❤️

-خليكي زي اختك بقى بتشتغل وبيجلها عرسان مش انتي معاقه وملكيش أي لازمه. مش عارفه ابوكي كان بيحبك على ايه 

هل يعقل أن يكون في أم هكذا تعاير ابنتها على شئ هي لم في يديها شئ لتغيره؟ !

حاولت أبين نفسي قويه كل شويه تسمعني نفس الكلام مش ذنبي أن اتولدت كده دايما بتفرق بيني وبين تالا اللي المفروض أنها اختي وانا بنتها زي زيها دايما بتحبها اكتر مني 

دخلت اوضتي وفضلت اعيط زي كل يوم ومحدش حاسس بالي جوايا لحد ما نمت مكاني وبتمنى ان حتى اصعب عليها وتعاملني لو شويه صغيرين من معامله تالا

صحيت على حد بيخبطني برجله في ظهري زي العاده 

-قومي يلا اغسلي المواعين وامسحي الشقه أظن مش لازم اقولك الكلام ده كل يوم انتي بقيتي عارفه شغلك 

-خليها بكره بجد مش قادره رجلي وجعاني اوي 

-مليش دعوه قومي يلا اومال هتفضلي قاعده زي الهوانم 

-انتي بتعامليني كده ليه هو انا مش بنتك ليه مش بتعامليني زي تالا ليه هي كمان متعملش زي ما انا بعمل على الأقل هي كويسه وبتقدر تمشي على رجليها 

اول مره ارد واطلع اللي جوايا بس مفيش فايدة ياريتها حتى ردت عليا دي بصتلي بصه كأني من الشارع 

قومت وانا مش قادره من الوجع وابتديت اعمل ولا حد بيساعدني حتى 

-انتي قعدتي ليه ما تقومي تخلصي ولا كأني مخلفه بنت

لدرجادي مفيش رحمه مكنتش حتى شايفه ايدي اللي بتنزف دم لما اتعورت وانا بغسل المواعين

قومت لأن مش قادره ادخل في أي نقاش

 وافتكرت بابا الله يرحمه لو كان عايش مكانش هيحصل ده كله كانت بتعملني قدامه حلو عشان ميبقاش ليا نصيب في الورث كبير يبقى النصيب الأكبر ليها هي وتالا 

-ربنا يرحمك يا حبيبي ويجعل مثواك الجنه

خلصت وخدت شاور وصليت ولقيت نفسي جعانه دخلت المطبخ اشوف أي حاجه اكلها لحد ما سمعت

-هتبقي أحلى عروسه يا تالا

-حبيبتى يا مامتي 

-نفسي اخلص بقى من اختك دي كل عريس يجي يرفضها بسبب اعاقتها

-سيبك منها اهي بتروق و بتعمل شغل البيت اعتبريها خدامه 

-صح يا تالا خليني فيكي يا عروسه 

نزلت دموعي كالشلالات ياااه لو مكانتش معاقه كنت هبقى زي تالا بس لا لا انا مؤمنه بربنا واكيد انا احسن منها بس ليه بيكرهوني كده 

لحد ما لقيت صوتي تليفوني بيرن 

-ايوه يا كارما يا حبيبت عمتو عامله ايه 

دي بقى الوحيده اللي بتخفف عني ودايما معايا حتى بعد وفاه بابا وعمر ما معاملتها اتغيرت بتعاملني كأني بنتها 

حاولت اطلع صوتي عادي 

-ايوه يا عمتو كويسه الحمدلله انتي عامله ايه ورحمه وعمر ومصطفى عاملين ايه 

-كلهم بيسلموا عليكي. مالك يا كارما حاسه ان فيكي حاجه هي العقربه ناديه هي وتالا عملولك حاجه 

-لا يا عمتو انا مخنوقه شويه بس 

-خلاص تعالي اقعدي شويه معايا ورحمه مستنياكي 

ما انا قولتلك تعالي اقعدي معانا وسييك منهم وانتي فكره نفسك هتاخدي حته من الشقه ده انتي هتنوريني 

-خلاص هبقى اجي يا عمتو بدل القاعده دي

-في أي وقت ده بيتك يا كارما مش لازم اقولك الكلام ده 

امتلئت عيونها بالدموع وكم تمنت أن تكون امها مثل عمتها بهذه الحنيه ولكن أن أكتب لها أم تعيرها بمرضها وتقسو عليها

فكرت في كلام عمتو انا زهقت من هنا زهقت من كلامهم عليا زهقت من تفرقتها لينا احنا الاتنين رغم أن احنا الاتنين بناتها 

مش انا بقى خدامه انا بقى همشي ومش راجعه هنا تاني وده اللي قررت اعمله الصبح 

خرجت في الريسبشن اتفرج على المسلسل اللي بحبه 

-كارما حبيبتي وروحي واختي 

-بنتي الكبيره اللي كبرت خلاص

هي العالم دي مجانين ولا ايه اكيد عيزين حاجة لمصلحتهم 

-عيزين ايه 

-بصي يا كارما انتي بنتي وانا عارفه مصلحتك الشيخ محمد متقدملك الملياردير ده وهتعيش في القصر وخداميين وفلوس اد كده وطبعا مش هتنسي امك واختك 

دول كمان بيبعوني عشان الفلوس لواحد اكبر مني باربعين سنه هو انا مش فارقه معاهم كدة؟ !!!

-وأنا مش موافقه 

-يعني ايه مش موافقه ده احنا مصدقنا حد رضي بيكي انتي المفروض تبوسي ايدك وش وظهر 

ده الكلام اللي عندي وكتب كتابك الخميس الجاي

لا لا مش هينفع استنى للصبح مع العالم دي انا هستنى يناموا وانا هتصل بعمتو تبعتلي حد ياخدني

-الو يا عمتو 

-ايه يا حبيبتى في حاجه حصلت ولا ايه

حكيت لها اللي حصل 

-كده مش هينفع انا هبعتلك مصطفى تحت البيت وانتي لمي حاجتك وتعالي لأنك مش هترجعي تاني

-خلاص ماشي 

لميت حاجتي وانا مش عارفه ليه بيحصلي كده فضلت ادعي ربنا كتير 

-يلا يا كارما خلينا نمشي من هنا 

-عامل ايه يا مصطفى 

-الحمدلله تمام ما قولنلك تيجي تقعدي معانا من الاول

-خلاص جيت وهقرفكوا 

-لا ده انتي تنورينا مش متخيله اد ايه ماما ورحمه عيزين يشوفوكي 

-وأنا كمان وحشوني اوي

وصلو وسلمت عليها عمتها وكانت فرحانه أن هي معاهم ورحمه اللي كانوا صحاب اوي وقعدتهم اللي مبتخلاش من اللعب والهزار والضحك

كان نفسها تكون في عيله كدة والحمدلله لقت ده في عيله عمتها اللي عمرهم ما زعلوها 

-عمتو احنا عيزين نروح قبر بابا بكره 

-خلاص يا كوكي كلنا نروح بكره 

روحت هناك وفضلت اتكلم معاه وعن كأنه قدامي اد ايه وحشني اوي 

وقريت قرأن وسقيت الزرع زي كل مره وروحت وكنت مبسوطه اوي لأن اتكلمت معاه كتير عن كل مره 

-ماما الحقي تالا مش في البيت ولا هدومها 

-ازاي ده حصل هو البيت مفيش حد يحكمه 

-اتلاقيها هربت مع حد 

-لازم تيجي كتب كتابها بكره والراجح وعدني هيديني شركه من شركاته ونكبرها ويبقى هو ياخد ورثها لما تبقى على اسمه 

انا لازم اجبها 

-ماما صحيح هو ليه مهتم بورث كارما رغم أنه هو ملياردير وكده 

-مش عارفه أنا المهم اخد الشركه وابقى المديرة بتاعتها

-طب يلا نروح 

-يلا 

------------------------

 -أهلا بعريسنا 

-عريس ايه بس انت ما صدقت انت عارف انا هتجوزها ليه

-ده كله عشان الأرض 

-آه بيقولك تحت الأرض اللي كتبهلها ابوها آثار اد كده لما سألت وعرفت دي تبع مين قالولي قولت مش لازم اسبها من أيدي 

-يخربيت دماغك 

-اومال انت فكرني ايه انا مش أي حد برضو 

-آه انت هتقولي بس انت هتعمل فيها ايه 

-أول ما أضمن الورث بتاعها هرميها في الشارع 

-طب والشركه اللي قولت هتديها لامها 

-أنت ما بتصدق ده عشان تسكت بس 

------------------------

-مين اللي بيخبط كده 

قام مصطفى يفتح الباب فتح وعرف مين دول

-عيزين ايه 

-عيزه بنتي المفروض ترجع في بيت ابوها وفي حضن امها واختها 

سمعت صوت بره وعرفت أن هما جم ياخدوها عيطت لانها مش عيزه ترجع لذل والإهانة تاني حاولت رحمه تهديها وتقولها أن محدش يقدر ياخدها 

-محدش هياخدها حضن أم ايه اللي بتتكلمي عليه هي هتقعد في بيت عمتها 

-أنت ملكش دعوه دي بنتي والمفروض تقعد معايا وسع كده 

مسكها من ايديها اطلعي بره ملكيش بنات هنا

خرجت بس وهي بتخطط لحاجه 

راحت لشيخ محمد وعرفته أن دول خطفنها وهو رتب أن ناس من عنده يروحوا ياخدوها ويكتب الكتاب علطول عشان بكده هتبقى مراته ومحدش هيقدر ياخدها 

------------------------

صحيت من النوم وحاولت تفتح عينيها بس مش قادره كل اللي فاكره ان حد رش عليها مخدر ابتدت تفتح عينيها وهي مش عارفه تتعرف على الاوضه دي اول مره تشوفها 

لقت الباب بيتفتح ودخل واحد كبير في السن الشيخ محمد بس هي أول مره تعرفه 

-يلا المأذون تحت عشان كتب كتابنا 

دلوقتي هي عرفت مين ده 

-لا انا مش موافقه 

مسكها من شعرها -أنا معنديش حد يقولي لا قومي انا مستني تحت 

خافت منه حاولت أن هي تهرب بس مش عارفه 

دعت ربنا كتير انه يفضل معاها وان هي تعيش حياة هاديه مش عيزه اكتر من كده 

-هو انا مش قولتلك انزلي بعدي علطول اظاهر أن هتعبك معاكي كتير 

-خلاص اهو 

نزلت وتم كتب الكتاب وهي حزينه أن بيحصلها كده 

-------------------------الحقني يا بني في حد خطف بنت عمك 

-متقلقيش انا عرفت ان امها عيزه تجوزها لحد عنده أربعين سنة عشان طمعها انا هروحله 

-ربنا يحفظك يا بنتي وترجعي لحضني تاني 

-----------------------

هتسمعي كلامي مش هعملك حاجه مش هتسمعي هندمك على اليوم اللي جيتي فيه الدنيا 

في واحد تحت باين أن هو قريبك هتنزلي زي الشاطري وتقولي أنك مش مجبوره على حاجه وانك حابه تعيشي معايا فاهمه ؟

مكنتش عارفه اقول ايه فينك يا بابا خدني عندك انا زهقت 

-قالها بصوت أعلى :فاهمه ولا لا 

-فاهمه

بالفعل قالت كده بس مصطفى عارف ان هي مغصوبه بس مقدرش يعمل حاجه راجع لعمتها وحكالها اللي حصل فضلت تعيط على بنت اخوها وهي مش في ايديها حاجه تعملها 

------------------------بعد كده بانت حقيقه الملياردير وخد الأرض بس للأسف اتحبس 

ومامت كارما ندمت وعرفت أن الفلوس مش كل حاجه 

حاولت أن هي تعوض كارما على اللي عملته فيها 

وكارما اللي كانت نفسها حد يحتويها وكانت تالا معاها وندمت هي كمان على اللي عملته في اختها وعاشوا حياه جميله خاليه من الطمع ❤

بقلمي ....حنين مجدي