...

Агар сиз қулупнайдан соғлом ва йирик ҳосил олишни истасангиз, уни гуллаш даврида озиқлантириш лозим. Умуман олганда, гуллаш даврида ўғитлаш тавсияси барча резавор мевали экинларга тегишли. Айнан шу йўл билан катта ва сифатли ҳосилга эришиш мумкин.

Қулупнайни кул ва калий гумат билан озиқлантириш

Гуллаш даврида қулупнайни ҳар йили ўғитлаш лозим. Ўғитлаш иши кам ватқни талаб этади ва шунинг билан бирга жуда яхши натижа беради. Гуллаб бошлаганидан кўп вақт ўтмай қулупнай илк меваларини тугиб бошлайди. Шунинг учун уни минерал ўғитлар билан ортиқча ўғитламаслик керак. Энг оддий ва фойдали усул – органик моддалардан ўғит тайёрлаш. Булар:

Озиқа қандай тайёрланади? Бир челак иссиқ сувда бир стакан ўтин кулини эритамиз. Сувни совушини кутамиз ва унга 20 мл калий гумат қўшамиз. Бу дамлама билан қулупнай тупларини суғорамиз. Ушбу ўғит таркибига қулупнайга керак бўлган деярли барча микроэлементлар киради. Кул экинга фосфор, калий, темир, магний, бор беради. Калий гумат эса барча жараёнларни тезлаштиради: палакларни ўсиши, меваларни тугилиши ва пишиши.

Нашатир спирти билан қулупнайни озиқлантириш

Қулупнайни палакдан озиқлантириш аралашмасининг асосий ингридиенти нашатир спирти ҳисобланади.

Нашатир спирти (аммиак) азотга бой бўлиб, палакни яхши ўсишини таъминлайди. Бундан ташқари нашатир спирти – қулупнайдаги инфекция ва зараркунандаларга қарши табиий ва ҳамёнбоб бўлган самарали воситадир.

Бир челак сувда 3 ош қошиқ нашатир спиртини эритамиз ва пульверизаторга (пуркагичга) қуямиз. Яхшироқ ёпишиши учун аралашмага озроқ суюқ совун қўшса бўлади. Ҳар бир тупга аралашмани яхшилаб пуркаб чиқамиз. Ишлов беришни шамолсиз ва яқин вақтда ёғингарчилик кутилмайдиган куннинг кечки вақтида қилган маъқулроқ. Агар ишлов берганингиздан кейин кўп ўтмай экинга ёмғир ёққан бўлса, такрордан ишлов берган яхши.

Юқорида айтиб ўтилган озиқлантиришлар ҳам қулупнайдан яхши ҳосил олишга ҳамда ҳар хил инфекция ва зараркунандалардан ҳимоя қилишга ёрдам беради.

@AGROBLOGER канали

sadoezh.ru

dehqon.uz