♥️
ـ اجبلك حاجه تشربها ياسي عمر.
= لأ، بس عايزك تطلعي تروقي اوضه زياد لانه علي وصول.
ـ حاضر.
زياد ده هو اللي بيحدتوه علي المحمول، اني من ساعة ما اشتغلت في المكان ده هو واني والي مره شوفته فيها، بسمعهم بيجولوا يعني انه شغال في بلاد برا.
= ملك ياملك.
طلعت من المطبخ بسرعه وجولت ـ إيِوه، اؤمرني يابيه.
= حضرلنا لقمه.
شاور عل شاب جاعد جدامه وكمل = علشان يطلع يريح شويه قبل ما سعاد تيجي.
جال بضحك كدهو = ايوه، علشان لو ماما جت مش هعرف انام خالص.
= حاضر، ثواني والوكل يكون جاهز.
هو تجريباً هو ده زياد اللي بيجولوا عليه انه جاي، اني مشوفتش، لانه كان جاعد واني وراه، يعني شوفت ظهره بس، حضرت الوكل وخليت البت هنا هي اللي تودي لهم، جعدت اصبن في طبجين لحد ما تيجي.
= بتعملي ايه؟
بصتلها وجولت ـ مش بعمل.
= سيبك انتي بس، الواد طلع مزز جامد مز.
شدتها من يدها وسديت حنكها وجولت ـ بس يابت اختشي، وبعدين أفرض حد سمعك دلوج.
شالت يدي وجالت = كنت هتخنق.
حطيت يدي في وسطي وجولت ـ جليله الحيا.
= ما خلاص يا شيخنا، مكنتش كلمه قولتها.
بصتلها ومردتش عليها، وكملت تصبين، اني مبحبش اتحدت مع نوعيه هنا دول اصلا، معندهمش حيا خالص، علشان اني، اتعملت في جريتي، ان الحيا تاج البنات، يعني البنت منينا اللي تستغني عن الحيا، تكون خسرت التاج، اللي مخليها ملكه وسط مجتمع متعرفش تفرج بين الولد و البنت، فبتكون زيهم، متعرفش تفرقها من ولد، اني معرفش ايه الجميل ف ان بنت تجول لشاب يامز، اللي جالتها هنا دي، المفروض الحديت الجميل ده يتجال للبنات من الشباب، لكن اني معرفش ازاي بجي البنت هي اللي بتجوله، طبعا غير كلام كَتير بيتجال غير ده، اني معرفوش، وبحمد رينا اني معرفوش، احنا اصلا في جريتنا مفيش الكلام ده هو، عندينا كل نوع ليه دوره بيجوم بيه، ومحدش بيعمل دور التاني خالص، لكن اني لما جيت هنا القاهره، بجيت اشوف واسمع حاجات عجيبه خالص،اي والله، بجيت اسمع كلام اول مره اسمعه، يعني مثلا واني جايه لبيت سي عمر اولة عاشيه، شوفت مجموعه بنات واجفين، واني معرفش بظبط هما كانوا لبسين هدمه تسترهم ولا لع، انا كان تجريباً ساعتها نظري ضعيف، اه والله، وكمَان سمعت بنت منيهم بتجول لواحده فيهم^هنروح فين النهارده ياسطا^هي اكيد البنت دي سواقه عربيه، لان عندينا كلمه ياسطا بتتجال للسواقين، ولا اني فهمت غلط؟
.........
هما علشان البيت ده هو يشبهه الجصر شويه فجسموا تنظيفه عل الخدم اللي هنا، واني مسكوني الدور التاني، فيه غرفه ست سعاد، وسي محمد، وسي زياد.
غرفه سي زياد اول غرفه تجابلني لما اطلع، اني شوفت الباب مشروخ شويه، وسي زياد ظاهر منه، ياحزني ده بيموت، بيكح جامد، دخلت عنده بسرعه كان موطي راسه،اني مشوفتوش برضوا جولت بسرعه ـ يامري، لحظه اجبلك كوبايه مايه.
نزلت بسرعه اجبله مايه وطلعت بيها، اديتله المايه وفضلت واجفه لما شرب لما مد لي الكوبايه، شوفته زين، ده طلع فعلا يشبهه الجمر، ابه، ماتخشتي يابت.
جولت له ـ محتاج حاجه اجبهالك.
شاور عل درج وجال = هاتي البرشام.
فتحت الدرج وجعدت اجلب في الحاجات لحد ما لجيت برشام، رفعته له وجولت ـ هو دهِ
هز راسه فروحتله اديتهله وجولت ـ اجبلك مايه.
هز راسه بلع فجولت ـ طب لو تعبان انادي عل سي عمر يجبلك دكتور.
= لأ لأ، اوعي حد يعرف.
ـ ليه؟
زعج = قولت مش عايز حد يعرف.
بصتله ثواني وبعديها بصيت عل الأرض وجولت ـ اللي تحبه يابيه، تؤمرني بحاجه.
سكت شويه وبعديها اتنهد وجال = انا اسف معلش!
ـ علي ايه يابيه؟
= علشان زعقت لك
ـ لا عادي محصلش حاجه
= طب اعمليلي كوبايه شاي بلبن.
ـ حاضر.
خرجت من عنده واني ضربه بوز، هو صحيح اعتذر، بس الاعتذار مش هيلم كرامتي اللي اتبعترت عل الأرض، اني مبحبش حد يزعق لي، وبذات لو كان غريب، اني كان المفروض امشي، محدش زعق لي من اهله خالص، بس اني مش همشي، لان الجرشين اللي باخدهم منهم اخر الشهر بيوكلوني اني وعلتي، وكمان بيجيب علاج امي وابوي، اني مينفعش امشي، اني المفروض اتحمل التهزيق، لأني مجرد خدامه، بتوكلهم وبتشربهم، وبتروج مكانهم، وبسس.
خبطت = ادخل.
فتحت الباب وجولت ـ الشاي ياسي زياد.
ساب المحمول وجال = ماشي، شكراً يا..
ـ ملك يابيه.
ابتسم = شكرا ياملك.
_ الشكر لله ياسي زياد، تؤمرني بحاجه تاني.
= لأ
ـ طب، عن آذنك اني.
= خدي باملك.
ـ إيِوه ياسي زياد.
= انتي لسه زعلانه صح؟
ـ ولو لسه، هتفرج في حاجه.
اتعدل وجال = ايوه امال هتفرق كتير.
ـ وهتفرج في ايه بجي.
كان ماسك كوبايه الشاي وهو بيتحدت، خد شفطه وجال = هتعملي الشاي وحش زي دلوقت.
جولت بسرعه ـ يووه يقطعني، والله ما اجصد، هات واعملك غيره، انت لامؤخذه بتضحك ليه؟
= انتي مسخره اوي.
ـ تشكر ياسي زياد.
= بهزر معاكي انتي قفوشه كده ليه.
ـ لع اني مش قفوشه، اني مزعلتش اصلا.
= ياشيخه.
ـ إيِوه.
اني ضحكت عل ضحكه، يابوي عاد هو شكله حلو كدِه ليه؟
= انا ارتحتلك والله.
ـ والله صُح، طب زين.
ابتسم = انا حبيت لهجتك اوي.
ـ والله صُح كمان، طب زين الزين.
ضحك = انتي عسلل اوي.
_ والله انت اللي عسل، يووه، اني ايه اللي جولت ده؟
جعد يضحك، يالهوي الواد هيموت مني.
اني ابتسمت برضك، شوفوا لي حل بجي، اني لو جعدت ف المكان ده هو، هدخل النار حتف، بمياصتي دي.
......
طلعت انادي له علشان ابوه عايزه خبطت علي الباب = ادخل.
فتحت الباب ودخلت كان جاعد علي الارض، يالهوي ده بيبكي، جعدت جنبه بسرعه وجولت ـ ياحزني، انت بتبكي ياسي زياد.
اتعدل ومسح بيده علي وشه وجال = انتي عارفه احساس إن حد كان ليكي الحياه يمشي؟
اتنهد = انا خسرت حياتي
جعد يفكر ثواني وبعدها جال = ايوه، كان يعتبر حياتي، كان مش عارف، كان كل حاجه، صاحب الطفوله، اه، هو صاحبي، لأ، هو كل حاجه ليا، هو صاحب عمري، هو صاحب كل حاجه.
كان بيتكلم بنبره تحزن،كنت عايزه اطبطب عليه واجوله معلش هي الحياه جاسيه،انتيط ممتعودش عل مررها،لأنك مولد وفي حنكك معلجه من دهب، كنت عايزه اجوله كمان اني عمري ما هجرب الاحساس ده، لأني معنديش صاحبه اجول عليها حياتي، اجول عليها صاحبة العمر، بيقولوا عليها هنا في القاهره الأنتيم، او البيس.. البيتس فريد تجريباً، حاجه تشبها، اني مكروها من واني صغيره، هي جريتي فجيره، بس انا علتي غلبت الفجر، وكان شكلي عفش، مكنش حد بيحب يتكلم معي، اني سبت تعليمي واني لسه عندي 9 سنين، علشان اني الكبيره في اخواتي، فكنت بصرف عل علتي واخواتي، اني لما كنت بجيب معايا في نهاية اليوم 5 جنيه، كنت ببجا فرحانه جوي، رغيف العيش اني مسمياه الكريم، لانه كان بيوكلني اني وامي وابوي، وكمَان اخواتي، هبه وعبدالله، بس كنا راضين وبنجول الحمدلله، ولحد دلوج بنجول الحمدلله.
انتبهت له وهو بيجول = انتي عارفه، ده كان كل حاجه ليا بجد، سافر كمان، بس علشان يبقي معايا، كنا بنعمل مصايب كتير مع بعض من واحنا صغيرين، انتي عارفه كمان، هو يعرف حاجات عني اهلي نفسهم ميعرفوهاش، كنت دايما ببقي معاه، طول اليوم مع بعض، عارِفها حاجه غريبه ولكن انا كان يومي بيبقي زفت لو مكلمتوش، مكنش بيكمل، كنت بحس ان في حاجه نقصاني، اه والله ده اللي كان بيحصل، تخيلي دلوقت ايامي كلها مش هتكمل، انا مكنش عندي صاحب غيره، ومكنش عندي اخوات غيره برضوا، انتي عارفه كمان، هو الوحيد اللي كان عارف ان عندي التهاب رئوي، انا مش عارف حياتي هتبقي عامله ازاي من غيره، انا مش متخيلها من غيره اصلا، انا مكنتش اتخيل ان اليوم ده هيجي بسرعه.
بصلي وعنيه مدمعين = هو وحشني اوي ياملك، هو انا مينفعش اروحله، هو ليه مخدنيش معاه، انا عايز اشوفه مره واحده بس، واحده بس والله، ملك، انا رامي وحشني اوي، انا عايز احضنه.
اني نسيت نفسي، هو كان شكله تعبان، صعب عليا والله، كان يشبهه الطفل اللي اتسرقت منه لعبته وهو بيتكلم، كانت عينه بدور في الغرفه، اني كنت عارفه انه بيدور عليه، هو كان بيتكلم وعنيه بيجولوا حاجه تانيه خالص، هو كان باين عليه الزعل جوي، جولت له واني بتمني يبجي في نتيجه من كلامي ويخف عنه الوجع ـ اني عارفه ان اللي هجوله يمكن تسمعه كَتير بعدين، ولكن ياخوي مينفعش تعمل كدِه في نفسك، انت لو بكيت دلوج هو مش هيرجع، بس انت اللي هتتعب جوي، لو جعدت تفكر فيه مش هتخلص، اديك بتجول صاحبك من وانت صَغير، يعني متعدش كم المواجف اللي جمعتكم، هو اكيد حاجه صعبه جوي، ولكن هنجول ايه؟ ادي الله وادي حكمته، ولا انت كَمان هتعترض علي امر كتبه الله ليك، اكيد لع، حاول تتأقلم، وكمان حاول تصاحب غيره، اللي خلقه خلق زيه..
قطعني = لأ، مفيش زيه، انا عمري ما هلاقي زيه خالص، علشان هو ملوش زي، مش رامي اللي يتقال عليه كده، هو غير الكل، وانا مش عايز اصاحب تاني خلاص.
= لع ياسي زياد، مينفعش الكلام ده، انت لازم تحاول تفكك عن نفسك شوي، اجولك علي حاجه، متصحبش، ولكن متزعلش كدِه ياسي زياد، هتجابله إن شاء الله، في الجنه، ادعيله انت بس بجا، يلا بجاا خليك ولد شاطر وجوم اشطف وشك، واني كمان هعملك كوبايه الشاي بلبن اللي انت بتحبها، ابسط بجاا.
ابتسم وجام، مد لي يده علشان يجومني، اني معرفش ليه مسكتها وجومت، مع أنه مينفعش.
نزلت وحضرتله كوبايه الشاي وطلعت. هو صعب عليا جوي، كان شبهه الطفل وهو بيتكلم، اني اول مره اشوف راجل بيكبي، دول طلعه بيبكوا ويزعلوا زينا كدِه، اني والله كنت مفكراهم مش بيحسوه، بس لع طلعوا بيحسوا، هو اكيد الرجاله بتبكي لما الحاجه تستاهل جوي البكا، اني برضوا عيطت كيف ما عيط سي زياد، لما المعزه اللي ربتها ماتت، اي والله.
كان الباب مفتوح خبطتت خبطتتين ومحدش رد، دخلت وناديت عليه، سمعته بيجول = تعالي ياملك، انا في البلكونه.
روحت له واديت له الشاي وجولت ـ اني دوري خلص لحد كدِه، عن أذنك.
= شكرا ياملك بجد.
ـ لا علي ايه بس؟
= ممكن طلب صغير قد كده؟
ـ اطلب طبعا ياسي زياد.
= ممكن تفضلي معايا الفتره دي!؟.
ـ افضل كيف يعني؟!
= يعني مثلا تكوني زي صحبتي كده.
ـ لو بيدي كنت وافجت، بس ميصحش، اني اهلي علموني ان الحديت بين الشاب والبنيه عيب وحرام.
اتنهد = بس احنا هنتكلم كلام عادي، انا هفضفض معاكي بس.
اني سكتت شويه، هو كان باصص عليا كيف الولد الصَغير بظبط والله، اني معرفش ليه جولته ماشي، مع أني ميحصش والله، واني عارف اكدِه زين، بس هو صعب عليا جوي، فوافجت.
.........
= مبدئيا كده ف حاجات كتير لازم نلغيها.
ـ حاجات زي ايه ياسي زياد.
= سي زياد دي اول واهم حاجه نلغيها، انا اسمي مكتوب في الشهاده زياااد عاددي جدا.
= امال اجولك ايه يعني؟
= تقوليلي زياد يعني.
ـ يوووه، ميحصش.
= هو ايه اللي ميصحش، مانا بقولك ياملك عادي.
ـ إيِوه بس انا غير.
= غير ازاي يعني، الحمدلله يعني عندك عيني زي واحلي كمان، وسبحانه عندك ايدين وينهااار ابيض عندك رجلين كمان، فين الفرق بقيي؟
ضحكت علي طريجته وجولت ـ الفرج مش ف الجسم.
= امال فين ياعيون ماما؟
بصيت الناحيه التانيه وجولت = الفرج في العيشه ياسي زياد
بصيت له، شاورت عليه وجولت ـ انت شاب ملوي هدومك، عايش في بيت يشبهه الجصر، أما اني عايشه في عشه متكفيش فرختين، انت اكيد كنت بتنام علي سرير 2 متر وانت صَغير واي حاجه تطلبها تيجي لك علي طبج من دهب، اما اني كنت بصحي من الساعه 6 الصبح وبَدور في الشوراع علشان جنيه يريح اهلي، انت سافرت واني برضوا سافرت.
كملت بسخريه ـ بس علشان اتبهدل بطريقة نَظيفه، وبتجولي مفيش فرج، ده احنا يضرب بينا المثل في الفرج ياسي زياد.
كان جاعد وحاطت يده عل خده سكت ثواني وبعدها جال = خلصتي؟
ـ احمم، إيِوه.
جام وجال = طريقتك عجبتني، اممم، ابقي اكلم حد يشغلك ممثله.
ـ انت بتتريج؟
= أيوه طبعاً، لا بهرتيني، انا مكنتش متخيل ان الكلام ده يطلع من واحده عاقله المفروض يعني.
ـ لع ياسي زياد، ده مش مجرد حديت، دي الحجيجه، يمكن انت مش مجتنع، ولكن في ناس غيرك بتمشي في الحياه علي اساس الفروج دي، وفي ناس كل دنيتها انها تتكلم عن الفروج دي، يمكن انت مش هتاخد بالك من الفرج، لأنك الطرف الاجوي، الراجل الغني، يعني الاجوي، اللي زي هيفرجوا في ايه مع اللي اكتر حاجه في ييتهم هي الفلوس.
كنت بتنفس بسرعه، علشان كنت بتحدتت بسرعه، مسحت وشي وجولتله = علي العموم ياسي زياد، اني هعمل اللي يريحك، وهجولك يا.. زياد
=..........:"
رفعت يدي جدامه وبدأت اهزها.
انتهب لي وجال = انتي ازاي كده؟
ـ كده كيف يعني؟
= هاا، مش مهم، اتكلم انا بقي.
ـ أتكلم.
= بصي ياستي، انا معاكي في كل اللي قولتيه، ولكن عندي اعتراض صغير قد كدهو، انتي تعرفي محمد ده يبقي ليا ايه، لأ، طب تعرفي ماما وبابا دول يبقوا ايه، لأ برضوا، احب اقولك ياست ملك، ان دول مش علتي اصلا، انا اتبهدل، ومكنتش بنام علي سرير 2 متر وانا صغير لأ، انا كنت بنام مصنوق بين تلاته نايمين علي سرير واحد، ولما بقيت عندي 10 سنين الناس الطيبه اللي تحت خدوني اعيش معاهم، ولما بقي عندي يدوبك 18 سنه، بدأت اشتغل علشان اصرف علي نفسي، امال انا سافرت ليه، علشان اتفسح مثلا لأ علشان بس يكون عندي مكانه انا اللي صانعها مش واخدها من بابا، وعلشان اقدر اصرف عليا وعلي مراتي المستقبليه ومحتجش لحد، هما اه مقصروش معايا في حاجه، بس كفايه عليهم لحد هنا، عرفتي بقي انه مفيش فرق واني زيك بظبط.
ـ يعيني يابني، لع صعبت عَليٌ
ضحك وجال = دلوقتي انا اسمي ايه؟
ـ زياد حاف.
= لا ماهو انا مش رغيف عيش، انا اسمي زياد وبسس.
ضحكت وجولت ـ حاضر، زياد وبس.
= شطوره، اهو انا احب اللي يسمع الكلام، روحي بقي اعمليلي كوبايه شاي بلبن ياصحبتتتي.
مشيت وانا بضحك، ياربي، دمه شربات والله، بس يعيني اتمرمط.
........
= صحبتي بتعمل ايه؟
ـ اني زهجت منك.
بصلي وجال = حبيبي تسلم.
ـ مسم.
= بتعملى ايه بجد؟
ـ انت شايفني بعمل ايه.
= بتطبخي.
ـ عرفتها لوحدك دي؟
رفع صابعه جدامي وجال = بتتريقي صح، صحح؟
ـ لاه وانا اجدر برضوا، ده انت سي زياد.
= بحسب، المهم.
ـ همممم.
= انتي عارفه النهارده ايه؟
ـ ايه؟
= ولا حاجه.
ـ والله صُح، هو حد جالك قبل أكدِه انك دمك خَفيف؟
عدل ياجه التشيرت وجال = احمم، اهه كتيرر.
ـ كَدابين.
=.....":
احنا بجالنا شهرين بنتحدت، هو بجي يكلمني زي ما كأنه بيكلم اخته بظبط، كنت بحسه احيانا وهو بيشتكي لي من حاجه ضيجه انه معتبرني زي أمه، اي والله، يعني بيحدتني زي ما اني ما بتحدتت مع أمي بظبط، فكنت بواسيه زي ما أمي بتواسيني برضك، أني بدات اخد عليه وعل هزاره تجريبا بعد شهر إكدِه، كنت بدأت أهزر معاه واضحك، بس اني مكنتش بتحدت معها بالطريقة دي علشان اني عايزه آكدِه، لع، انا كنت بتحدت معاه إكدِه، لأني ساعات كنت بشوف ف عنيه نظره كده كأنها بتجولي انا محتاجك، اني عارفه انه بيهزر وبيضحك، بس ربنا واحده اللي عالم اللي جواه.
= مين دي؟
ـ سي عمر بيجول انها نادين.
= ناادين، بجد، طب هي هتوصل امتي.
ـ معرِفش، بس مالك فرحت جوي كده؟
= صحبتيي بتغيرر.
ـ اغيرر، ليه يعني، تبجي لي ايه يعني علشان اغير عليك، اني بس استغربت انك فرحانه، هو انت تعرفها؟
= ماشي ياستي هصدقك، اه اعرفها طبعاً، دي تبقي بنت عمي.
ـ بيجد والله!
........
ـ هاتي عنك ياست نادين.
= ماشي ماشي، اوعي توقعي حاجه، عارفه مكان الاوضه صح؟
ـ إيِوه ياست..
= طب ماشي يلا اطلعي حطيهم وانزلي تاني اعمللنا شاي.
ـ حاضر.
= اه وياريت لو تحطي الهدوم في الدولاب بعد ما تعملي الشاي.
ـ حاضر ياستت...
مكملتش الجمله ولجيتها مشيت، ياربي علي الجرف.
جلدتها وياريت تطلعي تحطي الهدوم في الدولاب.
ايه الست دي بس.
باين علي طريجتها انها محترمه جوووي.
= انتي لسه واقفه يلا انجزي.
.........
ـ مسم، دي سكر دي؟
= اه، انتي متعرفيهاش اصل.
ـ إيِوه ما اني شوفت السكر بتاعها امبارح اول ما جت.
= هاا ايه رأيك؟
ـ لع سكر صُح.
............
هو زياد جالي انها هتجعد معاهم شهر، واني اللي هستحمل غرور وتكبر السكر بتاعته، اني من اول أسبوع جضته واني حجيجي عرفت انها سكر، ده اني كان نفسي امسكها اخنجها علي طريجتها في الحديت، وكمان لزقتها ومياعتها علي زباد، هي من البنات اللي بدل ما يرسموا علي الورج بيرسموا علي وشهم، وكمان من اللي بيحبوا يعرضوا أشياهم دول.
........
= زياد فين؟
ـ فوج، عايزاه في حاجه اطلع اناديهولك؟
= لا لا مرسي.
كملت بمياعه = هطلعله انا.
ده ايه الجرف اللي جالنا ده ياربي، هي بتحدت كدِه ليه بس؟
.........
= رايحه فين؟
ـ طالعه لزياد اودي له الشاي كالعاده، عايزان...
= استني استني بس، طالعه لمين قولتي؟
ـ لزياد.
= انتي ازاي تقوليله زياد حاف، هو بيلعب معاكي كوره، اسمه استاذ زياد فاهمه ولا لأ؟
ـ إيِوه بس ه...
= مفيش بس، بت انتي، انتي مش مريحاني، ملكيش دعوه بزياد، وأله وعزه وجلاله الله لاجبلك مصيبه توديكي ورا الشمس، وهاتي الشاي ده انا هطلع اديهله، وسعي كده.
هي مشيت وسابتني، هي عندها حج، اني شكلي زودتها، اني مينفعش ابجي كدِه، اني مجرد شغاله عنده، وهو كان محتاجني في فترة موت صاحبه والفتره خلصت، يبقي اني دوري كمان خلص.
كنت ماشيه للمطبخ واني بفكر، مع أني مبضجهاش بس هي وعتني لحاجات كتير، اني كنت بفتكر نظرتي ليه وهو بيبتسم، واهتمامي بيه وهو زعلان، اني ايه اللي عملته ف نفسي بس، اني حبيته، لع لع، اني اني مينفعش اوهم بنفسي بتخاريف، وهو هيبصلي اني ليه، اني بس الشغاله، لع وايه يعني، هو اني مشبهه ولا مشبهه.
متضحكيش علي نفسك ياملك، هو عمره ما هيبصلك، يعني جدامه ست نادين مثلا، السكر بتاعه، يسبها وييصلي اني ليه يعني، هو اكيد كان بيتحدت معاي بس علشان هو يرتاح في الفتره اللي كانت تعباه، وبعدين؟ وبعدين هيكمل حياته عادي يعني،اني لازم أوجف كل اللي بيحصل ده،علشان مفيش غيري هيتعب،ولو موجفتوش، يبقي هعلج نفسي بأحلام مستحيل تتحجج.
..........
= خدي هنا بقي، مالك قفشه عليا بقالك يومين انا عملتلك حاجه ياست انتي؟
ـ اجبلك حاجه ياسي زياد؟
برج وجال = سي زياد تااني!
ـ طب ذا كان مش عايز حاجه، عن اذنك
وجف جصداكي وجفل الباب جبل ما اخرج وجال = لا ماهو انتي مش هتخرجي من هنا غير لما تقولي في ايه؟
وجفت جصداه واتنهدت وجولت ـ مفيش، احنا دلوجت مفيش حاجه، السؤال ده كان المفروض تسأله من زمانن، في وجت ومكان غير ده، عارف ميتا، لما كنا سايبن السفينه تمشي لوحديها، واهي غرجت، بس لع اني الغلطانه، اني الجبضان مكنش المفروض اسيبها تمشي لوحديها كدِه، بس انت عارف دلوجت ممكن ننقذها، ولو كنا استنينا شوي، كان زمان الموج هو اللي مدمرهل.
= ولا فاهم اي حاجه؟
عديت من جنبه وفتحت الباب وخرجت، اول ما خرجت لجيت ست نادين في وشي.
اني ابتسمت، حسيت كِده ان في نار هتخرج من ودانها، بس احسن تستاهل، شدتني بَعيد عن الغرفه.
رفعت صباعها جدامي وجالت = انتي يابت انتي مش هترتاحي غير لما اعملك مصيبه، حذرتك كذا مره، الاوضه دي خط احمر هي وصاحبها، انتي فاهمه.
حطت ايدها في وسطها وجالت = ولا انتي يعني بتعملي الحركتين دول فكراه هيبص لواحده زيك.
اهدي ياملك اهدي ياملك، 1،.... 2،.. 3،... 4،... 5،... 6،... 7.
خدت نفس وجولتلها ـ إيِوه يعني مش حرام ولا عيب،الحمدلله يعني،ولا ماشيه متحزمه وبرجص،ولا لا مؤخذه ماشيه عريانه ولكن الدور والباجي عليكي ياحصره، تكونيش مفكره يعني ان راجل زيه عاجل وعارف انه ممكن يبجي ديوث لو بص لوحده او فكر حتي يتجوزك،
ماهو ياست الحُسن والجمال لما يجيي يتجوز، مش هيتجوز واحده معتبره وشها كراسه رسم، وكمان بتلبس ومش بتلبس في آن واحد.
= انتي، انتي...
وشها احمر من الغضب وجالت بصوت عالي = امشيييي من قدامي.
جريت واني بضحك وماسكه طرف الطرحه بيدي، يابوي، كان منظرها يضحك جووي.
...............
سمعت صوت سي عمر بينادي عليا بحس عاالي = ملللللللك ياملللللك.
روحت له بسرعه وجولت ـ إيِوه يابيه في حاجه؟!.
= في حاجات ياست ملك.
ـ حاجات ايه؟
= مش انتي المسئوله عن تنظيف الدور التاني
ـ إيِوه.
= وانتي اخر واحده داخله اوضه سعاد.
ـ إيِوه.
= طب كويس، فين بقي العقد اللي اشترتهلها الأسبوع اللي فاتت.
ـ عجد، عجد ايه ده ياسي عمر؟
زياد دخل وجال = ايه في ايه صوتكم عالي كده ليه؟
كنت بصه علي زياد وهو بيتحدت سي عمر جاله ـ عندنا حرامي في البيت، الست ملك اللي احنا فتحنلها بيتنا سرقت العقد.
بصيت علي سي عمر بصدمه، ضربت بيدي علي صدري وجولت ـ يامري، اني اسرج، ان شالله تنجعد يدي قبل ما افكر حتي.
كانت ست نادين واجفه وراه وبتبتسم، ااه يابنت ال، اني عيني دمعت لوحدها والله، اني، اني اسرج.
اتكلمت وجالت = اهي بتحاول تبين لينا الوش البرئ.
ست سعاد جالت = انجزي يابنت انتي وقولي العقد فين احسن ابلغ عنك البوليس.
وجعت علي الارض وجولت ـ يالهووي، بوليس، احب علي يدك ياست ماتبلغي، اني ما سرجتش والله، ده انتم اللي مربيني؟
كان سي عمر هيجول حاجه بس زياد جال بصوت عالي = بسس، خلصتوا خلاص، اتهمتوا وهددوا خلاص، ينفع بقي محدش يقول عنها نص كلمه تاني، لانها انقي واطهر قلب في البيت ده، وانا واثق مليون في الميه ان ملك مسرقتش ولا عمرها هتعملها اصلا.
جه جومني وجال = تعالي معايا.
مسكت في يده جامد واني بعيطت، ياربي اني اسرج، كيف دي.
........
= اقعدي هنا واهدي.
ـ والله يازياد ما سرجت.
= اوش اوش، بس، انا عارف، استني هجبلك مايه.
مسكت في يده وهو جايم وجولت ـ هما هيبلغوا الحكومه.
= لأ متخافيش، انا معاكي.
..........
اني مستحملتش التهزيج والأهانه دي، فمشيت من غير ما حد ما يعرف، حتي زياد، وربنا كريم، وهيجبلي حجي من اللي اسمها نادين دي، بس اني معرفش دلوجت هعمل ايه، هجيب فلوس مين بس، يارب حلها من عندك.
.............
عده شهر واني ملجتش شغل برضوا، كنا عايشين بالقرشين اللي باخدهم منهم كل شهر.
اما بجا بخصوصه هو، مسألش عليا، اكيد أقنوعه وصدج اني سرجت، اه اكيد يعني، اني فعلا كنت غبيه لما فكرت انه هيصدجني ويجف معايا، اكيد دلوج عايش حياته ونسيني.
كنت بسجي الزرع وفجأ سمعت صوته = مش رجوله دي علي فكره؟
رفعت راسي بسرعه وجولت ـ ابهه، انت بتعمل ايه هِنا
= طب ايه مفيش اتفضل حتي؟
ـ يووه يقطعني، اتفضل.
= احم احمم، يا اهل الدار.
ـ نايمين كلهم، اصل احنا في القياله.
= انتوا في ايه؟
ـ جول عايز ايه؟
= جاي ارجعك وانتي معززه مكرمه.
ـ هاا، كيف يعني؟
= هو ايه اللي كيف هرجعك.
= لع يازيا.. جصدي ياسي زياد، اني عمري ما هرجع عنديكم تاني، اني خدت تهزيج كفايه لحد دلوج، كفايه علي كرامتي لحد كدِه.
= اثبتت انك مسرقتيش، ابسط يعمم.
ـ والله صُح، كيف.
= عرفت ان نادين هي السبب، اصلا انا كنت شاكك فيها، طريقتها حتي بعد ما مشيتي كانت محور للشك، هتقوليلي بقي شكيت فيها ليه، هقولك ياستي، علسان مزازتي وجمالي عارف انها بتدوب في دباديبي، وانتي اخر فتره كنتي صحبتتي، فهي حبتت تخلص منك بالطريقة دي، الله علي ذكائي،
ـ هاا يعم الذكي عرفت كيف؟
= احممم، في يوم كدهو كانوا كلهم برا، فقررت اني اوهما بحبي بقي وكده، وعملت قعده رومانسيه، فا ايه بقي، اكيد كان في عصير، انا بقي عملت ايه، حتطلها برشام كده مش فاكر اسمه، بس هي بدأت تنعس وتتعب وتدوخ وكدهو، فانا استغليت الموقف ده وبدأت اسألها وهي جاوبتني وقالت لي عل كل حاجه، وانا برضوا علشان ذكي كنت بسجلها.
ـ يابوي عليك.
= عجبتك مش كده.
ابتسمت ـ اني افتكرت انك نَستنيني.
صوته هدي وجال = وانا اجدر يجمر برضوا.
ضربته في كتفه وجولت ـ بهه ايه جمر دي؟
= اقولك علي مفاجأه.
بأستغراب ـ مفاجأه ايه دي.
= انا فهمت كلامك عن السفينه.
ـ سفينه ايه دي.
= الموج، والقبضان.
يابوي، هو لسه فاكر ـ هاا مش فاكره حاجه.
= اه اه ما انا عارف.
ـ بجولك ايه خلاص يلا مش جولت اللي عندك مع السلامه.
= بس ياعسل.
ـ ماتتلم عاد.
= لا انتي اتعودي علي كده، لانك هترجعي معايا بس كزوجه الاستاذ زياد عمر.
تمت♥️
#من_نبع_خيالي.
#ملك_محمود.