***
. ГулмираBu idish alomat idishdir,
Guldurab
soʻzlashni
biladi!
Olam-u odamga hayqirib,
Oʻz qadrin koʻzlashni biladi!
Uqmagan narsam yoʻq deganday,
"Aql"ini qiladi namoyish:
"Ey, sen,
Men borligim uchun ham,
Topyapsan
osoyish,
oroyish!"
Anglarday toʻlmoqlik asrorin,
Kimsani nazarga ilmaydi.
Faqat u,
oʻzining
ichida,
Hech narsa
yoʻqligin
bilmaydi!
Bu idish—juda ham alomat!
Gulmira Abdiraimova