*/

Video Transcript

يعني انت موافقة? اه موافقة بس عندي شروط. اشرطي زي ما انت انت عارفة لو ما قلتيش عندك شروط كنت هقول لك اشرطي. اولاً ما لكش دعوة باي حاجة عملتها قبل الجواز. حقك طبعاً. اومال ايه? سانياً ما لكش دعوة باي حاجة هعملها بعد الجواز. حقك. نعم يا اختي? ايه? انت مش بتسق فيا ولا ايه? اصلك هو انا اعرفك حاجة زي ايه? يعني مسلاً بكلم مين في التليفون ما لكش دعوة مم خارجة بالليل ولا لا? ما لكش دعوة. اه. حتأخر في الخروجة ولا مش حتأخر? ما لكش دعوة. اه. حبات في البيت ولا هابات برة البيت ما لكش دعوة. اه يعني طب على الاقل اعرف يعني انت بايتة مع مين? بايتة فين? ليه? هو انت هتتجوزني ولا هتراقبني? مم انت عايزاني ابقى مم مفكر يعني. افكر دايماً فيك يعني. صح? يا بقى اللبس ده عريان قوي الميكب ده اوفر قوي ريحة بقك عاملة كده ليه والكلام ده ما تعرفيش القبلة منين? نعم? اصل انا خايف العصر ييجي على الضهر. اه انت عايز تفهمني بقى ان انت راجل محافز وملتزم وان احنا مش هينفع مع بعض وكده. صح? لا لا اصل عايز اقول لك الراجل الشرقي. ايه? راجل الشرقي بقى نفس الكلمة اللي كان بيقولها لي هيسم. هيسم? مم. هيسم مين? هيثم خطيبي الاولاني. كان بطل الجمهورية في الملاكمة وزن الريشة. هو انت وزن ايه? وزن الريشة. هو انت كنت مخطوبة? اه كنت مخطوبة وفسخت خطوبتي من تلت تيام. قصدي ليه؟ مش عارفة زعل مني جداً عشان بوست واحد صاحبي لأ لأ ملوش حق بقى بجد. مع انها كات بوسة اخوية والله. مقولتلوش ليه ان انا اخوية. لأ ما هو مفسخش الخطوبة عشان السبب ده يعني هو فسخ الخطوبة عشان اه شوفتي بقى. اصل هو زعلان ان انا بيت عند واحدة صحبتي وجوزها في البيت. بودي فيها ايه بقى عادي جداً. لأ اصل صاحبتي اضطرت تمشي فجأة تسافر لمامتها. اه فجأة انتي قلتي فجأة اهو. اه. طيب خلاص فجأة قام هيثم طب علينا في البيت واحنا الاتنين لوحدنا. انتي ومين؟ انا وجوزها. كنتو بتعملو ايه؟ كنا نايمين. اه لأ طالما نايمين عادي يعني هيسم ده بلدي. بلدي بلدي قوي. هو كان خنق قوي بصراحة. اه بصراحة الحمد لله انك سبتيها يا شيخة. قولي بقى هنتجوز امتى. مين. انت غيرت رأيك. لا لا لأ بس انا محتاج اعمل عملية مهمة جداً قبل الجواز يعني عايز اشيل اشيل النخوة من جوة من جمب الكلى كده وازبط نفسي واركب حاجات اجهز يعني عايز اجهزلك عشان نليق على بعض يعني.