♥️
اسكريبت #
_بت جايلك عريس
_وانا مش موافقة ياماما
_طب شوفيه الاول دا عريس زى القمر
_اتجوزوه انتوا
_شوفيه وبعدها احكمى
_قولت لاء يعنى لاء
_ماااشى وحياة امك لاقول لابوكى يابتااعة ....
_يووووه خلاص حاضر ياماما حاااضر اوووف بقا وبعدين اهو غار ف داهية بقا
_يلا اجهزى
_الو يا سونة تعاليلى دلوقتى
_ليه يابنتى
_تعالى بس
_حاضر
وصلت حسناء ،بصى ياسونة ياحبيبى ياقمر خمناشر انتى
_انتى سوخنة ياحبيبة لا بجد سخنة أنتى طول عمرك بتتكلمى معايا بطولة لسان ،بت انا خايفة منك
_حبيبة :- لاياراجل
_حسناء :-اه والنعمة الطرية
_حبيبة :-انا جايلى عريس وماما مصممة انى اشوفه وانا جيباكى هنا مش عشان سواد عيونك
_حسناء:-امال جيبانى ليه
_حبيبة :-عشام نطفشه
_حسناء:-لاء ياسيتى انا ماليش دعوة عشان طنط تقول لماما واتنفخ ف البيت
_حبيبة :-ملكيش دعوة بماما سيبهالى يلا بقا عندى خطة
_حسناء :-ربنا يستر ومتوديناش ف داهية
_حبيبة يلا بقا اشوف البس ايه وفتحت الدولاب
_حسناء :-حلو ده دا محترم
_حبيبة :-طالما محترم يبقى ميلزمناش
_حسناء :-نهارك اسود انتى عايزة تلبسى ايه !...
_حبيبة :-خليع عايزة البس خليع
_حسناء :-يخربيت ابوكى هتفضحينا وجسمك اللى هيبان ده
_حبيبة :-زكى زكى مش المفروض الواحد يزكى
_حسناء :-طب بصى الدريس دا حلو واهو عليه جاكت
_حبيبة :-حلو ده
لبست حبيبة الدريس
_حسناء :-خدى الجاكت اهو
_حبيبة :-جاكت ايه هو كدا حلو
_حسناء :-الصبر من عندك يارب يابنتى مينفعش كدا
_حبيية :-انتى عارفة لو مسكتيش هرن على امك واقولها على...
_حسناء:-الصحاب ف ذمة الله
_حبيبة :-يلا حطيلى ميكاب عايزة اطلع زى عروسة المولد
_حسناء :-انتى مش محتاجة ميكاب انتى كدا حلوة
_حبيبة :- هو فين التلفون هرن على مامتك اسلم عليها
_حسنا:- خلاص يختى اتهببى بس بعيد عنى انا هتفرج بس
مسكت حبيبة الميكاب وحطت ميكاب وتقلته ولا كأنها حاطة سكنتين معجون وطلعت على العريس ومامتها وبابها قاعدين معاه واول ما طلعت قالت فى سرها بس الواد قمر لاء لاء ياحبيبة اقفلى على سكة العرسان دلوقتى وعيشى حياتك .
_الاب:-ايه ده يابنتى ايه المسخرة دى
_حبيبة :-دى الموضة بقا ولازم امشى على الموضة منا عروسة بقا وكدهون يعنى
_الام بغيظ :-كدهون اه الموضة بقا ياحاج اقعدى هنا جنبى وقعدت حبيبة جنب مامتها
دانتى ليلة ابوكى سودة يارقاصة يابنت الرقاصين اصبرى بس اما الواد يمشى
_الاب:-يلا ياأم حبيبة نسيب حبيبة مع عريسها شويه
_الام :-حاضر وربنا يستر على الواد
_حبيبة :- كلمنى عن نفسك
_العريس :-مش المفروض انا اللى اقول كدا عالعموم ياسيتى انا احمد خريج كلية آداب قسم انجلش عندى ٢٥سنة وتقدرى تسالى عنى وعن أخلاقي وجاهز ومستعد لكل طلباتك
_حبيبة :-احمد من اللى هما بيخوزقوا دول
_احمد :-دانتى لمضة شكلك
_حبيبة :- يعنى من الناس اللى بترجع البيت من العشاء وكدا انا مبحبش النوع ده
_احمد :-وانا اصلا برجع البيت الفجر
_حبيبة :-وقعت بلسانك وازاى اتجوز واحد بيسهر برا للفجر
_احمد :-انا برجع الفجر عشان اكيد بطلع اصلى الفجر
_حبيبة :-وانا عايزة واحد كلم بنات كتير عشان يكون فاهم دماغى أيا كانت ويتحمل تقلبات مزاجى
_احمد :-متقلقيش من الناحية دى
_حبيبة :-يعنى بتاع بنات
_احمد :-لاء بس قرأت كتير وفاهم وكدا
_حبيبة :-مثقف يعنى
_احمد :-يعنى
_حبيبة :-وينفع برضو يااستاذ احمد واحد زيك مثقف وخلوق يتجوز وحدة جاهلة وكدا زيي
_احمد :-انا راضى (ماهو طبعا فهمها من وقت مادخلت عليه)
_حبيبة :-دانت غتت بقا
_احمد :-بتقولى حاجة
_حبيبة :-لا لاء ولا حاجة
_احمد:- بس الميكاب بتاعك جميل
_حبيبة :-ايه الواد الاهبل ده دا شكله فعلا غلبان ومالوش ف سكة البنات يااما مبيشوفش يااما بيستهبل
_احمد:- ممكن ياانسة حبيبة تجيبلى كوباية المية دى
_حبيبة :-وانت معندكش ايدين متاخدها
_احمد :-هاتى يابت الكوباية. وهاتى كمان مناديل
_حبيبة :-افتكرت كلام امها فقالت بغيظ مااااشى
خدت حبيبة الكوباية وعلبة المناديل وراحت بتديهاله وبتمدله أيدها وراح احمد شدها عليه وقعت ف حضنه
_حبيبة :-يخربيتك انت بتعمل ايه
احمد خد منها المية والمناديل ومسح وشها
_احمد :-بقا ينفع تخبى القمر ده عنى
_حبيبة :-طب أبعد عنى بس
_احمد قربها اكتر وهمسلها :-بت انتى مينفعش حد غيرك يدخل حياتى اصلا وعلى فكرة انا شوفتك قبل كدا وخطفتينى من أول نظرة وبحبك واهو دخلت البيت من بابه ولعبتك مدخلتش دماغى
_حبيبة :-يعنى انت كنت فاهم من الاول
_احمد :-اه بس بحبك بقا اعمل ايه
_حبيبة بضحكة وقلبها طبعا مال وعجبها الواد وأسلوبه:- هو فيه كدا يااناس ،ايه ده ماما جت وبعدت عنه
_احمد :-اه ياكذابة
_حبيية :-ماما ماما
دخلت امها وأبوها
_الام :-مالك يبنتى
_حبيبة :-هاتى المنديل
_الام :-مالعلبة جنبك ااهى
_حبيبة :-مش ده مش ده ،اللى بيتحط على الايد ف كتب الكتاب ده
_االام :-يعنى موافقة
_حبيبة :-وزعوا الشربات
_بعدها بشهر ....بارك الله لكما وبارك عليكما وجمع بينكما........
_احمد :-مبروك ياعروسة
_حبيبة :-مبرووك ياحبيبى
_احمد :-ياايه.....؟
_حبيبة :-هو فيه غيرك حبيبى طبعا انت حبيبى وحياتى كلها
_احمد :-ربنا يخليكى ليا ويسعدنا يارب
_حبيبة :-يارب
تمت
#بقلم_سمراحمد