه ال يثبتلي انك مـارك ؟؟ ..

- انـا مصدقت الاقي تليفون .. ساعدني ياباتريك ..

الصـوت انتهي بصرخة والخط اتقطع!! سالني الرفيق ال معايا فقولت 

- لا لا ده شخص معرفة كـان عايزني ..

فا سابني ودخل ينـام .. مرت ساعة بس التليفون دلوقتي بيرن تـاني .. ومهمـا كان مين المتصل انا مش هرد !!..

#تمت

بقلم محمد سيد 

-------------

قصة جديدة اتمني تعجبكوا ، ولو عجبتك متقراش في صمت