♥️
_لا طبعاً
_السبب
_مش بحبه مش هعرف احبه او اشوفه اكتر من اخ وصديق ليا
_المشاكل عمرها ما هتتحل عمك مش هيكلم والدك
_ما هو في انت
_الخناقة مع والدك و عمنا مش مع والدي انا
_مش هينفع
_مريم في حد بتحبيه
_لا
_انا نور
بصتلها بشرود هي عارفة كل حاجة لكن بتستهبل
Flash back
_هتمشي
_للاسف لكن مش هنساكي هنتقابل
_ازاي انت رايح باريس
_ماينفعش افضل هنا اكتر من كدا تيجي معايا
_مش هينفع اهلي انا بقابلك بالعافية كل خطوة بخطوها بتكون بحراس
_اهلك مش هيوفقوا بيا لو عرافتي تهربي تعالي على مطار القاهرة الساعة 3 العصر
_اوعدني انك هترجع ومش هتنساني
_اوعدك، لكن لو مارجعتش اعرفي ان حصلي حاجة وعيشي حياتك اوعديني
_مش هاعرف اعيش من غيرك
_اوعديني
بصتله بقلة حيلة_اوعدك
مريم
_انا لازم امشي نور بتنادي لما تكتب اول رواية تبقى ابعتها ليا عشان اقرأها الى اللقاء
_الى اللقاء
Back
_مريم انت لسه متعلقة بيه
_هيرجع
_عدا عشر سنين
مردتش عليها هي مش فاهمة حاجة مش مجرد اعجاب انا بحبه وهو كمان سافر عشاني زمانه دلواقتي عنده 28 سنة عنوانه معايا مش بكلمه عشان عرفت انه حرام لكن هو كان بيبعت ليا دايماً انا قلت ليه انه حرام وهو فهم دا لكن كان بيبعت عشان اطمن عليه انه لسة عايش مش برد عليه بيبعت ليا رسالة كل شهر لكن بقاله نص سنة مش بيبعت حاجة ماعرفش ليه اكيد مشغول وبيحضر لحاجة كبيرةولما بينشر رواية جديدة بيقولي وبكون اول وحدة تشتريها رواياته جميلة في الاسلوب بتشد لكن الحظ ماكنش معاه لكن هو بيكتب عشان انا بحب كتاباته بيفكرني بخوليان من رواية ظل الريح لكن احنا الاتنين عايشين
_______________
_مش موافقة ليه فيه ايه يترفض حسب ونسب ومال وجمال ودين
_مش بحبه
_نعم مش ايه ليه هو المطلوب تكوني بتحبيه؟
_مريم مش قصدها يا عمي مريم تقصد انها ماتعرفش طباعه وخايفة لحسن ماتحبهوش
نور كانت بتبص ليا بترجي عينها بتطلب مني اسكت
_الخطوبة الاسبوع الجاي
_انا مش سلعة تبعها عشان مصلحك انا مش موافقة
بصتله بسخرية ضربني بالقلم ودا ليه عشان برفض اتجوز عشان قررت اقول اه او لأ في حاجة تخصني، نور شدتني طلعتني على اوضتي بتتكلم مش سمعاها عمره ما ضربني مش دي مشكلتي انا متعودة على الخناق والصوت العالي لكن مشكلتي اني كدا هخون وعدي لغيث هو بعيد عشاني وانا هبيعه مش بيبعت حاجة من سنة انا خايفة يكون حصله حاجة اكيد لأ اكيد هو بخير انا ماكنتش برد عليه وكان بيبعت انا اللي هبعت ليه اكيد فكر ان حصلي حاجة
_مريم انا بكلمك
_نعم يا نور
_انت لسه بتحبي غيث هو اكيد لأ دا كان مجرد اعجاب مراهقة وعود اطفا...
_اه بحبه وهفضل احبه الحب الاول والاخير يأما يكون اخرته الجواز او الموت وحيدة
_مريم لازم تتجوزي سيف
_لو اتجوزته هتكون خيانة لغيث
_انتوا مش متجوزين عشان تقولي كدا
_خيانة لحبي ليه ولو اتجوزت سيف هتكون خيانة ليه هو كمان ازاي عايزاني اعيش واكل واشرب واتكلم مع شخص وانا في بالي شخص تاني موجود في عقلي وقلبي وكياتي كله انا هكون اكبر خاينة خاينة لحبي وخاينة لزوجي
_اعتبري غيث من الماضي انسيه
_مش هعرف ومش عايزة و ماينفعش انا وعدته
_انا عايزة اعرف ازاي اتعرفنوا انا عارفة انه كان في الفصل معانا لكن انت عمرك ما اتكلمتي معاه او مع غيره
ابتسمت وانا بفتكر افضل يوم في عمري وانا بحكي ليها اليوم بتفصيله
Flash back
السما صافية نسمات ريح خفيفة اصلنا في الخريف اول يوم ليا في نادي القراءة مجموعة ناس بتجتمع في مكتبة وبيبدأوا تناقشوا عن القراءة والكتب المكتبة جنب المدرسة بتاعتي، غرفة كبيرة نسبياً لونها كافيه الكراسي مرصوصة على الجنبين جنب للبنات والتاني للولاد، الكل بيتكلم مع بعضه فضلت مستنية شوية لحد ما شوفت حد مسك الميكريفون والكل سكت، مراجعة النهاردا عن رواية لا تقولي انكِ خائفة الكل بدأ يقول رأيه الكل بيتكلم عن سامية ونسيوا علي وعشان كدا اتشجعت ورفعت ايدي عشان اتكلم
_الرواية تاخد 9 من 10 انا مش بقيم القصة عشان دي قصة حقيقية وانا مليش الحق اقيم حياة حد لكن هقيم السرد والترجمة مش هضيف كتير عن اللي اتقال لكن لاحظت ان الكل بيتكلم عن سامية ونسيوا علي وهودان انا شايفة ان علي عاش حياة لا تقل بؤساً عن سامية فهو عاش في شارع العدو في بلد شعبها بيكره قبيلته ماتت والدته وترك منزله اللي تربى ونشأ فيه ماكملش تعليمه دخل الى جماعة تكفيرية اجبر على قتل والد اعز اصدقائه والذي بمثابة والده الثاني
_طبعاً انت عندك حق هو عاش حياة بائسة لكن مش زي سامية هو كان يقدر ما يقتلش والدها ويتحلى بالشجاعة
كانت واحدة من اللي موجودين كنت لسه هرد عليها لحد ما سمعت حد هيتكلم فاسكت عشان اشوفه هيقول ايه
_انت بتحكم عليه بعدم الشجاعة عشان ماكنتش مكانه انت قاعد في بينك في امان مش خايف من حاجة اكبر مخاوفك انك ما تنجحيش في الجامعة مادام ماعيشتيش في نفس عالمه وظروفه يبقى ماينفعش تتهميه بعدم الشجاعة
البنت سكتت والجلسة خلصت
_المعاد زي ما هو الرواية بتاعت المرة الجاية ظل الريح
_لو سمحت
كنت رافعة ايدي عشان اقول حاجة وكان نفس الولد رافع ايده
_انا قرأت الرواية
_وانا كمان
_خلاص ممكن تتنقشوا فيها مع بعض وتجهزوا الحاجات اللي هتقولوها المرة الجاية او تعيدوا قرأتها
الكل خرج وانا كنت لسه هخرج لكن اتلقيت نفس الولد جاي عليا انا عارفها هو في مدرستي بيقدم الاذاعة المدرسية
مد ايده_انا غيث
مدت ايدي انا كمان
_مريم
Back
_وبس والموضوع اتحول لصداقة وبعدين العلاقة اطورت
_ازاي اعترفلك بحبه وله انتي اللي بدأتي
_هو اللي اعترف دايماً هو اللي بيبدأ
Flash back
كانت الندوة لسه مابدأتش
_انا عارف انك قرأتيه لكن في رسالة جوا بين السطور معلم عليها، لما تروحي دوري عليها
كان في ايده رواية ايكادولي ادهالي ومشي راح الجانب التاني
الندوة خلصت روحت البيت وانا الفضول وصلت البيت الاكل كان جاهز لكن قلت ليهم مش جعانة دلواقتي، دخلت اوضتي قعدت على السرير بدأت اقلب في الصفخات هو قال ان الرسالة هو معلم عليها ماكنتش بقرأ عشان مش من النوع اللي بيعيد الرواية اكتر من مرة لحد ما وصلت للصفحة 35 في افصل الاول
Back
_كان مكتوب ايه
_احبك
_وانت عاملتي ايه
_اشتريت رواية ايكادولي
_نفس الرواية اللي جابها ليكي؟
_اه وعلمت على السطر اللي تحت احبك اللي في الصفحة 35
_كان ايه اللي مكتوب
_وانا أيضاً وبعدين الموضوع خد شكل تاني بقت نظرتنا مختلفة اكتسبت عنينا نظرت الوضوح الحقيقة اصل نظرة الحب كانت موجودة من الاول
_طب ليه سافر
_عشاني والده مات وعلته كلت ورثه فاسافر لفرنسا عشان يبدأ حلمه بما انه بيعرف يتكلم فرنساوي كويس هو سافر وهو سافر بعد ما خلص جامعة عشان كان عارف ان بابا مش هيوافق عليه هو اساسا كان هيستنى لحد ما اخلص جامعة
_وايه حلمه
_يبقى كاتب لكن الحظ لسه ماحلفهوش انا بعت ليه يرجع لكن مش بيرد هو اكيد مشغول
_مريم ما ممكن يكون حصله حاجة
_مستحيل هو بخير مش معني انه بقاله فترة مش بيبعت ليه انه حصله حاجة
سابتني ومشيت عارفة انها مش هتوصل لحاجة طلعت ورقة وقلم وبدأت اكتب
عزيزي يا صاحب الكلام القليل
اريد ان انفصل عن العالم عن كل شيء حولي
اريد تستراحة من الصراعات والهزائم
اريد استراحة من الحروب والظُلم والتطبُع
اريد استراحة من الناس والاماكن والنوم
اريد استراحة بدون احلام و كوابيس بدون نوم متقطع وقلق
اريد ان اعيش بسلام
اريد ان استمتع بسلام
اريد ان اغامر بسلام
اريد ان اعيش كما اريد
طوتها و حطتها في صندوق متوسط الحجم كل ما اكتب رسالة ليه بحطها هنا بصبر نفسي انه اكيد هيرجع هستناه
______________
كل ما يوم الجمعة بيقرب بحس ان روحي بتسحب بحس بخنقة انا مش هينفع اتجوز سيف مش هعرف اشوفه اكتر من اخ كُنا بنلعب مع بعض زمان قبل ما بابا وعمي يتخنقوا
عزيزي يا صاحب الكلام القليل
ان قلبي ينزف من بعدك عني
اني احترق كل يوم وانا بعيدة عنك
انتظرك واعلم انك بخير
لا اهتم لعدم تحدثك معي
او لغيابك او لعدم سماع صوتك
فأنا واثقة انك بخير
نعم هناك شعور سيء يحاوطني
لكن لا اهتم له فهو ملازمني منذ ان ذهبت
انتظرك كما انت تنتظرني
واحبك
المخلصة لك:م.م
قبل ما يمشي اهداني قلم رصاص شكله مميز هو اللي بوقع بيه الرسايل اللي بكتبها ليه،
خطي وحش لكن رغم كدا كان بيقولي انه بيحب شكله وبيفضله
ماعرفش ليه ببدأ الرسالة دايماً بجملة عزيزي يا صاحب الكلام القليل
ليه بذات الكلام القليل مع انه كان بيتكلم معايا كتير يمكن عشان دايماً صامت مع الباقي ؟
فاكرة اول مرة بعتله رسالة استغرب من بدايتها وسألني ليه صاحب الكلام القليل جوبته ماعرفش لكن حاساه لايق عليك
________________
النهاردا الخطوبة البيت في حالة فوضى مثلي بظبط حاسة اني في حالة فوضى عقلي متلغبط قلبي بيدق كتير حاسة ان ذكرياتي متلغبطة
بشوفها قدامي انا هموت؟
سأل سألته لعقلي لكن مردش عليا هو بيفكر وبيسترجع شوية ذكريات تخليني اعيط
ذكري سفره هي اللي كانت مسيطرة عليا وعودنا لبعض
_مريم بتعيطي ليه
_دموع الفرح يا عمتو
نور شدتني لمكان بعيد مافهوش حد
_مريم بطلي هبل خلاص كل حاجة خلصت انسي بقى هو مش هيرجع دا لو كان عايش اساساً خلاص ارضي بالامر الواقع
كلمها خلاني ازيد في العياط وقعت على الارض من التعب رجلي مش شيلاني
قومتني بالعافية
_قومي معايا خلاص الناس هتوصل يله عشان تلبسي
شدتني ودخلتني اوضتي طلعت الفستان سابته على السرير
_عشر دقايق وهاجي تكوني خلصتي انا هستنى برا
بصيت للفستان بقرف رغم جماله لكن في عيني شيفاه اسوء ما يكون
لبست وقعدت على السرير نور خبطت ولما ما ردتش دخلت
_يله عشان تعملي الميكاب
_لا
_قلت اقعدي بما انك رفضتي تجيبي حد انا اللي هعمله ليكي
عيطت تاني
بصتلي بحزن عكس غضبها كانت بتتكلم بغضب من شوية
بصوت هادي_انا اسفة لكن ما ينفعش اشوفك كدا واسكت فوقي يا مريم ادي سيف فرصة
بضعف_وغيث
_استغفر الله العظيم واتوب اليه غيث مشي مش موجود دلواقتي انسيه
___________________
صوت عالي ودوشة الاغاني الكل سعيد الا انا
بينادوا عليا عشان يلبسوا الشبكة نزلت تحت الكل بيقابلني بالاحضان وانا بقابلهم ببتسامة باهتة ونظرة عين تايهة
قعدت وفي حد قعد جنبي شكله مألوف اكيد دا سيف كنا الاول عيلة سعيدة كلنا مع بعض لحد ما بابا اتخانق مع عمي واتفرقنا كنا متعودين كل خميس نتجمع لكن بعد الخناقة كل حاجة اختلفت، لبسني الدبلة كنت بحاول ما عيطش لكن افتكرت غيث افتكرة اني انا اللي خالفت الوعد، بصلي بستغراب
_مريم انت بخير
_تمام
_انت بتعيطي
_افتكرت حاجة
الكل مشغول مافيش حد لاحظ ولا حتى نور، هو شخص كويس لكن مستحيل حد يجي مكان غيث، كنت عايزة اقوم لكن ماينفعش الكل هيلاحظ
_تبجي نطلع
اومأت ليه بماشي استأذن من بابا و وافق، طلعنا على اوضتي
_دي اوضتك
_اه
_لطيفة مع اني مش بحب القراءة لكن شكل المكتبة لطيفة
_شكراً
_ممكن اعرف كنتِ بتعيطي ليه
_افتكرت حد كنت اتمنى يبقى موجود معايا
_مات
_سافر
حاسيته ادايق لاحظ انه ولد
_هو واحد
عاملت نفسي مش سمعاه ودخلت البلكونة
_القمر شكله حلو
_اه زيك
عقلي بيحاربني دايما بالذكريات انا مش عايزة انساه لكن هما عايزين انا بزعل لما بفتكره واكتر من مرة بعيط عشان مش موجود معايا
Flash back
_القمر جميل النهاردا
_ياريتك تحبني او تشوفني جميلة زي ما بتشوف القمر
كنت بتكلم بهزار
_مش هيحصل القمر مش جميل في الطبيعة جماله معتمد على الشمس شكله المدور المنور او لما بيكون مايل للاصفر او لما بيكون مايل للاحمر في كل حالاته بيكون معتمد في جماله على الشمس اما انتي جمالك طبيعي مش بيعتمد على حاجة، بحب القمر عشان جميل لكن انتي بحبك عشان انت مريم الحب شعور صعب و صعب نوصفه صعب نقول سبب حبنا لحد عشان الحب بيكون من غير سبب شخص حاست معاه براحة بشعور لطيف بتنتظر تشوفه بيوحشك دايما ودا كله موجود فيكي يا مريم
Back
اختلاف شاسع بين رد سيف وغيث، عمري ما قارن غيث مع حد هو خارج المقارنة لكن بستغرب ازاي نور عايزاني انساه دا انا انسى كله لكن هو لأ
_روحتي فين
_معاك بقولك انت موافق على الجوازة دي
_مريم انا بحبك من واحنا صغيرين كنت بتقطع لما بقينا مش بنشوف بعض او نتكلم انت بجد ماتعرفيش.
المفروض ارد عليه اقوله ايه يارب نور تدخل
_ممكن ادخل
_ادخلي يا نور
_عمي عايز مريم
_مين
_والدك
_تعالي ننزل ونبقى نكمل كلام بعدين
_______________________
اليوم خلص كله مشي الحمد لله ماحصلش اي احداث تذكر لما نزلت غير اني لاحظت نظرة غريبة في عيون سيف
_عارفة يا مريم عمي ما كنتش عايزك انا اللي اقترحت عليه انك تنزلي عشان يشوفك
_تشكري يا زوق لحقتيني
_ليه يا اخرة صبري
_قالي انه بيحبني
_وانت ما متعرفيش دا انا وناهد وبابا وكلنا عرفين
_بجد
_ايه يختي وقولتي ايه
_لا ما انا ما لحقتش ارد
_كنتي هتقولي ايه
_ماعرفش
قربت مني ومسكت ايدي
_مريم انا بحبك وعايزة سعادتك واسمعي مني سعادتك مع سيف
_لكن انا مش بحبه
_هتحبيه
_وما الحب لا للحبيب الاول
_حبه ليكي هيخليكي تحبيه
_مش هيحصل الحب مش بأيدنا
_ وبعدين غيث لو كان اتقدم ليكي عمي كان هيرفض عارفة ليه عشان مستواه المادي انا عارفة انه سافر عشانك لكن انت خلاص اتخطبتي لسيف
_الشاعر الفلسطيني محمود درويش لما حب ريتا الاسرائيلية قال: (اني احبك رغم انف قبيلتي ومدينتي وسلاسل العادات)
_ما تكملي
بيأس_(لكني اخشى اذا بعت الجميع فأعود بالخيبات)، لكن انا لو كملت مع سيف هكون بعت غيث اللي بنسبة ليا الجميع اللي لو بعته هحس بالهزيمة بالحزن طول حياتي، دايما بتقولي ان غيث سافر وممكن يكون مات بتقوليها بكل سهولة بتطلبي مني انساه لكن زي ما قال محمود درويش: (ربما لم يكن شيئًا مهماً لك، لكنه كان قلبي)، عارفة انا شعرت بأيه لما غيث سافر شعرت ان وطني تم احتلاله تم سلب كل ما هو جميل فيه شعرت بالاحتلال رغم حرية الجميع، انا عايزة انام
_انام معاكي؟
_مش لازم
اول ما خرجت عيطت هو ليه مشي لو كان استنى كنت حاربت العالم كله عشانه انا مش عايزة مال او اي حاجة انا السبب انا اللي كنت بشجعه عشان يكمل كتابة هو فين اساساً انا خايفة عليه خايفة يكون حصله حاجة، طلعت ورقة وقلم
عزيزي يا صاحب الكلام القليل
اشتقت اليك الحياة بدونك بلا طعم او روح
اين انت ماذا تفعل كيف تقضي وقتك
هل ما زالت تقرأ رواية قبل ان تبرد القهوة كل سنة كما اتعودت ان تفعل
هل عندك وقت يسمح لك بالخروج تحت المطر
هل ما زالت تنظر الى القمر كل ليلة قبل ان تنام
هل تشتاق لي كما انا اشتاق
سوف انتظرك مهما طال الزمان وسوف احبك حتى تفنى العوالم وتحترق النجوم ولاخر نفس سوف اظل اتذكرك
المخلصة لك: م.م
حطيت الورقة في ظرف لونه كافيه ولزقته وثبته بشمع وختمته بختم على شكل قلب اسود، وضعته في الصندوق وقفلته بالقلم اصل القلم في بينتهي بمفتاح ورجعت الصندوق لمكانه
___________________
الايام بتعدي وسيف بيحاول يقرب مني اكتر لكن انا مش عارفة احبه ومش هعرف
_كتب الكتاب في اخر الاسبوع دا
انا متوقعتش ان الموضوع هيكون بسرعة كدا انا متوقعتش ان الموضوع هيكمل اساساً، انا لازم اهرب لكن ازاي وامتى
فتحت جوجل عشان احجز تذكرة طيران لفرنسا لكن للاسف الطيارة اللي هتسافر هتكون قبل كتب الكتاب بيوم، مش مهم حجزت التذكرة ولازم ابدأ ارتب خطة الهرب
__________________
النهاردا اليوم اللي هيغير حياتي جهزت الشنطة حطيت فيها هدومي و الصندوق بتاع الرسايل ههرب بليل وهستني في فندق لحد الساعة 8 الفجر واروح على المطار
الساعة 12 الكل نايم فتحت باب اوضتي بحظر وبعدين فتحت باب الشقة نزلت من على السلم بهدوء فتحت الباب الكبير وخرجت، مشيت لحد الطريق الشارع كان هادي مافيش اي خاجة بتنور الطريق غير عمود نور واحد وضوء القمر كان سواق الاوبر مستنيني ركبت الشوارع بليل شكلها حلو نسمات الريح الخفيفة بتداعب وشي، ووصلت للفندق بعد نص ساعة كُنت حاجزة ببطاقتي شافوها وطلعت على الغرفة اللي حجزاها، تعبانة وعشان كدا هنام لكن هظبط المنبه الاول
___________________
الساعة سبعة وربع انا مستغربة من السهولة اللي بتجري بيها الاحداث هو يا اما في خازوق كبير يا اما قرر يكون لطيف
____________________
وصلت للمطار الساعة سبعة ونص قعدت شوية ولما سمعت النداء لطيارة الدوحة بهزر النداء كان لفرنسا اكيد قومت كل شيء كويس لحد دلوا..
_مريم
انا حسدت نفسي اجري هجري
_مريم
كنت لسه هجري لحد الطيارة لكن في حد مسك ايدي يارب ما يكونش اللي في بالي
_سيف صدفة لطيفة
_بتعملي ايه هنا
_انا مستنية صحبتي
_بشنطة سفر
_نتكلم بهدوء تمام، الطيارة هتطير سبني دلواقتي وانا هتصل بيك افهمك كل حاجة
_بت قدامي
هو بيتكلم كدا ليه وانا ساكتة ليه
_انت بتتكلم كدا ليه
بغضب_قدامي
_الطيارة هتطير
_ما تتنيل
روحنا قعدنا على كافيه موجود في المطار
_عايزة تسفري ليه
_حاجة تخصني
_خلاص نتصل بعمي ونشوف كلنا الحاجة اللي تخصك دي
_اتصل
بصلي بقلة حيلة وحط التليفون على قدامه
_مريم عمي مش هيسكت وانا ماقبلش ليكي الاذى
تعالي نتكلم بهدوء
_هتزعل
_وانا مش زعلان دلواقتي وانا شايفك عايزة تسافري قبل كتب كتابك بيوم.
_صحبتي
_ماتكمليش انا مش بحب الكذب
_مش هعرف والله مش هعرف اقول، انا كل اللي هطلبه انك ترفض الجوازة دي
_السبب
_مش هعرف اقولك
_خلاص وانا هكمل الجوازة دي
سحبني من ايدي
_النداء الاخير الرجاء من السادة المسافرين الى فرنسا التوجه الى الطائرة
_بالله عليك ماينفعش الطيارة تفوتني
كمل مشي في طريقه
_عشان بحب
في اللحظة دي وقف مشي كنت منتظرة رده بصلي بكل هدوء و....
حطيت ايدي على خدي بصتله بصدمة، مسك ايدي تاني وكمل مشي اكنه ماعملش حاجة وهو لسه ضربني بالقلم، بحاول افك ايدي مش عارفة، وصلنا لحد العربية الطيارة طارت وخلاص كل حاجة ضاعت، فتح باب العربية ودخلني بهدوء وقفل الباب وركب جنبي، مش مستوعبة اللي عمله مش مستوعبة ان خلاص الطيارة طارت وفرصتي الوحيدة ضاعت
_ليه انا حاولت معاكِ خاولت انك تحبيني انا عارف لكن متوقعتش انه لسه في قلبك ماتوقعتش بعد دا كله تكوني بتحبيه انا ذنبي ايه ليه وافقتي من الاول
_مطلعني الغلطانة وانا الضحية انا اللي اتجبرت اني اوافق
سكت مردش عارف انه غلطان وعارف اني مليش ذنب ورغم كدا بيكابر
_____________
وصلنا البيت الكل كان صحي، دخلنا جوا الباب كان مفتوح
_مريم انت بتعملي ايه عندك، نور هو مش انت قولتي انها نايمة
_انا خبطت عليها مردتش قلت نايمة اكيد
_كنت فين والشنطة دي بتعمل اية معاكي
كنت لسه هتكلم لكن سيف رد
_كنت عايز اتكلم معاها شوية واتصلت بحضرتك ماردتش
_مافيش حد اتصل
_اكيد ماكنش في شبكة
_ممكن والشنطة
بصلي مش عارفة يقول ايه فاتكلمت انا
_دي بتاعتي ماعرفش مين اللي جبها برا
_عمي ممكن ثانية
خده وخرج يتكلموا برا وانا طلعت على فوق ونور طلعت ورايا
_مريم قولي الحقيقة كنتِ فين
_زي ما سيف قال
_و الشنطة
_كانت برا
_عمي اقتنع بالكلام دا لكن انا فهماكي لكن عايزة اسمعها منك حاولتي تهربي؟
_اه
_وسيف شافك
_اه
_غبية طول عمرك
_تتوقعي هيقول لبابا
_ماتوقعش لو عايز يقوله كان قاله اول ما شافه
_________________
كنت قاعدة على التليفون لحد ما بابا خبط على باب اوضتي
_اتفضل يا بابا
_ سيف قالي انك مش عايزة فرح وعشان كدا هتروحي بكرا مع غيث بعض كتب الكتاب
_نعم ازاي
_هو ايه اللي ازاي مش انت اللي عايزة كدا
_لا
_انا عارف انك مكسوفة، يله اسيبك عشان ورايا شغل كتير.
نهاره ابيض هو ازاي يعمل كدا انا لازم اتصل بيه اخليه يوقف الهبل دا
_تعالى دلواقتي في حاجة مهمة لازم نتكلم فيها...... ايه تحت حلو ماتمشيش انا نزلة
لبست الاسدال ولفيت الطرحة ونزلت، كان قاعد مبتسم
_انت ايه اللي عملته
_عملت ايه
_متعملش نفسك عبيط انت ازاي تقرر ان الفرح يكون بكرا
_براحتي هو مش كدا كدا هنتجوز يبقى خير البر عاجله وبعدين الشقة جاهزة
_خلاص وانا كمان برتحتي ومش هوافق على كتب الكتاب
شدني من ايدي وقعدني
_بقولك ايه انت استحلتها ايدك يا بابا
_اسكتي انا ماردتش اقول لعمي على اللي عملتيه
_انا مش موافقة
بحزن_هو انا وحش
_مش قصدي انت حلو وكويس واي حد يتمناك لكن انا مش هينفع ماينفعش اخلف وعدي ليه
_لمين
بصيت في الارض مش عايزة اشوف الحزن اللي في عنيه صعب ان يكون الحب من طرف واحد صعب جداً
_غيث
_بُصيلي، الفرح بكرا وهيتم وهتوافقي واعلى ما في خيلك اركبيه سلام
__________________
موجودة كاملة على صفحتي