﷽
الحمدلله مطولت بأخذ القرار رغم محد من اهلي يلبس العباية لا امي لا خالاتي لاعماتي لابناتهم
و ايضا جانوا يكولولي انت بلبسج للعباءة رح تلفتين النظر اكثر بحكم مدينتنا اغلبها مسيحيين و هنا كل التزام ماكو متفرقين المسلمة من غيرها بس بعدين من فكرت كلت هو شنو الشي الي راح يلفت بيه ؟ يعني من البسها مارح اخلي اي شي من المفاتن او الزينة تظهر لهذا حتى لو كان لون العباءة الاسود ملفت مارح يكون تاثيره سلبي على عنصر الشباب ... شفت انه الوقت يمشي و محد يضمن عمره خفت اموت و اني بحسرة لبس العباءة و على مود منو ؟؟؟ الناس ؟؟ منو يجي بيوم القيامة ينطيني حسنات لان ملبست العباية ؟
ايضا فكرت انه يمكن اذا اخذت اني هالخطوة اكو بنات غيري عايشين ويانه هم يكونون مترددين و يتشجعون
و الفكررررررررررة الاهم اني شنو دوري ؟ شلون امهد ؟ شلون اسمي نفسي شيعية و موالية و انسب نفسي لشيعة الامام الصادق عليه السلام و اني اخاف اتمسك بارث امه ع بسبب نظرات العالم و كلامهم ؟ شلون قدوتي السيدة فاطمة و اني اخاف اواجه الناس ؟ شلون اكول و نصرتي معدة لكم و اني مترددة بأهم قضية لال الببيت عليهم السلام و هي العفة و الستر الكاامل ؟