..
كنت قعده في الفرح ومش ببصله بقيت بغض بصري عنه وعن اي حد
اخواتي البنات : تعالي نتصور
انا : لا لا هفضل قعده مش قادرة روحوا انتوا
بالفعل راحوا ومكنوش بعيد كنت اقدر اشوفهم حطيت ايدي علي خدي وسندت علي التربيزة وانا ببتسم بحب لما شوفتهم بيتصور ومش لقين حد يصورهم حلو وبما اني بعرف اصور حلو اتنزلت وقولت هقوم بس قولت اتفرج عليهم شوية فضلت ابتسم وبعدين اكتشفت أنه واقف قدامهم بس كنت اقدر اشوفهم عشان كده مكنتش شيفه القدمهم لقيته بيبصلي بصلته ورجعت ابص لخواتي تاني بص وراه باستغراب لقي اخواتي فبعد عن. المكان شوية صغيرين دلوقتي اقدرت اشوف المكان كله واخواتي
قومت من مكاني وبمشي بخطوات بسيطة وصلت عندهم وهو كان سمعنا
اخواتي : اي ده جيتي ليه
انا : قولت اعمل فيكم ثواب واجي اصوركم
مديت ايدي اخدت الفون وبحركه تلقائية ايدي مدتها قولتهم : بوس ايدي يلا وانا هوافق علطوال
ضحكوا كلهم وبدأت اصورهم واظبط الإضاءة وهو وقف. بيبص علينا من بعيد مهتمتيش وكملت
خلصت وجات اغنيه لطيف علي قلبي بقلي سنة ببطل اغاني بس في المناسبات للاسف بنكون سمعنها اجباري علينا بس الاغنيه كانت لطيف بالفعل وانا واخواتي حفظنها شغلت فيديو ومسكت الفون وبدانا نغني مع الاغنيه خلصنا وقفلت الفون ورجعت اقعد تاني
وهو مازال وقف مربع ايديه وبيبص عليا شكله لطيف اوي في الطقم الكلاسيك اوي يا جماعه ايه مش قولنا نغض البصر
اهو اهو
وبحكم أنه قريبنا جيه يسلم علي اهلي وكنت قعده عيني في الفون
انس مدد أيده: ازيك يا آش
آش حطت أيدها علي الخمار : اه ازيك يا أنس اخبارك اي
انس هو بيسحب أيده : تمام الحمد لله
آش : دايما
وكمل هو سلام وانا كملت اتفرج علي الفون خلص اليوم روحت البيت انا بحب بيتنا اوي يا جماعه بيت دافئ وكأنه بيضمك ليه وخصوصا بقي اوضتي رغم أنها زبالة بسبب اخواتي وهما بيلبسوا كل واحده عندها اوضة بس فوق فبيجوا يلبسوا عندي ويطلعوا بلبس النوم علطوال
يمكن بضايق ساعات بس مقدرش استغني عنهم في الاوضة اول يوم انام لوحدي فيه كان يوم مرهق جدا ومعرفتيش انام لكن خلاص بقيت تمام
يمكن ماما علطوال بتزعق معايا زاي دلوقتي كده بس بتفضل مكانه محفور في قلبي قبل اي حد بتفضل الونس البخاف يسبني بتفضل الحد الوحيد وانا صغيره اروح ابص عليها وهي نائمه بتتنفس ولا لا بحبها وبحب زعقها فيها بحب ارخم عليها
وبابا عطوال مكنش معنا بسبب السفر ففضل أنه الاب الموجود بس انا بالنسبالي مش البقراه في الروايات الاب الحنين اليخدني يخرجني وهكذا بس هيفضل مكانه في قلبي كبير
دخلت اوضتي بدأت اغير الفستان والخمار ولبست البجامه وخلاص بدأت اظبط الميكب الإخواتي استخدمه واحطه في مكانه انا بستخدم بس في البيت خلصت ونمت وانا مش بفكر فيه لاول ليله يبقي حمل عليا مش لطيف لاول ليله افكر في الوحش الفيه ومش اشوفه ميزة
نمت وانا بفكر أنه مش هينفع يفضل في قلبي كتير
هو تعبني والبيتعب حد لازم يبعده عن حياته
كانت حياتي هاديه اوي لطيفه بشكل فظيع لحد مهو دخل حياتي تعبني كانت بدايه تالته ثانوي بما أنه اكبر مني بسنتين فكان أقرب حد في ثانوية بعتله علي النت يقولي الدروس بدأنا نتكلم وكان كله عن الدروس مره في مرة مش عارفه اي الحصل في النت بنتكلم علي الدروس والحاجات وفي المناسبات بنقول ازيك وخلاص لكن جي اليوم التصدمت أنه ممكن يعمل كده لقيته مكلم اخويا قاله متخلهاش تكلمني تاني عشان بقيت بزهق
كانت صدمه ازاي ممكن اكون عبء علي حد كده اختفت تمام مفيش كلام ولا سلام وهو كمان مبقش يتكلم بدات الايام تمر من غير سؤاله علي دروسي ولا المدرس كويس ولا لا وهبقي اجي أوصي عليكي واسال عليكي اي رايك اجي احجز معاكي الدرس ؟. طيب اشوفك ونتقابل وانا راجع من الجامعه ؟
كل ديه اساله كان بيسالها علطوال افتقد كل ده ولكن برجع اشوف هو عمل اي فبرجع أبعد اي فكرة عن عقلي واركز في دراستي
عدت الايام وانا بزاكر وبنسي نسيت تمام كل حاجه
جات الصدمه التانيه يوم نتيجتي لما جبت مجموع معديش بيه حتي من قدام باب طب
عياط كتير بقي
بس رجعت بعد كام يوم اتقلم وقولت أنه اكيد خير انا عملت كل القدر عليه اكيد ربنا هيجبر بخاطري
مش انا قولت اني نسيتوا يا جماعه احم احم احب اقولكم بنتكم منستهوش انا كنت منتظرة أنه يبعت يقولي مبروك او اي حاجه لكن هو مبعتش طب اي رجعت تاني احاول اني انسي بدأت والله المره دي بجد بقيت احسن شوية هو شوية قبل النوم بس افتكر حاجات وبنام علطوال احم مش علطوال اوي يعني بس بنام في الاخر بدأت اقرب من ربنا اصلي الوقت بوقته اقرا قران ورد قران يوميا ورد اذكار يوميا نزلت الجامعه وبدأت اتاقلم ومش بشوفه تقريبا خلاص رغم أنه من نفس البلد ونفس العيلة بس كنت حبه كده كبرت بقيت في أولي جامعه رغم أنه معداش غير سنة الا اني حسيت نفسي كبرت عقليا جدا يعني
في يوم كنا خارجه من الجامعه لقيت مين بقي يا باشا لقيت الأستاذ انس وقف مع بنت
( انا بقول اجيبها من شعرها احسن لينا كلنا )
بدأت اقرب بخطوات بسيطة وصلت لحد عنده أو عندهم اي ده ماشاء وكمان بتضحكوا الله الله لا لا كمان ماسك أيدها ده يا صلاة العيد بصيت عليهم ولفيت وشي ومشيت لقيت البنادي عليا
أنس : آش يا آش
آش : اي ده انس ( يا ختي بطه علي أساس البت مش بتولع من جواها دلوقتي )
انس : ازيك يا آش
البنت المعها : اي آش مش انتي اسمك عائشة
بصتلها بقرف : انا تمام الحمد لله طنط اخبارها اي
انس : طنط! طنط كويسة الحمد لله
عائشة : طيب انا همشي بقي سلام عليكم
انس باستغراب : عليكم السلام بس ليه هتمشي استني اوصلك معايا انا وجميلة
عائشة : لا لا انا معايا العربية
مشيت وانا اصلا مش بعرف اسوق بس هو سكت لانه عارف ان اخويا عنده عربية وكنت حكياله اني هخلص واسوق
مسحت دموعي لما افتكرت الذكريات دي وببص علي اي ميكروباص
مش لقيه
لحد ملقيت واحد بس مليان ناس فضلت وقفه شوية لحد واحد بس للاسف مفيش مكان جنب الشباك بحكم اني مش بعرف اتنفس غير جنب الشباك كنت بقوله امشي بس لقيت انس بالعربية بيقرب
ركبت بسرعه جدا و الميكروباص مشي
قولت للبنوته الجنبي: لو سمحتي يا جميله ممكن تفتحي الشباك بس لاني بتخنق بسرعه
لقيتها بصتلي بابتسامه : اكيد طبعا
البنوته كان عندها بهاق وتقريبا هي حست اني مكنتش عايزة اركب عشانها لان في تفكير عقيم أنه مرض معدي يارب الناس تكوني عندها وعي كامل أن ده مش معدي وأنه اصلا مش مرض دول بيكونوا بنات قمرات
بصتلها بابتسامه وطلعت بنبوني باليكون معايا دايما في الشنطه : اتفضلي يا جميله
بصتلي : شكرا بس أنا مش جميله
انا : اي مين حيوان قال كده قولي قولي متتكسفيش
ضحكت : انا خديجه وكل ناس بتقول كده
انا : انا عائشة بس انتي شايفه نفسك كده
ردت : من كتر الكلام بقيت أخف ابص في المرايه
بصيت بصدمه ازاي ممكن ناس توصل حد للمرحله ديه
ورجعت بصتلها : بس انتي جميله واسمك اجمل حبي نفسك الناس هتحبك روحك قمر وشكلك قمرين اللهم بارك الإنسان مننا لازم يحب نفسه لما تحبيها هتعرفي أنك بتحبي ربنا ايوه متستغربيش لان حبك لنفسك نابع من حبك لربنا لانه هو خلقك وطلما بتحبي كل حاجه هو جبها يبقي انتي بتحبيه
انا هنزل عشان وصلت واه ده رقمي لو احتاجتي مني اي حاجه
نزلت لما جيه الموقف من غير ماسمع ردها بس ابتسامتها النورت وشها كفايا عليا من اي كلام
بجد احنا كلنا حلوين انتي جميله بكل حاجه فيكي اذا كنتي تخينه رفيعه طويلة قصيرة بيضه أو سمرة كلنا حلوين حبي نفسك الناس تحبك
نزلت ركبت الموقف وروحت البيت اول ما دخلت روحت بوست ايد امي ودخلت اغير
افتكرت موقف البنت وضحكت بس ضحكتي اختفت لما افتكرت موقف انس
بس طلما هو مش شايفني اشوفه ليه
طلعت اكلت مع اهلي وقعت معهم ودخلت اوضتي اشوف اخدت اي واظبط جدول بكرة واظبط هدومي وكل حاجتي
نمت بس وانا بفكر ازاي ممكن حد يكون مؤذي اوي كده مسحت دموعي المش عارفه نزلت امتا دي
وغمضت عيني وانا بفكر في حلم حلو اعرف انام عليه
نمت صحيت
صلاة الفجر صليت
ونمت تاني
صحيت علي صوت ماما : قومي يلا بقي يا آش المحضرة هتخلص
قومت بسرعه جدا وده لاني اتاخرت دخلت غيرت هدومي وكنت اتوضيت صليت الضحي واكلت ونزلت بسرعه جدا جريت علي الموقف ركبت ووصلت ووللاسف انا اتاخرت
دخلت بسرعه
خبط علي الباب
دكتور ممكن ادخل
الدكتور : انت قولت ميت مرة محدش بيدخل بعدي بس انت عارفة عائشة مش بتتاخر دايما عشان كده ادخلي
دخلت وصوت جميله طلع بضحكه سخرية : اسمها آش يا دكو
الدكتور : يا اي يا ماما انا هنا اسمي الدكتور زين غير كده قله ادب
جميلة : وليه الغلط يا دكتور
الدكتور : انتي لسه شوفتي غلط برة
جميلة : انا عملت اي يا دكتور
الدكتور : لما تحترمي نفسك يبقي ادخلك قولت برررة
بالفعل طلعت وهي بطلع غضب من وشها
اعوذ بالله اي الناس دي
خلصنا المحضرة وطلعت روحت الكافتيريا جبت قهوة وقعدت اظبط المحضرة في الكتاب والكشكول بتاعي
لقيت الاخت جميله جيه جنبي وبتتكلم في الفون
جميلة بعياط مسهوك كده : شوفت يا انس حصل فيا أي انا يحصل فيا كده وعشان مين ست الشيخه
سمعت كده وقومت دخلت المحضرة البعدها بكل هدوء خلصت وروحت البيت وانا ماشيه لقيت طفل صغير قعد بيعيط نزلت لمستواه
عائشة : بتعيط ليا يا بطل
الطفل : بابا مجاش اخدني من الحضانة وهي قفلت ومش عارف اروح
عائشة : طيب هي فين الحضانة
الطفل : هناك اهي
عائشة : طيب تعال نقف عندها عما بابا يجي
روحنا وقفنا وطلعت بنبوني من المعايا
عائشة : خدي يا بطل عما بابا يجي ولا تيجي نجيب حاجات حلو من هنا
طفل : هستني بابا
عائشة : ماشي
وقفنا شوية بردو مجاش
عائشة : لا انا بقول نجيب حاجه حلو وهو يجي علطوال
روحنا جبنا حجات حلو ولسه طالعين من السوبر ماركت لقيت بابا جي علينا
ابو الطفل : غيث اي البيخليك تمشي وانتي يا استاذة ازاي تخديه كده ..... اي ده آنسة عائشة
عائشة بتبص : اي ده دكتور زين معلش هو كان بيعيط وبعدين جبته اجيب له حاجه عما حضرتك تيجي انا اطمنت عليا همشي بقي سلام يا غيث
لسه همشي لقيت غيث
غيث : طنط .طنط
لفيت. ليه : طنط!!!..انا اسمي عائشة أو آش من غير طنط يا باشا
ضحك : كنت هسلم عليكي
نزلت اخدته في حضني
زين : شكرا جدا ليكي
عائشة : لا مفيش حاجه سلام عليكم
روحت البيت غيرت واكلت وزاكرت ونمت بس المرة ديه فكرت في زين ازي سنة صغير كده وعنده طفل وليه أمه مجتش هي تاخده من الحضانه وازاي كمان زين مش لابس دبله
خبط علي جبهتي
وانتي مالك اصلا نامي بقي نامي كل يوم تفكري في حاجه شكل
نمت أخيرا وصحيت روحت الكلية لقيت زين بعد مخلصنا المحضرة : انسة عائشة كنا عايز حضرتك في حاجه
عائشة: طبعا اتفضل
لسه هيتكلم لقيت انس في وشي وضرب زين
زين : انت بتعمل معايا كده يا انس وعشان مين عشان ديه
وكان بيشاور عليا
بصت بصدمه رد عليا وقال : مش قصدي انتي الوراكي
بصيت لقيتها جميلة
انس : مش اسمها دي اسمها خطبتي مراتي زاي ما تحب تسمي
زين بصله : خطيبتك !
انس : اه خطيبتي معلش بقي زكرياتك المريضة دي مع نفسك
زين : الف مبروك يااااا صحبي
يلا يا انسه عائشة اتفضلي
مشيت مع زين أو كنت بعيده عنه بمسافه والكلام في دماغي خلاص كده خطب واي زكريات دي كمان هو انا بفكر في اي طيب ليه مبقش فارق معايا انس وانا الفتكرت بيدافع عني ههه
قطع تفكير زين : تقدري تروحي النهاردة وتكمل كلامنا بعدين
عائشة : اكيد بس حضرتك كويس
زين : اه الحمد لله واه صحيح انا جاي اخد غيث من الحضانه وهي تقريبا في طريقك تحبي اوصلك
عائشة : لا لا ولا يهمك همشي انا
زين : لا ليه اتفضلي معايا العربية
عائشة : انا اسفة بس مش بركب مع حد غريب العربية سلام عليكم
زين : خلاص زاي ما تحبي وعليكم السلام
مشيت ركبت الميكروباص وانا حسه اني في عالم اخر كنت تقريبا نايمه لحد ملقيت بنوته بتقولي ادفع الحساب
دفعت وكان قدامي طفل لوحده
لقيت السواق بيقول : كده ناقص واحد مين مدفعش
الكل سكت لأنهم دافعين والطفل فضل يفرك في أيده من التوتر وشكله هو المدفعش
السواق : يا ناس في حد مدفعش مين
ردت انا : معلش انا مدفعتيش انا نسيت
لقيت البنوته الجنبي : بس أنا اخت منك الفلوس
انا : لا لا مدفعتيش وبصتلها
دفعت الأجرة وقولتها: تقريبا الطفل ومش لازم نحرج اي كان مين مدفعش
بصتلي بابتسامه وسكتت
نزلت لقيت الطفل جاي ورايا : طنط طنط
بصت عليه : نعم يا حبيبي
الطفل : هو انت فعلا المدفعتيش بس وانا راجع من المدرسة فلوس وقعت ومعرفتيش اعمل اي
نزلت لمستواه : ولا يهمك يا حبيبي قولي انت مروح فين
الطفل : هركب هنا واروح
انا : وانا كمان هركب هنا تعالي يلا معايا
طفل : بس. كده حضرتك هتدفعي كتير بصي دول فلوس تيتا الله يرحمها كانت مديلي الجنيه ده وانا صغير عشان اجيب بيه حاجه بس قولت اسيبه ولما ماتت مكنتش راضي أطلعه عشان يفضل حاجه حلوه منها
بصتله بحنان : سيب فلوسك يا جميل وانا هدفع انا عندي اغلي منك تعالي يلا نركب وتحكيلي علي تيتا اشطا
لقيته ضحك : اشطا
ركبنا ودفعت ولفيت ليه بكل اهتمام اسمع له كان نفسي. يبقي عندي تيتا بكل الاتنين ماتوا مامت بابا ماتت وانا مكملتيش شهور ومامت ماما ماتت قبل ما تولد ومحسيتش بيهم كان نفسي يبقي ليا تيتا اروح عندها وقعد وحط راسي علي رجلها وافضل اكملها وتحكيلي عن ايام زمان وعن حب جدو وعن الدنيا ازاي تتعاش وعن كوبيه شاي من ايديها وعن كل حاجه كانت بتعملها وشكل بيتها القديم البيبقي بالنسبالي قصر وشكل شعرها الابيض والتجاعيد على العينها ووشها وافضل معها وتعملي بلوزة بالكروشيه من أيدها وتلعب في شعري حاجات كتير كنت نفسي اعملها معها بسبب مدي حبي لايام زمان وشكل بيوت زمان
فضلت اسمع للطفل ده والكتشفت اسمه سليم في الاخر وعن حبه لجدته وكل اذني صاغيه ليه
وصلنا نزلت جبتله شوكولاته وسلمت عليه ومشيت
يمكن الموقف حصل عشان مفضلش افكر روحت البيت غيرت هدومي وصليت واكلت ودخلت المطبخ عملت كوبيه قهوة بلبن واخدتها ودخلت اوضتي شغلت اسلام صبحي وشربتها وبدأت اكتب
" عندما تأتي الصدفة التي تجمعني بيك في يوم ما سوف اتمسك بها وكأنها شئ للنجاه لم اعرف من ستكون ولكن اعمل انك الطف من كل شيء مررت بيه"
خلصت ونمت صحيت للجامعه لبست ونزلت وصلت وخلصت محضراتي ونزلت اجيب قهوة عشان اروح لقيت دكتور زين بيوقفني
: انا اسف بس عايز رقم ولدك
انا : ليه
: هطلب ايدك
انا : ازاي وغيث
: لما اجي هتعرفي كل حاجه
مش عارف اي الخلني اديه رقم بابا وجيه فعلا تاني يوم
لبست فستان لونه بني وخمار لونه نسكافيه ودخلت الوان هاديه اوي تحسي بجوا الشتا لذيذ
: احب اعرفك بنفسي انت زين دكتور في الكليه عندك كنت متجوز جميله وانفصلنا وصحبي يبقي انس بس مش عارف اي الحصل خله يحب جميله عندي طفل غيث بس هي سبته معايا عشان تعيش حياتها
خلص كلامه وانا مصدومه أنه كان متجوز جميله
: انا مش عارفه اقول اي بس محتاجه وقت افكر وقبل أي حاجه لو ربنا كاتب لينا الخير انا هعمل ضوابط الخطوبة
زين : اكيد باذن الرحمن
مشي وانا دخلت افكر
لقيت ماما : انتي بتفكري في اي اكيد لا انتي الف واحد يتمنكي وقت متتجوزي تتجوزاي واحد منفصل
بابا : سيبها تفكري شكله محترم
ماما : علي عيني وعلي راسي بس ده عنده طفل
انا : ماما انا لسه مش عارفه بس مش الطفل الهيوقفني عن حياه سعيده لو معه
دخلت اوضتي صليت استخاره والغريبة اني مرتاحه اوي صليت تاني يوم وبردو بابا جيه قولته موافق والغربية أن ماما مقالتيش حاجه تقريبا كده ده العوض
عملنا خطوبة بسيط جدا وبعدها قال شهر وكتب الكتاب كان ملتزم بضوابط الخطوبه بيجي عندنا مع غيث كنت بمتحن خلال الشهر ده وهو كان معايا لو محتاجه حاجه خلصت امتحانات
وبالفعل عملنا كتب الكتاب وكل ده وأنس مش موجود طلع أنه اتجوز جميله وسافر نسيته وبدأت مع زين كان شخص لطيف اوي بنصلي مع بعض بياخد بايدي للجنة وابنه بقي الطف كتير منه الصراحه عملت شقتي الالوان الشتويه وعملت ركن للصلاة وركن للقهوة وعملت زرع في البلكونه وقعده لطيفه وزين عرف مدي حبي للشتا والبحر في الشتا والمنجا والقهوة بلبن والبحر تاني واللوان الشتوية والشيكولاتة بقيت دفتر مفتوح قدامه وهو كده حبيته اوي وهو حبني والأهم كان في دفئ مش طبيعي بينا والامان كله في حضنه
......
منتظركم في صفحتي اعملوا فولو
Rewan Gamal 🤎🦋