___

Сауд Арабиясының Public Investment Fund ( PIF ) тәуелсіз қоры миллиард долларға жуық қаржыға еуропалық төрт ірі компанияның акцияларын сатып алыпты. PIF норвегиің Equinor компаниясының, британ-голландиялық Royal Dutch Shell компаниясының , француздың Total компаниясының және италиялық Eni компаниясының акцияларын сатып алған екен.Корольдіктің тәуелсіз қоры акция сатып алуын тоқтатпауы да мүмкін.Бұл қорға тоқталып өтпеске болмас.Бұл инвестқор көлемі $2 трлн-ға жетуі мүмкін.Қорды корольдік экономиканың шикізат емес салаларына инвестиция құюға пайдаланады.Бұлай деп король Салманның ұлы, ханзада Мохаммед бин Салман айтқан.Қазірдің өзінде PIF қорының иелігінде Сауд Арабиясының Ұлттық коммерциялық банкінің үлесі бар.Әлем бойынша этиленгликоль өндіруден екінші орында тұрған Saudi Arabia Basic Industries Corporation ( SABIC ) компаниясының да үлесіне ие.Бұл қор туралы не үшін айтып отырмыз?Естеріңізде болса, 2020 жылдың 6 наурызында мұнай өндіруді қысқарту бойынша халықаралық ОПЕК + келісімі жойылған.Дүниежүзі үкіметтерінің коронавирус пандемиясына байланысты қабылдап жатқан карантин шараларына байланысты мұнайға деген сұраныс құлдырайды деген болжам айтылған.Сондықтан үкіметтер келісімге келе алмаған.Ресей Сауд Арабиясының өндірісті азайту бойынша ұсынысымен келіспеген.Салдарынан 1 сәуірде бастапқы альянс елдерінде мұнай өндіру бойынша шектеу алып тасталған болатын.