😳

Қўшнисига болта уриб жароҳат етказди

Андижон вилоятининг Ҳўжаобод туманида 23 март куни соат 14.30ларда, Жалақудуқ тумани “Ёрқишлоқ” МФЙ Назокатли кўчаси 90-уйда яшовчи, 1979 йилда туғилган Э.Мирзахакимов, “Оқбурасой” канали бўйида жойлашган боғда, ўзаро жанжал оқибатида қўшниси, 1983 йилда туғилган У.Ахмедовнинг бош қисмига болта билан уриб, жароҳат етказган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.

Натижада У.Ахмедов касалхонага ётқизилган. Э.Мирзахакимов қўлга олинган.