🥀

💙جنه الوليد💙

عمر: مالك مضايق لي دا حتي احنا ف فرح

وليد: مش عارف مش مرتاح

عمر: طب افرد وشك وروح بارك

وليد: ماشى..وفعلا راح ليهم

حسام: اهلا اهلا وليد بيه

وليد: مبروك

جنه بزعل: الله يبارك فيك

وليد: عن اذنكم

وليد هو وطالع من القاعه فجأة اشتغل فيد

-الفيد كان من مكتب وليد وهي بيقرب من جنه ( فاكرين اليوم دا..؟) وصور وهما فالطياره لما فضلت جنه ف حضنه علشان كانت خايفه

حسام: طبعا مصدومين مين اللى شايفينوا صح..؟

فاكرين ان انا هخطب ولا هتجوز وحده زيها...

لالا طبعا الهانم الدكتوره قاعده ف حضن مديرها وفالاخر جايه تقولى اتجوزني يحسااام ..عايزناني ادارى ع فضيحتها ..فاكراني اهبل ومختوم على قفايا..

جنه منهاره: انت بتقول اي يحقير

حسام ضربها بالقلم: انا حقير يمعفنه دا انتي مشوفتيش ساعه تربيه

فارس: انت ازاى تمد ايدك عليها..وفضل يضرب فيه

عمر: قسما بالله هندمك عمرك كلو يحسام

جنه وهي منهاره ومش عارفه بيحصلها كده لى: خلااااااص خلااااص مش عايزه حد فوشى خلاص ابعدوا عني بقااا كفااايه

وليد: استني

جنه: عايز مني اي كلوا بسببك..قولتلك لا مش عايزه اركب طياره بخاف منها وانت اصريت عاجبك كده

وليد: بس خلاص اسكوتى

حسام هو وبين ادين عمر وفارس: اي ياوليد مش عايز تبرر موقفك انت كمان

وليد قام ادالو باابوكس: لا هبرر يروح امك

وليد وقف على واخد ميكروفون: انا المفروض مش محتاج اقول ان كل دا غلط وانها لعبه وسخه من واحد اوسخ وان جنه مفيش انضف منها ولا عمري هقابل واحده ف ادبها واخلاقها..بس كل اللى اقدر اقوله..وقام مشي لغايه م وصل ل جنه ونزل ع ركبته

وليد: تتجوزينى..؟

جنه لسه منهاره ومصدومه وفاضله ساكته

وليد قرب من ودانها وهمس: مش هكررها تاني وهسيبهم يتكلموا عندك لغايه الصبح..وبعدين بعد

وليد: تتجوزينى..؟

جنه بصت ل اخوها هو هز راسه بمعنى وافقى

جنه اكتفت ب انها هي كمان تهز راسها بمعني موافقه

وليد طلع خاتم ولبسهولها (هتقولولى من فين جاب الخاتم هقولكم كان مشتريه علشان يديه ل هدي)

الناس كلها نسيت الفيد وفضلوا يسقفوا ووليد حضن جنه 

حسام: والله م هسيبكم دا انتو عيشتكم هتبقا سودا

وليد بص لعمر وعمر فهم ومشا ب حسام وفارس معاه

 والكل كان هيمشى 

 ‏وليد: استنوا محدش يمشى

 ‏الكل بص لبعض وجنه بصتلو

 ‏وليد بهمس: بتثقى فيا..؟

 ‏جنه هزت راسها بمعنى ايوا

 ‏وليد: وانا عمرى م هعملك حاجه تضرك

 ‏وليد مسك الميكروفون: انتو طبعا مهما قولت عمركم م هتصدقوا غير اللى شوفتوه..وانا علشان امنع كلامكم بعد م تمشوا ف حق جنه انا هكتب عليها دلوقتي

 ‏الكل التصدم وجنه كمان..

 ‏جنه: انت بتقول اي لا طبعا مش موافقه

 ‏وليد: كل دا علشان مصلحتك و علشان امك الغلبانه..متفتكريش انى عايزك بجد..وكلها كام شهر وابقا اطلقك

 ‏فاطمه: انت بتقول اي يبنى لا طبعا واحنا مش جاهزين واخوها مش هيوافق

 ‏فارس من وراهم: انا موافق

 ‏جنه: انت بتقول اي

 ‏فارس: مفيش حاجه هتمنع الناس انها تتكلم عليكي غير الحل دا

 ‏جنه: لا اكيد انت بتهزر انا من امتي بيفرق معايا كلام الناس

 ‏فارس: المرادي مش زي اي مره ولازم توافقي

 ‏جنه وعنيها بقت فيا دموع: بس انت كده بتخصرني

 ‏فارس حط ايدوا علي كتفها: متقلقيش وليد هيعرف يصونك

 ‏جنه: بس انا مش بحبه مش عايزاه

 ‏الكلمتين دول كسروا قلب وليد بس فضل ساكت

 ‏عمر: انا مش من حقى ادخل بس عايزه اقولك ان دا افضل حل حتى لو كلنا مش موافقين

 ‏جنه مسحت دموعها: ماشى موافقه

 ‏وليد: المأذون بره

ايد وليد ف ايد فارس ووليد بيكرر ورا المأذون

المأذون: هل تقبل الانسه جنه فضل الدين زوجه كل فالسراء والضراء فالمرض والشفاء والفقر والغنى

وليد: اقبل

المأذون: هل تقبلى الاستاذ وليد خالد الهواري زوج لكي السراء والضراء فالمرض والشفاء والفقر والغني

جنه سكتت شويه واتكلمت ب نبره مجروحه : اقبل

 ‏ المأذون: بارك الله لكماا وبارك عليكما وجمع بينكم ف خير

 ‏فاطمه زغرطت والناس سقفت وكل كان مبسوط ماعدا جنه

الخطوبه اللى اتقلبت فرح خلص والناس مشيت..

هنا: طب اي هتفضلوا كدا كتير مفيش كلمه حلوه للتاني واحنا نقولهم ليكم بيت يلمكم ونضحك والشغل دا

عمر: والله وطلعتي يجنه عندك صحاب بيفهموا اتعلمي منهم بقاا

بسنت: هو انا اتأخر عليكم..؟

هنا: لالا طبعا الناس كلها مشيت وحصل اكشن كتير ولا كأن صحبتك النهارده فرحها

بسنت: اسفه والله ياجنه في واحد منو لله كان المفروض اروح اقابله علشان اخد منو العلاج مجاش وانا اتأخر ومعرفش المكان فين وحوارات كده

فارس جي من وراها: يلا يجنه السواق بره

بسنت: انت..!

فارس: ازيك ي انسه بسنت

هنا ضحكت: هو دا اللى منو لله

عمر ضحك وعلى عليها: اللى كان المفروض تقابله

وخبطوا ادينهم على بعض 

بسنت: حسبى الله فيكم

فارس: انا مش فاهم

عمر: لا ولا يهمك يابرنس..اسيبكم بقا سلام

هنا: وانا كمان همشى يلا يبسنت

بسنت: استني مسلمتش على جنه.. مبروك يجنه

جنه بتحاول تخبي حزنها بابتسامه: الله يبارك فيكي

بسنت: اسفه جدا ملحقتش ...

جنه قطعتها: لا عادي ولا يهمك 

هنا: يلا بقا يبسنت

بسنت ل هنا: هي مالها زعلانه لي اللى جنبها دا لو كان بس الكراش لاكون اسعد واحده

هنا: تعالى بره وانا هحكيلك

.....نرجع ل جنه ووليد

فاطمه بدموع: هتوحشيني منكنتش فاكره انك هتسبيني بسرعه كده

جنه: ومين قالك اني هسيبك انا مروحه معاكي

وليد واخيرا نطق 

وليد: انتي دلوقتي مراتي واما مسمحش ان مراتي تبات بره

فارس: يلا يجنه ع بيت جوزك

جنه بصت ل اخوها وامها واتكلمت بدموع: انتوا ديما بتفرضوا رأيكم عليا بس انا المرادي مش مسمحاكم وانتوا خسرتوني وللابد ..

جريت وراجت وركتب العربيه

وليد: متقلقوش عليها انا هعرف اتصرف معاها

فارس بنظره خوف وحزن ع اختو: خلى بالك منها 

وليد بابتسامه: ف عنيا

 وليد راح ورا جنه وجنه كانت منهاره م العياط

 ‏وليد ركب العربيه وراح بيها على الفيلا

 وليد: يلا انزلى وصلنا

 ‏جنه فضلت ساكته ونزلت

 ‏اول م دخلت الفيلا

 ‏عم فرج: اهلا اهلا بالحبايب

 ‏جنه ابتسمت

 ‏وليد: خد الشنط ودخلها جوه

 ‏عم فرج: حاضر يابني

 ‏وليد: تعالى اوركي الاوضه

 ‏خالد: م لسه بدري...اهلا اهلا ازيك ي جنه ي بنتى وانا اقول لي الفيلا نورت

 ‏جنه: شكرا يعمو دا من زوقكك

 ‏وليد: المرادي جايب جنه م ع اساس انها وحده موظفه عندي او دكتوره..جايه ع اساس مدام وليد الهواري

 ‏خالد بفرحه وصدمه ف نفس الوقت: ايدا ازاي مبروك يبنتى والله ولاول مره وليد يعمل حاجه تفرحني

 ‏جنه بتعب: الله يابارك فيك

 ‏وليد: بعد اذنك عايزين نرتاح..

 ‏خد ايد جنه وطلع بيها الدور بتاعو

 ‏وليد: اوضتك اهي

 ‏جنه: وانت هتنام فين

 ‏وليد:....

 ‏جنه: نعم يلااا...؟! 

وليد: اوضتك اهي

 ‏جنه: وانت هتنام فين

 ‏وليد: هنا معاكي

 ‏جنه: نعم يلااا...؟! 

 ‏وليد: هو انتي مش مراتي ولا اي..؟ وبعدين دي اوضتى انام فين انا

 ‏جنه: طب بقولك اي.. عارفه لو شفت حركه كده ولا كده هعمل فيك اي..؟

 ‏وليد بنظره استفزاز: ولا تقدرى تعملى حاجه.

 ‏وبعدين يلاا اتخمدي ورانا شغل بكره

 ‏جنه: بقولك اي يلا انت تتكلم معايا باحترام مش كفايه اني اتجوزتك غصب عني.

وليد: لا حوش حوش انا اللى دايب ف هواكي يبت ..وبعدين اي يلا دي انتي بتكلمي واحد صاحبك

جنه: هو انت تطول اصلا

وليد: طولت وبقيتي مراتي

جنه اتكسفت: طب يلا اطلع بره عايزه اغير هدومي

وليد: انا هقعد هنا وانتي ادخلى غيري فالحمام

جنه: ماااشيي

دخلت اخدت شاور ونسيت م تجيب هدوم ليها

جنه: يخربيتك هيقول عليكى اي دلوقتي..ف واحده تنسى تاخد هدوم معاها الحمام..لازم تنسى دلوقتي.. 

و فجأه سمعت صوت باب بيتقفل..

جنه: دا اكيد هو خرج..يلا اطلع اخد حاجه البسها بسرعه قبل م يجي

طلعت بصت يمين وشمال ملقيتش حد..راحت علشان تاخد بجامه من شنطتها

وليد: احم احم

جنه بخضه: انت هنا بتعمل اي

وليد وهو بيقرب: قاعد ف اوضتى 

جنه: بس انا سمعت صوت باب

وليد: روحت جبت حاجه ناكلها علشان جعان

جنه بتوتر: طب ابعد متقربش طيب

وليد: مش انتي مراتي برضو وعادي مش حرام

جنه: ابعد بدال م اصوت والم عليك الناس

وليد ضحك وبعد عنها: طب يلاا خلصى علشان ناكل

جنه: قليل الادب

وليد: سمعتك على فكره

جنه: وانا عايزاك تسمع عادي

لبست البجامه وطلعت

وليد ف سره: قمر حتي فالبجامه

 جنه: بتقول اي..! عارف لو كنت بتشتم ههزقك

 ‏وليد قرب منها: في واحد تقول لجوزها ههزققك

 ‏جنه: لما اعتبرك جوزي الاول

 ‏وليد: عارفه قطع لسانك هيكون على ايدي

 ‏جنه وهي بتبعد ايدو: متقولش كلمه انت مش قدها..ويلا عايزه اكل

 ‏وليد ضحك واكلو وخلصوا اكل

 ‏وليد: هنام ومش عايز اسمع صوت وانتي تنامي بدرى علشان بكره معانا شغل كتير

 ‏جنه: هصلى الاول وبعدين انام

 ‏وليد : هو انتي بتصلى..؟

 ‏جنه: هو مش المفروض اننا مسلمين والصلاه اول حاجه هنتحاسب عليها..؟

 ‏وليد: اممم

 ‏جنه قامت دخلت الحمام علشان تتوضى

 ‏جنه: ايدا انت مش قولت عايز تنام

 ‏وليد: قولت اصلى انا كمان قبل م انام بدال م تفتكريني كافر ولا حاجه

 ‏جنه بابتسامه: مليش الحق اقول عليك كده..هو انت اه غريب وغامض بس مليش الحق اقول كده

 ‏وليد: طب يلا مش هنصلى

 ‏جنه: انت هتصلى اي..؟

 ‏وليد سكت ..

 ‏جنه فهمت : تعالى نصلى قيام الليل..انت عارف اهميه قيام اليل اي.؟

 ‏وليد هز راسه بمعني لا..جنه مسكت ايده وراحت بيه على السجاده الصلاه وقعدتوا..

 ‏جنه: بص يسيدي القيام دا مش فرض بس اجمل حاجه في الدنيا وبيوصلك لمكان عالية جداً . عند الله سبحانه وتعالى و بيريح القلب والعقل وبيقربك من ربنا اكتر وهو افضل صلا بعد الفريدة وسنة مؤكدة عن الرسول صلى الله عليه وسلم يعني لازم تكون بتصلي عشان تصليها بس أنت عايز تصلي فا خلينا ندء منها ولها اجر عظيم وكمان لما تبدء تصلي وتصلي قيام الليل كمان هيجبر نقص صلاوتك إللي فاتت زمان وتكتر من السنن لو عندك زنب مش قادر تبطله او تعبك دا ببساعدك علي انك تبطله وبيكفر عن سيئاتك وبيكتر حسانتك والرسول قال ايه من قام بعشر ايات لم يكتب من الغافلين ومن قام بمئة ايه كتب من القانتين ومن قام بألف ايه كتب من المقنطرين )الغافلين يعني الغافلين عن ذكر الله والقانتين الخاشعين والمقربين من ربنا والمقنطرين يعني لهم اجر عظيم لا يعمله إلا الله وكمان بيزيد شرفك وكرامتك عند الله وكمان سبب من اسباب استجابة الدعاء وكمان القيام مش دا اذکار وصلاة وقراة قرآن وتصليه ركعتين ركعتين وتختم بوحده إللي هي الوتر وكمان لو أنت انتظمت علي القيام وبقي عندك زي الفرد لو في يوم مصلتيش الملائكة هتروح لربنا وتقوله وهيفضلو يدعولك صلاة وبس ها ايه رأيك.( منقول♥️)

 ‏وليد بصلها بفخر وحزن ف نفس الوقت: يلا نصلى

 ‏صلوا وخلصوا صلاه ..

 ‏جنه: انت هتنام فين

 ‏وليد: رجعنا 

 ‏جنه: انا بتكلم بجد

 ‏وليد: بقولك اي يابت الناس انا ورايا شغل بكره كتير..انا هنام ع السرير وانتي جنبى

 ‏جنه: لا طبعا مش هنام جنبك

 ‏وليد: خلاص نامي على الأرض

 ‏جنه ببراءه: وانت ك راجل هتسمح ل مراتك تنام على الأرض

 ‏وليد: اهووو واخيرا اعترفتي انت مراتي يعني مفيهاش حاجه ويلا بالله عليكى هموت وانام

 ‏جنه: يوووه 

 ‏وليد بابتسامه: مش عايز صداع

 ‏-------------- ----- ------ ---------------

 ‏اشرقت الشمس معلنه يوم جديد

 ‏-------------- ---------- ------ ----------

 ‏وليد صحي ك عاده بس المختلف ان في واحده جميله جنبه سرح ف جمالها وبرأتها وهي نايمه

 ‏جنه بدأت تصحى وفتحت عينها بصعوبه

 ‏جنه: اععععع انت بتعمل اي

 ‏وليد: يخربيتك على اول الصبح مالك شوفتي عفريت

 ‏جنه: يعم بوراحه علينا مش متعوده اصحي لاقي شحط قدامي

 ‏وليد: شحط...؟..طب مش خايف الشحط دا يرفدك..؟

 ‏جنه: والله تبقا عملت فيا خير..اهو مش هبقا اشوفك فالشغل وفالبيت

 ‏وليد: عندا فيكي مش هرفضك والشغل النهارده مضاعف

 ‏جنه بتحدي: ومين قالك اني هروح النهارده اصلا

 ‏وليد: واى اللى هيمنعك.

 ‏جنه: واحده كان فرحها امبارح تروح الشغل النهارده ازاى..؟

 ‏وليد: طب اي رأيك نخليها فرح بجد وسعتها متروحيش

 ‏جنه بعدم فهم: مش فاهمه

 ‏وليد بغمزه وقرب منها: مش فاهمه قول نفهمك فعل

 ‏جنه استوعبت كلامه..زقته وقامت: تصدق انك قليل الادب بجد

 ‏وليد ضحك: طب يلا علي شغلك

 ‏جنه بتعب: بجد والله م قادره اروح..

 ‏وليد: ماشى المرادي بس..وهبعت حد يجبلك شغلك تخلصيه هنا

 ‏جنه: حرام بجد

 ‏وليد: خلاص تعالى معايا

 ‏جنه: لالا مش مستعده اشوف حد دلوقتي ماشى تمام خلى حد يجيب الشغل

 ‏وليد فهم كلامها ودخل الحمام ياخد دوش وطلع كان حاطط الفوطه ع وسطه بس

 ‏جنه بصتلو بصدمه و ودت وشها الناحيه التانيه: م تلبس هدومك يجدع انت ناسى ان في واحده معاك ف الاوضه

 ‏وليد ضحك وقرب منها جامد لغايه م صلت للحيطه

 ‏وليد: الوحده دي تبقا مراتي

 ‏جنه اتكسفت: طب ابعد 

 ‏وليد قرب منها مبقاش فى مسافه خالص وووو..

يتبععع

 ‏اسراء عبدالدايم