🖤

💙جنه الوليد💙

 ‏جنه بصتلو بصدمه و ودت وشها الناحيه التانيه: م تلبس هدومك يجدع انت ناسى ان في واحده معاك ف الاوضه

 ‏وليد ضحك وقرب منها جامد لغايه م صلت للحيطه

 ‏وليد: الوحده دي تبقا مراتي

 ‏جنه اتكسفت: طب ابعد 

 ‏وليد قرب منها مبقاش فى مسافه خالص و جنه زقتو بعيد عنها ودخلت الاحمام

 وليد بابتسامه: انجوزت طفله

 ‏لبس وليد ونزل ل شغله

 ‏خالد: رايح فين

 ‏وليد: انت مالك

 ‏خالد: يبني كفايه حرام عليك..ظالم نفسك وظالمني معاك

 ‏وليد: ماشى حاجه تاني

 ‏خالد بتنهيد: هتنزل وامبارح كان فرحك..؟

 ‏وليد: هقعد اعمل اي 

 ‏خالد: مهما كانت ظروف جوازك من جنه...مينفعش تنزل النهارده

 ‏وليد: طب ماشى 

 ‏وليد طلع برضو راح الشغل بس كان نفسه يقعد بس مينفعش كل شويه تيجي ف دماغى كلام جنه لما قالت انا مبحبهوش ومش عايزاه

 ‏

 ‏(وصل الشركه دخل المكتب لقا عمر موجود)

 ‏وليد: انت بتعمل اي هنا..؟

 ‏عمر: الاه..! الحق عليا يعني ان قولت اخليك تتهني بيها شويه.. وبعدين اتكلم بغمزه :اه صحيح صباحيه مباركه

 ‏وليد: اتلم يلا انت عارف انا اتجوزتها لي

 ‏عمر: ماشى يعم هصدق

 ‏وليد: عملت اي مع حسام

 ‏عمر: قاعد فالمخزن ومتخرشم على الاخر

 ‏وليد: حلو دا ولبسه قضيه كام سنه كده يتربي كويس

 ‏عمر: حصل يابرنس

 ‏وليد: عايزك تروح لشركه ابويا وتشوفها ماشيه ازاى

 ‏عمر: طب متروح انت انا مش فاضى 

 ‏وليد: هيكون وراك اي يعني يلا انجز

 ‏عمر: ربنا ع الظالم 

   (خرج عمر وراح الشركه)

منه (السكرتيره) بدلع: الشركه نورت يا عمر بيه

عمر : منوره بيكي يقمر..هو خالد بيه موجود..؟

منه: لا بس فى واحده قاعده مستنياه جوه

عمر: ماشى هدخل اشوف مين وابعتي حاجه اشربها

منه: من عيوني

عمر دخل المكتب..

عمر: انتى..؟

هنا: ايدا عمر انت بتعمل اي

عمر: دي شركه عمي وانا هنا النهارده مكانه وانتي..؟

هنا: انا جايه اقابل خالد بيه علشان كان طالب مني تحاليل وجايه اسلمها

عمر: مستبتيهاش مع حد بره ليى..؟ وتحاليل اي اصلا..؟

هنا: مقدرش اتكلم غير ف وجود خالد بيه

(للعلم هنا دكتوره مخ واعصاب من دفعه جنه ولو كنت مقولتش جنه تخصص اي ف هي تخصص اطفال وبالمره بسنت مش دكتوره بس هي خريجه اعلام)

 عمر بقلق: طب التحاليل كويسه..؟

 ‏هنا: للاسف لا

 ‏عمر: ممكن تقوليلي في اي طمنيني واوعدك مش هقول ل اي شخص

 ‏هنا بصت بحيره: بس هقولك...........

 ‏عمر بنظره حزن وعينو دمعت: والعمل

 ‏------ ‏نسيبهم وبعدين نرجع نشوف حصل اي

 ‏------- ------عند فارس

 ‏فارس: اتفضلى

 ‏بسنت: شكرا واسفه ع كلامي امبارح

 ‏فارس: لا عادي ولا يهمك..بس انتي تعرفي جنه منين.؟؟

 ‏بسنت: اتعرفت عليها فالمستشفى لما كانت بتدرب واخويا كان تعبان وعرفتني على هنا ومن ساعتها واحنا صحاب

 ‏فارس: بسنت

 ‏بسنت: نعم

 ‏فارس: تتجوزيني..؟

 ‏بسنت بصدمه: انت بتقول اي

 ‏فارس: بقولك تت جو زيي ني..؟

 ‏بسنت ضحكت

 ‏فارس: ضحكت يعني قلبها مال..؟

 ‏بسنت: لا مش موافقه

 ‏فارس بحزن: لي..؟

 ‏بسنت: انا معرفكش ولا اعرف طبعك اي

 ‏فارس: م هيكون ف فتره خطوبه

 ‏بسنت: لا انا مش هخطب ولا هتجوز غير لما احبك

 ‏فارس حط عينو ف عينها: وانا هخليكي تحبيني

 ‏بسنت اتكسفت ومشيت

 ‏ فارس: بحبك من اول نظره

 ‏ -------- فالڤيلا

 ‏جنه: ازيك يعمو

 ‏خالد: الحمدلله يجوجو عامله ايه

 ‏جنه: الحمدلله بخير دامك بخير

 ‏خالد: فطرتي..؟

 ‏جنه: لا

 ‏خالد: طب تعالى ناكل مع بعض 

 ‏جنه: ماشى يلا

 ‏خالد بحزن: اول مره اكل مع حد دايما باكل لوحدي

 ‏جنه: هو وليد بيتعامل معاك كده لي

 ‏خالد بأسف: موضوع من طفولته لغايه دلوقتي مأثر عليه ولا عايز يتخطاه ولا عايز يسمعني

 ‏جنه: موضوع اي

 ‏خالد: مينفعش اقول هو هيجي ف يوم ويقولك..انا كل اللى عايز اقولهولك انك تحاولى تقربي منو وتغيريه شويه وخليه يحس انك بتثقي فيه 

 ‏جنه: انا مش محتاجه اخليه يحس انا فعلا بثق فيه جدا

 ‏خالد ابتسم: انا لو الموت اخدني دلوقتي هبقا مطمن على وليد معاكي واتمني تحبيه من كل قلبك هو بيحبك جدا

 ‏جنه: متقولش كده ربنا يديك طول العمر يارب.

 ‏

( عدي اليوم من غير اي شئ يذكر..فارس بيفكر ازاي يخلى بسنت تحبه..وعمر اللى مصدوم من الخبر وفالنفس الوقت فرحان ان في حاجه هتقربو من هنا..ووليد وهو مش عارف عايز اي او حاسس ب اي...وجنه اللى بتفكر ف كلام خالد و هل فعلا وليد بيحبها..؟)

جنه: اتعشيت..؟

وليد: لا

جنه: طب هنزل اجبلك عشا

وليد: لا مش عايز اكل عايز انام

جنه: ماشى براحتك 

وليد: مش هتصلى قبل م تنامي..؟

جنه: اه هقوم

وليد: طب يلا نصلى سوا

جنه بابتسامه وحماس: بجد..؟ ثانيه كده وهجهز ونصلى

وجريت ع الحمام علشان تتوضي..طلعت لقيت وليد مجهز سجاد الصلاه

وليد: انا اللى هصلى بيكي ممكن..؟

جنه بفرحه: اكيد

صلى بيها وكان صوته قمر اووي فالقرٱن خلصوا وكل واحد فيهم كان بيدعي للتاني.

جنه: صوتك حلو اووي

وليد ابتسم وحس ان فعلا فى حاجه اتغيرت برغم ان هو يومين اللى عاشهم مع جنه وفى راحه غريبه

وليد: مش هتنامي..؟

جنه: لا مش عايزه انام هقرأ قرٱن يمكن انام

وليد: مممم

جنه حست ان وليد تعبان شويه ف قرأت سوره لإسراء. 

 ” وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إِلاَّ خَسَارًا، وَإِذَا أَنْعَمْنَا عَلَى الإِنسَانِ أَعْرَضَ وَنَأَى بِجَانِبِهِ وَإِذَا مَسَّهُ الشَّرُّ كَانَ يَؤُوسًا، قُلْ كُلٌّ يَعْمَلُ عَلَى شَاكِلَتِهِ فَرَبُّكُمْ أَعْلَمُ بِمَنْ هُوَ أَهْدَى سَبِيلاً” صدق الله العظيم ♥️

 ‏وليد حس براحه بسبب صوتها وان الايه جات ف وقتها ونام.

 ‏------- يوم جديد

 وليد صحي بدرى زي كل مره وفضل سرحان ف جنه

 ‏جنه: صباح الخير

 ‏وليد: صباح النور

 ‏جنه: احم في حاجه..؟

 ‏وليد: لا بس كنت عايز اقولك حاجه

 ‏جنه: اتفضل

 ‏وليد: ...

------- يوم جديد

 وليد صحي بدرى زي كل مره وفضل سرحان ف جنه

 ‏جنه: صباح الخير

 ‏وليد: صباح النور

 ‏جنه: احم في حاجه..؟

 ‏وليد: لا بس كنت عايز اقولك حاجه

 ‏جنه: اتفضل

 ‏وليد: انتي عيونك حلوه كده لي (والله ووقعت😂♥️)

 ‏جنه اتكسفت وسكتت

 ‏وليد: احم قصدي يعني لسانك ظالم عيونك

 ‏جنه: طب بعد اذنك علشان مطلعهوش عليك دلوقتي

 ‏ وليد: هتروحي الشغل النهارده..؟

 ‏جنه: هو انت سخن النهارده..؟

 ‏وليد باستغراب: لا لي..؟

 ‏جنه: غريبه انك هادي كده وعيونك حلوه وبتسألني هروح الشغل ولالا فيك حاجه اكيد

 ‏وليد: تصدقى انا غلطان اني بتعامل معاكي ك انسانه عاقله

 ‏جنه ضحكت: خلينا العقل ليك يخويا

 ‏وليد: اخويا..؟

 ‏جنه: اه... وبعدين دخلت الحمام تاخد شاور

 ‏وليد: ماشى هنشوف اخويا دي هتفضل ل امتي

 ‏

 ‏--------- في بيت اهل جنه

 ‏

 ‏فاطمه: هي جنه هتفضل متكلمناش لغايه امتي..عايزه اكلمها وحشتني

 ‏فارس: هاخدك ليها النهارده 

 ‏فاطمه: بجد يافارس

 ‏فارس: اممم 

 ‏فاطمه : طب انا هروح البس الحقها قبل م تروح الشغل 

 ‏فارس: تمام

---------عند خالد فالمكتب

عمر: ممكن اتفضل..؟

خالد: ايوه يابني اتفضل

عمر: انا عايز اكلمك ف موضوع

خالد: اتفضل

عمر: انت هتفضل مخبى لغايه امتي على وليد؟

خالد: مش فاهم انت بتتكلم ع اي!

عمر: انا عرفت ب موضوع التحاليل...ومهما كان وضعك مع وليد لازم تتكلم معاه ..كده وضعكم هيسوء اكتر من الاول..هو انا ممكن يكون مليش الحق فالتدخل بينكم بس انت عمي قبل م تكون ابو صاحبى وهو ابن عمي قبل م يكون صاحبى..ووضعكم كده بصراحه مش عاجنبى هو عنيد وانت مش عارف تاخدو ف حضنك وتفهمه

خالد بحزن: انا اعمل اي يبني هو زي م قولت عنيد وانا مش عارف اعمل اي معاه..ومقدرش اقوله على اي حاجه دلوقتي هو لسه بيبدأ حياه جديده..وعلشان خاطري ياعمر ولو ليا خاطر عندك متقولش حاجه ل وليد

عمر: انا مش هقول حاجه دلوقتي بس موعدكش اني هفضل مخبى كتير..علشانك قبل علشانه عن اذنك

هو وطالع لقي هنا كانت داخله ل خالد وعمر مضايق وعمل نفسه م شفهاش :(

هنا: عمر استني

عمر: نعم عايزه اي

هنا: انت بتكلمني كده لي

عمر: بجد انا مش طايق نفسى أنجزي عايزه اي

هنا: لا مش عايزه منك ..واسفه ان كنت هسأل عليك عن ازنك 

عمر: يوووه بقا

----------فالفيلا

عم فرج: ياست هانم ياست هانم

جنه: اي يعم فرج وبعدين انا مسميش ست هانم اسمي جنه

عم فرج: معلش يبنتي متعودتش 

جنه: مش مشكله ..كنت عايز اي

عم فرج: الهانم ام حضرتك والاستاذ فارس قاعدين فالجنينه مستنيينك ومش راضيين يدخلوا

جنه: ماشى يعم فرج قدملهم حاجه يشربوهم وانا هجيب شنطتي وانزلهم

عم: ماشى ياست هانم

جنه طلعت لاوضه وهي مش عارفه تروح ف حضن امها ولا هي لسه واخده على خاطرها منها

وليد: في اي سرحانه ف اي

جنه: ماما تحت فالجنينه هي وفارس

وليد: لى مدخلوش جوه وانت زعلانه لي

جنه بصت وسكتت م هي ازاي هتقولو انها زعلانه منهم علشان وافقوا عليه..!

وليد فهم سكوتها حط ايدو على كتفها وحاول يبتسم برغم انو زعلان ان جنه لسه مش عارفه تنسى: بصى انا مش هقولك انك غلطانه ..بس عايزه اقولك انك محتاجه حضن امك دلوقتي اكتر من اي حاجه عايزه تعاتبيها عاتبيها بس بعدك كده عنها ولا هيقدم ولا هيأخر بالعكس انتو الاتنين هتتعزبوا امك هتحس بالذنب وانتي مش هتبقا عارفه تسمحيها...ويمكن تندمي على الوقت اللى مستغلتيش فيه حضن امك زي م غيرك لغايه دلوقتي ندمانين.

جنه ابتسمت : شكرا

وليد هز راسو وسكت..جنه نزلت ل امها وحضنتها جامد وفضلت تعاتبها وفالنفس الوقت حضتنها وبتقولها قد اي هي وحشتها...وكل دا ووليد فالبلكونه بيتفرج وزعلان حاسس انو السبب في ان جنه بعيده عن اهلها وفى خلاف بينهم

فارس: طب اي مليش من الحب نايب ..؟

جنه ضحكت: انت وحشتني اووي يافارس

فارس: وانتي كمان يحببتي..يلا استأذن انا هروح الصيدليه يلا يماما

جنه: لا خليكم شويه لسه مشبعتش منكم

فاطمه: لا يبنتى انا خلاص اطمنت عليكي وهو لازم يروح يشوف شغله

جنه: ماشى يماما هتوحشيني

فاطمه: سلام يبنتى

 فارس اخد فاطمه وروح البيت... جنه طلعت تشوف وليد منزلش لي واتأخر لي

جنه: انت منزلتش لي..؟

وليد: محبتش اتدخل بينكم اكتر من كده

جنه: طب يلا مش هتوصلني للشغل..؟

وليد: لا معايا مشوار الاول يبقا خلى السواق يوصلك

جنه بحزن: طيب...مشيت لغايه الباب وبعيد بصلت ل وليد: انت كويس..؟

وليد: ااه

جنه: ماشى سلام

وليد: سلام

::::::::::::::::::ف عياده هنا

الممرضه: في كشف مستعجل يادكتوره

هنا: ماشى دخليه

الممرضه: تمام

عمر: اسف

هنا: هو انت..!

عمر: ايوه انا اومال شبح..؟

هنا: بعد اذنك اطلع بره معايا شغل

 ‏

 ‏