...

Исмалоқ иссиқхоналарга экилганда ҳосилдорлиги февраль – март ойларида 1 м2 дан 1,5-2,5 кг ни, апрель-майда – 3,5-4,5 кг ни, август-октябрда – 2-3 кг ни ташкил қилади. Парникларга экилганда 1 ромдан 4-5 кг ни, кичик ҳажмли плёнкали қурилмаларга экилганда ҳосилдорлик 1 м2 дан 4-5 кг ни ташкил қилади. Исмалоқни униб чиққандан сўнг 20-30 кун ўтгач овқатга ишлатиш мумкин. Унда 6-10 барг ҳосил бўлганда биринчи ҳақиқий барги остидан кесиб олинади ёки алоҳида ташқи баргларидан бошлаб йиғилади. Баргларни эрталаб йиғиштириш, шу билан бирга барг бандларини узиб олмай синдириб олиш керак. Исмалоқ барглари янгилигида яхши сақланмайди, янги музлатилган ёки консерваланган ёки қуритилган ҳолда бўлса, унда деярли барча муҳим озуқалик сифатлари сақланиб қолади.