🌐🌐🌐🌐
PC Nghaklianmawia
*Hringnun:*
(04.03.2020)
*THIHNA KARA PASALTHA*
(Humanity in times of horror)
Hindu leh Muslim inkara buaina chuan Delhi khawpui a la rumthaih tluang zel a. Mitthi pawh 48 zet an tling ta. Sakhua avanga intualvuakna a thleng a, tuihawk luankawrah ruang an chhar nawlh nawlh a. Thih ngamin an inseh a, tiang leh lung, hmanraw remchang apiang chuhin thih ngamin an in hmachhawn a, remna siam tuma bân phar pawh awm se an mit vaiin an hmelma hmuh vek tho ange tih tur khawpin chhungril thinurna sosangin a bual ât tawh, thalai thisen lum leh boruak lum bawk kara nun khawchhuah tum chu harsa ve tak tur a ni. Delhi hmar chhak lamah thihna chuan thla a zar a, thinrimna, phuba lakna leh invau leh inrikrapna thawm ngaihnawm lo zet zet chun nu nau, hmeichhia leh naupang pawh zuah lovin a rumthaih mek a ni. He buaina leh inhmelmakna karah hian hringnun mawi leh pasaltha ze dik tak a lo langchhuak leh thin hi a tluak thil mawi hi khawvelah a awm leh tawh chuang ang em?
Mi tam tak sakhua avangin an intualvuak a, mahni in leh lo lum tlansanin sahimna hmun bêlin an tlanchhia a, thisen a luang zeih zuih a, khawlaih ruang an chhar a, thlantui leh mittui a inpawlh nawk nawka, social media in hmuhnawm thlirin a thlir a! Chutiang boruak karah chuan mihring zahawmna leh hlutna bosal lo va, sakhuana hmanga inunauna leh ngilneihna lantirtu pasaltha erawh an la awm e! Hindu pachal ni mah sela, a Muslim \henawm thihna lak atanga chhanchhuaktu, ama nunna atana hlauhawm tur pawh pawisa lova a hmelma (anga a hindu pui ten an ngaih) nunna chhanchhuaktu Sanjiv Kumar-a hming chu fakin awm rawh se! Delhi hmar chhak lama an khua Mustafabad ah chuan a \henawmpa Muslim pachal Mujibur Rehman-a in chu hindu hoten beiin an hal sak a, bungrua pawh chuh hman lovin anmahni chawpin halhlum vek an tum a, mahse Sanjhiv-a hian rang taka rawn puiin a chhanchhuakin a humhim a, he a ngilneihna lantir avang hian a hindu puite chuan "terrorist" tia ko vin an vau nghal a. Mahse ani erawh chuan a mihring puite chunga ngilneihna lantir chu a dik lohna a hre lo. Hemi avang hian Muslim dangte pawhin Sanjiv-a in chu rawn bêlin inhumhim nan an hmang a, chutih laiin a hindu puite chuan tihhlumah an vau thung a! Aw...mihring rilru kalsual suahsual theihzia tak hi chu aw! Sakhuana hming chawia tharum thawhna hian rah tha a chhuah a rinawm loh va, an biak pathian lawm zawng a nih pawh a rinawm chuang loh. Hindu hmeichhe tlawm tak, a Muslim unaute chhanhimtu pawhin "Thih te chu ka inpeih reng e, chu chu hlau chunga dam aiin a tha zawk" a ti. Sakhuana avanga indona kara hmangaihna leh ngilneihna hmel hi a va mawi em!!
He hla hril mangang au râwl hian thinlung a fan asin! Sakhuana hian tharum cho chhuak tawh suh se, sakhuana hi inremna tura duan a ni si a.
Here, in the chilly air of the morgue,
where the sharp smell of formaldehyde cuts through the odour of blood
and the buzz of an overworked air conditioner drowns out the howls from without,
they are finally equal.
On cold concrete slabs they lie…
men of similar age who prayed to dissimilar gods in life, lie equal in death.
Shot, stabbed, bludgeoned, it doesn’t matter now…
Sliced and sewn up after death,
they lie in perfect harmony,
unseeing eyes behind lifeless lids stare
at the futility of it all,
amidst the wails of the living.
Which God won, I don’t know
Do you?
—Message circulating on WhatsApp, Anonymous
Tunlaia Delhi thil thleng hian thinlung a fan a, tawrhna kara ngilneihna leh lainatna lantirtute hlei hlei hian thinlung an va khawih em! Aw.. Pu Kalam (my favourite ex-late President), lo tho leh la chuan i hmangaih India mite intualvuakna avang hian mittui tla chungin leh rilru na tak chungin he India ram mawi tak hi a rang arangin thihna khawpuiah i kalsan leh duh hialin ka ring mang e. Let peace reign in Delhi, religious harmony is the urgent need of situation i ti ngawt mai teh ang. Pu Kalam, i lo sawidik fuh mang e, "when there is harmony in the hearts, there is peace in the world" tia UN inkhawmpuia i au khawk rum rum lai te kha thawnthu an chang zo ta!!
Tukchhuah nuam ule.