___

Оңтүстік Африка Республикасының президенті Сирил Рамапоса Африка сыртқы қарызын төлеп бітіруі үшін екі жыл мораторий қажет екенін мәлімдепті. «Халықаралық валюта қоры мен Дүниежүзілік банк Африка елдері үкіметтерінің егемен борыштарын және олар бойынша пайыздарды төлеуге тоғыз айлық мораторий енгізу туралы ұсынысын қолдады, алайда бізге екі жылға мораторий қажет», — деп мәлімдеді Сирил Рамапос 8 мамырда Африканың оңтүстігіндегі мемлекет және үкімет басшыларымен өткен бейнеконференцияда.Ол жаңа коронавирустың пандемиясы Африкаға оның қазіргі тарихындағы ең ірі экономикалық және әлеуметтік шығындармен қауіп төндіретінін айтты.Африка мемлекеттерінің қаржы министрлері Африка одағының қамқорлығымен өткен сәуір айында құрлық елдеріне әлемдік қауымдастық тарапынан 100 млрд доллар көлемінде көмек көрсету жоспарын әзірлепті.Олардың пікірінше, бұл көмек несие желілерін ұлғайтуды және африкалық елдердің мемлекеттік қарызы бойынша 44 млрд доллар сомаға барлық пайыз төлемдерінен тез арада бас тартуды қамтуы тиіс.Әзірше Халықаралық валюта қоры мен Дүниежүзілік банк Африка мемлекеттеріне көмек көрсетуге 57 млрд доллар жұмсады.