❤️
#اسكريبت_قمر_وطويل😊🙈🤭❤
"""""""""""""""
- حبيبة فين يا خالتي
- جوه يا حبيبتي ادخلي لها في البلكونة
- مسا مسا على خطيبة أخويا اللي محيراني معاها
* سلمى بطلي بقى
- قولت حاجة غلط
* مش هنعيده تاني ماشي وكفاية بالله عليك، أنا مش مستحمله
- بقولك خديها مني ثقة هيجي يخطبك قريب احساسي عمره ما خاني
* أرجوكِ يا سلمي لو بتعزيني بطلي اللي في دماغك دا ومتقوليش لخالتك حاجة عشان متصدقش
- احم فات الأوان يا حبيبتي أمي وأمك بيجهزوا كحك فرحكم
* أنا داخلة انام
- خدي يا بت
" سيبتها ودخلت قفلت عليا أوضتي ووقفت قدام الشباك وأنا قلبي بيوجعني ليه مصممة توجع قلبي على الفاضي هي مش فاهمة حاجة وأنا مش قادرة أقولها إن أخوها رفضني لما قولت له مره بهزار وفيها ايه لما نتجوز وكنت وقتها في ثانوي رد بأقسى رد ممكن يقتل الروح
- بتهزري أنا وأنت نتجوز يا نهار ضحك يا جدعان يا بنتي أنا بدور على واحدة حلوة ابصلها انسى الدنيا أقوم اقع فيك يا شويش أنت، وبعدين ترضيها لأخوكِ
رديت عليه بهزار وانا بكتم ألمي وحزني
* لا يا عم مرضهاش دا كان هزار وبعدين أنت أخويا.
من يومها وأنا دفنت كل حاجة بس خالتي ومامتي مصممين وهو مضايق بس مش راضي يزعلهم سمعته مرة بيقول لصاحبة في فرح قريبنا إنه مش بيفكر فيا وأنه مرتبط بزميلته في الشغل ، أنا نسيت كل حاجة والله وبعدت حتي الكلام مفيش أي مناسبة بتحجج ومش بروح عشان مااحتكش بيه بس كفاية كدا كفاية "
- حبيبة روحي ودي الأكل دا لخالتك وخليك هناك هنتغدى كلنا سوا على ما عمل حاجة حلوة
* أسفة يا ماما أنا صايمة النهار دا ومش هروح هدخل أنام وزي ما انت عارفة دا يوم تيتة
- هو أنت كل ما اقولك روحي في مكان تقولي لأ مالك يا بت بقيتي ملازمة البيت يدوب الكلية ومفيش غير جدتك أم ابوكي اللي بتروحليها
* مش لحاجة يا ماما بس كدا أريح لي مبحبش التجمعات
- براحتك أنا ماشية ابقي قفلي الشقة كويس
* تيتة
- حبيبة جدتك وحشتيني مالك يا ضنايا فيك إيه
* ينفع تاخديني في حضنك
- تعالي يا حبيبتي تعالي وسيبي حملك على الله وكله يهون طالما انت موجودة وبخير
٠٠٠٠٠٠٠٠٠٠٠٠٠٠٠٠٠٠
- هتفضل كدا كتير يا عبدالله!!!
# أعمل إيه يا هدير كل ما أبعت حد يقولي مخطوبة لابن خالتها ٤ سنين مخطوبة دا أنا من ثانوي وأنا ببعت عشان أتقدم سافرت وجيت وهي زي ما هي مبقتش فاهم حاجة سفري فاضل عليه ٣ شهور ومش عارف أعمل إيه؟
- سيبني أنت واديني التمام وأنا هجيب لك قرار الموضوع وبعون الله هتكون مراتك خلال شهر واحد
# خايف
- سيبها على الله وعلى أختك ، همشي عشان حسن قرب يجي وهرد عليك بكرا
* أيوة مين؟
- خالتي هدى موجودة
* أيوة أقولها مين
- قوليلها هدير أنا جارتكم في الشقة
* أهلا وسهلًا متاسفة معرفش حضرتك طب اتفضلي تيتة في الفراندا
تيتة تيتة في حد عايزك
- هدير ازيك يا حبيبتي عاملة ايه
* بخير يا خالتي طمنيني عنك معلش بقى انشغلت مع عبدالله أخويا جه من السفر وعنده على طول أنت عارفاه مبيحبش يتقل على حد ومبيخليش حد يعمله حاجة من مراتات أخواتي
- الله يصلح حاله بيبعتلي السلام دايمًا سلمي لي عليه
" سيبتهم وهما نازلين مدح فيه وأنا فضولي قاتلني الصراحة.. خرجت لهم ضيافة وحلويات واتعرفت على هدير وطلعت جميلة خالص وبقينا صحاب وكل اما باجي عند تيتية بتيجي وتقعد معايا وحقيقي حبيتها حسيت اني أعرفها من زمان وكلامنا طبعًا ما يخلاش من الأستاذ عبد الله "
* مالوش لزوم يا ماما مش هروح وبعدين خالتو كانت هنا امبارح
- بصي بقى هتيجي يعني هتيجي أنا قولت اهو قدامي
- اهلا بالصحاب اللي مطنشاني
* مقدرش يا سلمى أنت عارفة الامتحانات
- تعالي يا حبيبة خالتك ، مش هتسلمي على أحمد
* ازيك يا أحمد
- يا شيخة أخيرًا دا أنا قربت أنسى شكلك يا بنتي إيه نسيتي كنت لازقة فيا ازاي
* كنت صغيرة بقى ومعرفش حاجة، كبرت وعرفت حاجات كتير
- ومن ضمنهم أنك بعدتي عني؟
* مقربتش عشان أبعد يا أحمد، كل الحكابة أن مفيش بينا كلام مينفعش أصلًا
- بطل رخامة بقى يا أحمد ، وبعدين لو زعلان عشان بعدت اتجوزها يا عم واهو زيتنا في دقيقنا😂
* سلمى!!!!! من فضلك بلاش كدا
- والله يا سلمى لو مكنتش بحب كنت هخطبها بس للأسف أنا مرتبط بواحدة صحبتي
- إيه الكلاك دا يا أحمد!! أتجننت ولا إيه هو أنت هتلاقي أحسن من بنت خالتك
* خالتو أنا ماشية لو الكلام هيفضل بالطريقة دي، أحمد ربنا يسعده مع اللي يختارها وهو مش أكتر من أخ أنتوا ليه مصممين على كدا
- بنتي عندها حق ، كل شيء قسمة ونصيب وكل واحد حر يالا بقى الغدا جهز
* هدير كفاية بقى بطني اتملت من كتر الأكل وبعدين كدا الدايت هيضرب بكل الحلويات دي
- لا دي الحلويات دي وصاية ، المهم عايزة اكلمك في موضوع ويا ريت متتحرجيش مني
" فضلت تتكلم معايا عن رغبة اخوها في انه يتقدم وكدا وانا اديتها رقم ماما وكلمتها وخدوا ميعاد والمفروض إني هقعد معاه "
- يالا يا حبيبتي ادخلي عبدالله جوا وعمك معاه
* ماما أنا متوترة خالص
- توكلي على الله حبيبتي مش صليتي استخارة وخلاص مرتاحة
* أيوة الحمد لله
" دخلت وأنا بقرأ كل اللي حفظاه من السور وبدعي بكل الأدعية لقيته قاعد وباصص في الأرض اتكسفت خالص وقعدت على الكرسي اللي قصادة ورميت السلام ويا رب يسمعه، صوته مميز فرفعت عيني وهنا كانت الصدمة
* أنت!!!!
# لسه فاكراني😊
* مش معقول حضرتك أخو هدير؟ يا ربي
# أيوة يا ستي أنا عبدالله
" فضل يعرفني على نفسه وأنا سرحانة في الموقفين اللي جمعونا أول مرة يوم ما أحمد اعترف إني مش ممكن يفكر فيا وقتها كنت في ثانوي وجريت بعدها على تيتة وهناك قابلته في الشارع خبطت فيه وكان معاه حاجات كتير وكلها وقعت لميت معاه وشكرني،
والتاني كان نازل من العمارة ومعاه كتب وكنت هخبط فيه لأني كنت مضايقة يومها من ضغط ماما عليا وكنت معيطة اعتذرت له وهو ابتسم واداني كتاب ومشي"
# لسه معاكِ؟
* هاااا
# لا دا أنت مش معايا خالص، أنا حكيت لك كل حاجة وظروف سفري اللي كمان شهرين فممكن يبقى كتب كتاب لو حصل قبول؟
" بارك الله لكما وبارك عليكما وجمع بينكما في خير"
ابتسملي ومتحركش من مكانة اخته ومراتات اخواته كانوا بيقولوا سلم عليها واحضنها زي ما بيحصل بس هو ابتسم وبس ، قرب مني وقالي مبارك عليا وابتسامته اللي بتخطف القلب لازالت على وشه
الكل مشي واحنا قعدنا مع بعض شوية في الفراندا محستش غير وايدي بتتسحب وهو بيقربها منه وباسها بهدوء، اتكسفت جدًا وجيت اسحبها بس هو فضل ماسك ايدي وضاغط عليها"
# محبتش أعمل كدا قدامهم دي حاجة ما بيني وبينك ليه نخلي الكل يشاركنا فيها؟
* على فكرة هو لسه معايا😊
# هو إيه🤔
* لا دا انت مش معايا خالص
# برديهالي 🙂
* اه 🤭
# ماشي هاتي بقى كدا الكتيب اللي ادتهولك
* لحظة...... اتفضل
# على فكرة دا كتيبي الخاص مكنش بيفارقني فيه الأذكار وبعض النصايح أنا كنت طابعه ومحتفظ بيه لنفسي
* طب وليه ادتهولي
# صدقيني معرفش يومها لقيت نفسي بديهولك ليه معرفش... بس بعدها مفارقتيش خيالي طول سفري وأنا بتمنى أرجع عشان اتقدملك تاني وتالت رغم رفضك
* أناااا !!!!! هو أنت اتقدمتلي؟
# مكنتيش تعرفي صح؟ كنت متأكد
* لا والله
# أنا لما شوفتك آخر مرة كنا في شهر ذو القعدة وكان في بدايته وأنت عارفة إنه من الأشهر الحرم وفضلها كبير أي حاجة فيها خير بتتضاعف لحسنات سواء ذكر أو حتى نصيحة، فانا صممت إني مش هقابلك ولو فيك خير ربي هيجمعني بيك وفضلت أدعي، بعد العيد اتقدمتلك فقالوا لسه صغيرة دي داخلة تالتة ثانوي روحت تاني وقولت هثتناها بس اترفضت، بعدها على طول سافرت وانا بره بعت ناس عشان يطلبوكي بعد الثانوية وكذلك اترفضت ولحد ما هدير كلمتك كنت بترفض بس الحمد لله ربنا استجاب
* هو.. هو فيه كدا، يعني أنت عايز تفهمني أنك فضلت مستنيني ٤ سنين وأنا حتى معرفكش؟ والكتيب الخاص بيك ادتهولي بسهولة كدا؟ وتتقدم وتترفض وميأستش؟
# لو عارف إنه رفض شخصي مكنتش اتمسكت بيكِ، بس كل اللي وصلني انه بن خالتك متقدملك هو كمان
بس لما هدير كلمتك وعرفت كل حاجة صممت أكتر وكان ربنا رحيم بيا ورزقني بيك
* دا دا حب صح؟ يعني...يعني أنت بتحبني يا عبدالله!!!
# لو فيه حاجة أكتر من الحب والعشق أحبك بيها يبقى هي دي، مرتين شوفتك فيهم ومن بعدها حسيت إنه أنت اللي بتكمليني، لما كنت بزور جدتك كانت سيرتك بتيجي في وسط الكلام صدفة بس كان الحب جوايا بيكبر وكأنه بذره بتروى كل يوم وبتكبر، كنت بتابع اخبارك من غير ماالمح شكلك اتقيت ربنا فيك عشان يكرمني ويرزقني بيك
* مش مصدقة والله ما مصدقة
# ليه العياط يا حبيبة القلب، أنا عارف إنك مش بتبادليني شعوري تجاهك بس متأكد إن ربنا محافظ على قلبك ليا، اديني فرصة بس
* أنا لو مكنش جوايا شعور نحيتك فدلوقتي تأكد إن قلبي ملكك أنت يكفيني حبك وهو اللي هيخلي قلبي ينبضلك
# يا الله على كرمك الحمد لله الذي بنعمته تتم الصالحات، هسافر ٦ شهور وارجع نعمل أجمل فرح لأجمل حبيبة
* إن شاء الله ربنا يقدرني وأسعدك
# وأنا ربنا يقدرني واحافظ على نعمته وأفرحها دايمًا
" ولا تحلو تلك الحياة بدون روح تعانق روحي وقلب ينبض لأجلي وشخص يحتويني ويجعل من الفرح ثوبًا أرتديه ما دمت بجانبه"♥️🌚
#بنت_الشيخ