...

Боғ юзасини оралиқ экин билан назоратга олиш:

Имкони бор анорзорларда боғ юзасини оралиқ экинлар ёрдамида назоратга олиш GAP амалиётининг талабларидан биридир. Анорзорлардаги оралиқ экинлар қуйидаги вазифаларни ўтайди:

• Дуккакли экинлардан фойдаланиш тупроқни азотга бойитади.

• Тупроқ таркибини яхшилаш орқали зараркунанда ҳашорат ва касалликлар олдини олиш, тупроқда микро-организмлар фаолияти учун қулай шароитлар яратиш ва тупроқ юза қатламида зараркунанда ҳашоротларга қарши куришиш; • Тупроқ эррозияси олдини олиш ва унинг унумдор қатламини асраш;

• Тупроқнинг сув ўтказувчанлиги ва зарур фойдали элементларни ўзида ушлаб туриш имкониятини яхшилаш;

• Бегона зараркунанда ўтларни дарахтлар билан рақобатлашишига йўл қўймаслик; Анорзорларда оралиқ экинлар ва мулчадан табиий озуқа вазифасида фойдаланилади. Бундай ҳолатда оралиқ экинлар ўриб (майдаланиб) тупроқ юзасига мулча сифатида тўшалади. Қуруқ мавсумларда мулча сув йўқотилиши олдини олишга ёрдам беради ва тупроқни органик моддалар билан бойитади (механик ишловга нисбатан самаралироқ). Қуруқ мавсумларда ёнғинларга сабаб бўлиши, мулчанинг камчиликларидан бирдир.

Оралиқ экин танланаётганда қуйидаги талабларга эътибор бериш керак:

• Оралиқ экин сифатида танланаётган ўсимликнинг озуқа ва сувга бўлган талаби ва биологик вегетатив ҳаёт даври.

• Танланган экиннинг тупроқ таркибига таъсири (саёз ёки чуқур илдиз ортиши).

• Танланган экиннинг тупроққ фойдаси.

• Танланган экиннинг зараркунанда ҳашорот ва касалликларга чидамлилиги.

• Танланган экиннинг қуруқ мавсумларда ёнувчанлиги.

• Танланган экиннинг механик ишловга бўлган талаби (ўриш, мулчалаш ва ҳоказо). Оралиқ экин сифатида маҳаллий шароитда яхши ўсувчи ўсимлик турларини танланиши мақсадга мувофиқ, чунки улар маҳаллий об-ҳаво ва тупроқ шароитларига мослашувчан бўлади.